X

صينية الرقاق المصري من الاف للياء خطوة بخطوة

Collapse
  • تصفية
  • الوقت
  • عرض
مسح الكل
مشاركات جديدة
  • وردة البستان
    عضو مشارك
    • Nov 2018
    • 121

    السلام عليكم ورجمة الله وبركاته

    كيفكم يا احلي اخوات يارب تكونوا بالف عافية واسعد حال

    صينية الرقاق اهم طبق في البيت البيت المصري في عيد الاضحي وكل عام وانتم بخير الرقاق بينباع جاهز بس بناء علي طلب الاخت الغالية ماجدة82 عايزاه حنعمل العجينة وعلشان لو اي اخت مش لاقياه في بلدها يللا بينا

    بسم الله الرحمن الرحيم

    حنعجن 3 كوب دقيق مع ملعقة صغيرة ملح وماء حسب الطلب لحد لما نحصل علي عجينة طرية متماسكة ونسيبها ضروري ترتاح مش اقل من نص ساعه ونقسمها كور حجم اليوسفي

    اضغطي هنا لمشاهدة الصورة بحجمها الأصلي

    اضغطي هنا لمشاهدة الصورة بحجمها الأصلي

    ونبا بالفرد علي سطح مرشوش دقيق وعلي وش العجين دقيق ونفردها عل قد ما نقدر تكون رقيقة ونرص علي قماش او علي اي سطح مرشوش

    اضغطي هنا لمشاهدة الصورة بحجمها الأصلي

    اسخن صاجة علي النار العالية لمدة 5 دقايق وابدا انقل الرقاقة اتنيها علي النشابة واحطها بحرص علي الصاجة بحيث ارعي انها ماتتكرمش مني واحط بالترتيب

    اضغطي هنا لمشاهدة الصورة بحجمها الأصلي

    اول لما تطلع فقاعات اقلبها الناحية التانية

    اضغطي هنا لمشاهدة الصورة بحجمها الأصلي

    شوفو الفقاعات البني

    اضغطي هنا لمشاهدة الصورة بحجمها الأصلي

    انقل الرقاقة وامسح الصاج من الدقيق واحط اللي بعدها لنهاية الكمية

    اضغطي هنا لمشاهدة الصورة بحجمها الأصلي

    بعد لما اخلص الكمية احطهم علي ملاية يتهوواعلشان مايطراش عايزينه مقرمش

    نبدا في عمل الصينية:

    احمر بصل في ملعقة سمن واضيف له اللحم المفروم وملح وفلفل واقلب واسيبه يستوي

    احصر طبق واسع ومرقة دسمة واجيب الرقاقة وامسكها بايدي الشمال واصب المرقة بايدي اليمين علي الرقاقة وابلها بالكامل واجيب صينية مدهونة سمن واحط الرقاقة وارش السمن واحط الرقاقة التانية وهكذا 4رقاقات والصور توضح

    اضغطي هنا لمشاهدة الصورة بحجمها الأصلي

    اضغطي هنا لمشاهدة الصورة بحجمها الأصلي

    اضغطي هنا لمشاهدة الصورة بحجمها الأصلي

    بعد الطبقات الاربعة احط اللحم المفروم المستوي واحط طبقة طبعا كله مبلول بالمرقة وارش عليها سمن والتانية وهكذا 4 طبقات تانية واسيب الصينية ربع ساعة علشان الرقاق يلحق يطري (وعلي فكرة لو عملتي الرقاق وطلع طخين اسقيه بالمرقة ساخنة علشان يطري )واسيبكم مع الصور

    اضغطي هنا لمشاهدة الصورة بحجