X

انهاء اجراءات الهاربين من الجيش جديد 2019

مُسْتَشارُكَ القّانُونيْ

 
  • Filter
  • Time
  • Show
Clear All
new posts
  • عمر رحيل.
    Thread Author
    Free Membership
    • Mar 2019 
    • 11 

    السلام عليكم ورحمة الله وبركاته

    تحيه طيبه لكل القائمين على المنتدى وخاصة هذا القسم الاستشارات القانونيه استاذ جمال واستاذ ياسر والاستاذ هانى وكل الاخوه المشاركين بتجاربهم الفعليه لتسهيل الامر علينا جميعا الله يسهل للجميع
    بفضل الله اتممت ٣٦ عام وذهبت الى السجلات لانهاء الاجراءات للهاربين من بعد تاريخ ٢٠٠٤ /٥/ ٢٥
    يوم الاحد لانهم بيقبلوا الاوراق يوم الاحد من كل اسبوع




    والاوراق المطلوبه كانت


    • إحضار فيش جنائى حديث موجه لإدارة السجلات العسكرية .
    • ١-أصل شهادة قيد الميلاد رقم قومى .
    • ٢-البطاقه الشخصيه ساريه .
    • ٣-صورة من بطاقة الرقم القومى سارية .
    • ٤-دفع الرسوم المقررة بإدارة السجلات العسكرية . ١٥ جنيه للفاقد تحقيق الشخصيه العسكريه
    • ٥-تحقيق الشخصية العسكرية (إن وجد) .
    • ٦-صورة من قسيمة الزواج . ان كنت متزوج
    • ٧- ٢ صوره شخصيه.
    • ٨-دوسيه ورق.
    • وتذهب بهم الى مكتب الهروب المقابل للسجلات
    • ناس هناك بيتعاملو قمه فى الاحترام فى الحقيقه
    • فتحوا الباب من الساعه ٨ تقريبا وكان هناك جندى مسؤل عن مراجعة الاوراق ومحاولة تيسير الامر لنا
    • ملئ البيات هو وظبط الاوراق وترتيبهم
    • وقالنا اتفضلو قعدنا فى القاعه لحين الانتهاء من ملئ البيانات
    • وفقط اعطانا ٢ ورقه نكتب فيهم الاسم ورقم البطاقه
    • ثم قال لنا نبصم على استماره
    • ثم قال لنا انتظرو نصف ساعه فى قاعة الاستقبال
    • راجعوا اوراقنا والبيانات على الكمبيوتر
    • ثم اتى وابلغ كل واحد فينا شخصيا ياتى يوم الاتنين القادم يعنى بعد ٨ ايام وقال لكل شخص فينا كم الفلوس اللى عليه بعضنا كان ٢٠٠ جنيه والبعض ٣٠٠ جنيه والبعض ١٠٠٠ جنيه
    • كل واحد حسب تسليمه للمخله او كان عليه عهده
    • وقال لنا تأتو يوم الاثنين للدفع المبلغ المطلوب من كل واحد فينا ثم نروح وقال لنا نعطيكم ميعاد تأتو لتاخذو الشهاده بعدها
    • من الساعه ٨ نكون امام البوابه ان شاء الله يوم الاثنين وحذرنا من التاخير فى المجيئ او عدم الذهاب
    • قال فى حالة التاخير او عدم الذهاب تعاد الاجراءات بعد ٦ شهور لا قدر الله
    • الله يسهل الامر كله سنوفيكم بالجديد باذن الله يوم الاثنين
    • ان شاء الله عند الوصول للمرحله الثانيه
    • هى دفع الرسوم المقرره لكل شخص




    المعلومات الجديده فى الموضوع اضافه عن كلام الاخوه
    ٢ صوره شخصيه
    الرسوم المقرره (المصاريف ) تدفع فى ثانى زياره وليس ثابته فى ٣٠٠ وفى ١٠٠٠ وفى ٢٠٠ حسب كل واحد كان وضعه ايه
    المشوار الاول ياخذ من وقتك من الثامنه صباحا الى ١١ صباحا على الاكثر ان شاء الله




    دعواتكم الى امى بالرحمه والمغفره
    الله يرحمك امى


    عليكِ سلام الله يا أمي التي ؛
    بكتكِ رجال والنساء العواطف فقدتُّ حنانا لايحد وطيبة ؛
    وجُل حنان الناس ذا اليوم زائف رحلتي ف حلّ الحزن في البيت غرة ؛
    وفجعنا ريح من الخطب قاصف رحلتي وظل الحزن بعدك سامغا ؛
    وأروقني جفن عن النوم عازف
  • abotorab
    Free Membership
    • Nov 2018 
    • 19 

    #2
    فى انتظار باقى التفاصيل ان شاء الله .. الله يوفقك
    Comment
    • abotorab
      Free Membership
      • Nov 2018 
      • 19 

      #3
      هل واجهت اى مشكلة فى استخراج الفيش الجنائى الموجه للسجلات العسكرية؟
      وهل يظهر فيه موضوع الهروب من التجنيد؟
      Comment
      • gamal gamal
        محامى ومستشار قانوني
        • Sep 2018 
        • 5086 
        • 119 
        • 163 

        #4
        بالتوفيق يا غالى
        Comment
        • عمر رحيل.
          Thread Author
          Free Membership
          • Mar 2019 
          • 11 

          #5
          شكرا لك اخى abo ربنا يسهل امرنا جميعا
          ما فى اى مشكله فى استخراج الفيش من قسم الشرطه اللى تابع له
          والحمد لله ما ظهر فيه اى مشاكل او قضايا
          عملته واستلمته تانى يوم عادى
          Comment
          • عمر رحيل.
            Thread Author
            Free Membership
            • Mar 2019 
            • 11 

            #6
            اشكرك اخى المستشار الاستاذ جمال
            من قبل سنوات وانا اتابع هنا والفضل كله لله فى تسهيل الامر ثم انتم هنا فى قسم الاستشارات توفروا لنا الاستشارات المجانيه والجديد من التعليمات والقوانين وتجارب السابقين

            الله يجزيكم كل خير ويزيدكم من فضله
            Comment
            • عمر رحيل.
              Thread Author
              Free Membership
              • Mar 2019 
              • 11 

              #7
              السلام عليكم ورحمة الله وبركاته
              ذهبت يوم الاثنين لدفع المبلغ المخصص لى ان ادفعه الساعه ٨ الصبح
              فى السجلات
              اللى لم يسلم المخله بيدفع ٨٥٠ وبيعطيك ايصال
              وبعض الناس دفعو ٤٠ جنيه فقط والبعض دفع ٢٠٠ جنيه والبعض دفع ١٥٠ كل واحد حسب عهدته تقريبا والله اعلم

              اعطونا الايصال ذهبنا به الى مكتب الهروب بصمنا هناك على اوراق
              واعطانا ميعاد للجلسه ان شاء الله يوم الاربعاء بعد القادم
              سالناهم هل نحضر اموال معانا او فى غرامه او فى اى مصاريف اخرى قالو لنا لا يوجد مصاريف اخرى ان شاء الله ربى يتمم بخير ونوفيكم بالاخبار

              لا يوجد تاخير الحمد لله فى اى شئ الى الان بنروح ٧ بندخل ٨ بنخلص على ٩.٣٠ او ١٠

              الحمد لله على كل شى ربنا يسهل الامر
              شكرا لكم وربنا يجزيكم كل خير
              Comment
              • abotorab
                Free Membership
                • Nov 2018 
                • 19 

                #8
                رائع اخى ..فى انتظار باقى التفاصيل ان شاء الله
                هل شرط تجاوز سن ال 36 لا يزال قائم؟ ام تم تخفيض العمر؟
                هل يمكن ان تتأكد منهم ربما يكون تم تغييره ونحن لا نعلم
                Comment
                • عمر رحيل.
                  Thread Author
                  Free Membership
                  • Mar 2019 
                  • 11 

                  #9
                  السن ٣٦ للهاربين من التاريخ المذكور ٢٠٠٤ /٢٥/٤
                  الى الان ما فى اى تغيير الا فى ثمن المخله قالو اللى لم يسلم المخله عليه دفع ٨٥٠ جنيه وقالو هذا لانه لم يسلم المخله والبيانات كلها متسجله لديهم بيراجعوها

                  وسالناهم هل فى فلوس ثانى ندفعها فى الميعاد القادم قالو لا
                  فى انتظار الموعد القادم الاربعاء باذن الله يصير خير
                  الله كريم
                  Comment
                  • عمر رحيل.
                    Thread Author
                    Free Membership
                    • Mar 2019 
                    • 11 

                    #10
                    السلام عليكم ورحمة الله وبركاته
                    ذهبت يوم الاربعاء ٣/٤ موعد الجلسه
                    ذهب الساعه ٧ دخلنا الساعه ٨ القاضى العسكرى وصل الساعه ١٠ تقريبا او ١١
                    وقفنا كل واحد قال اسمه وسنه وسلاحه
                    اعطانا رفت من الخدمه الحمد والشكر لله
                    رجعنا الى القاعه قعدنا فى انتظار الشهاده
                    الساعه ١٢ اذن الظهر قالو لنا اللى حابب يصلى فى مصلى جوه وحمام توضئنا وصلينا الظهر واحنا بنصلى نادو اسمائنا لاستلام الشهاده
                    خلصنا صلاه وسجدنا لله شكرا وحمدا
                    اخذنا الشهاده بفضل من الله بعد انتظار ١٥ سنه ????
                    Big Line
                    المهم وانا باخد الشهاده كان فى زميل قال لى مش هتقدر تستخرج بها جواز سفر لانها شهاده كبيره القديمه لازم تستخرجه بالشهاده الجديده فى حجم الكارينه ????????????
                    اتصدمت ولكن قولت انا لسه مصلى وربنا مسهل الامر انا اطلع على الجوزات احاول اعمل جواز سفر عشان اتاكد من موضوع الشهاده الجديده دا
                    وصلت على الساعه ٢ دخلت اعمل الجواز فوجئت بالضابط محترم جدا فى الحقيقه بس صدمنى قال لازم الشهاده الجديده اللى شبه الكارنيه صغيره
                    قولت له يا فندم هذه جديده طازه لسه طالعه حالا بتاريخ اليوم قال لى ازاى
                    قولتله انا جى من السجلات على هنا والشهاده بتاريخ اليوم

                    قال لى انتظر
                    انتظرت هو اخذها منى وصورها وعمل تليفون ثم قال لى
                    انت لسه مطلعه اليوم ليه
                    قولتله لانها محاكمه عسكريه قالى ليه قولتله هروب
                    قالى وبعدين قولتله القاضى ادانا حكم الرفت والشهاده مكتوب عليها
                    دخلنا ٤/٢٠٠٥
                    وخلصنا ٤/٢٠١٩
                    والله لو فى اختيارات هناك فى الشهادات كنت اخذت الصغيره
                    بس انا ما سمعت عنها اصلا

                    قال لى اتفضل على الشباك كمل اوراقك الحمد لله
                    كان رائد الله يبارك له فى اهله واولاده محترم جدا وسهل الامر
                    ربنا يسهل امره

                    كدا خلصت الحكايه ودعواتكم لى بالخروج منها على خير والحمد والشكر لله على كل شئ
                    والله يرحم امى
                    Comment
                    • abotorab
                      Free Membership
                      • Nov 2018 
                      • 19 

                      #11
                      جزاك الله خيرا اخى ...متابع معك ..لكن فعلا لماذا لم يتم اعطائك الشهادة الجديدة؟
                      وارجو انك تؤكد استخراج جواز السفر هنا بعد استلامه ان شاء الله
                      انا بدعيلك دائما لانى فى نفس موقفك واعرف ما تشعر به
                      Comment
                      • Hany Adel
                        مشرف - إجارة
                        • Nov 2018 
                        • 114 
                        • 28 

                        #12
                        الحمد لله الذي أذهب الحزن .. بالتوفيق .. لمن أنهى موقفه ..
                        ونتمنى من الزملاء الجدد عدم الوقوع في هذا الفخ .. الذي يؤثر على حياتك كلها لسنوات طوال .. وربما تتغير القوانين لمن يفكر ألان في الهروب وتصبح اكثر قسوه..

                        ربنا يوفقكم وييسر حالكم جميعا
                        حفظ الله مصر
                        Comment
                        • عمر رحيل.
                          Thread Author
                          Free Membership
                          • Mar 2019 
                          • 11 

                          #13
                          الحمد لله على كل شى ربنا تولانا سنين بدون عمل وبدون امان
                          الحمد لله حقيقى وفعلا والله الواحد كانه كان نايم وصحى

                          كنت فى عطله ما يعلمها الا الله بس ربنا كريم ويسرها وسهلها وعدت الايام والسنين الحمد لله

                          شكرا لكم جميعا لمساعدتنا

                          بالنسبه للجواز السفر الحمد لله الضابط هناك الله يباركله متفهم ومستمع ومحترم جدا قولت له انا ما اقدر اخد شهاده الجيش الجديده وانا عمرى ٣٦ ولسه موقفى خلصان
                          وما اقدر اطلع الشهاده الجديد لان هذه جديده بتاريخ ٣/٤/٢٠١٩
                          وهما اعطونى هذه الشهاده ومكتوب عليها دخلت ٢٠٠٥ وانتهى موقفى ٢٠١٩
                          قال لى المفروض تكون الشهاده الصغيره الجديده قالى انتظر وبعد ما تاكد واستبين من الامر مضى على الورق والحمد لله قدرت استخرج جواز السفر بفضل الله
                          ربنا يسهل الامر للجميع وربنا يرزقكم جميعا
                          Comment
                          • on1ine
                            Free Membership
                            • Apr 2019 
                            • 12 

                            #14
                            الف الف الف مبروك اخى عمر

                            سؤال

                            هي نفس الاماكن اللى روحناها من قبل لان روحت تقريبا من سنتين وفرقت معايا ف 3 اشهر بدل شهر 5 شهر 8

                            فممكن فضلا ارسال العناوين كامله لان ان شاء الله شهرين وهنبدأ ف الاجراءت


                            سابقا كنا بنعمل ايداع 10 جنيه ف البريد موجه للسجلات العسكريه - لسه بنعمل كدا ولا اتغير النظام
                            وبالنسبه للكارنيه هو متواجد الحمد لله
                            وبالنسبه للصور - مقاس معين وخلفيه معينه ولا اى حاجه ؟
                            والشهاده بالصور الجديده ولا الصوره القديمه ؟
                            والجوازات حضرتك عملتها فين؟ لان عندنا ف ميت غمر على الاغلب هيرفضو - ولو رفضو راى حضرتك ايه هنستنى فتره تانيه علشان نقدر نغير الشهاده؟

                            اعتذر عن كثره الاسئله

                            وشكرا لك والف مبروك مره اخرى
                            Comment
                            • on1ine
                              Free Membership
                              • Apr 2019 
                              • 12 

                              #15
                              بنتظارك اخى عمر
                              Comment
                              Working...
                              X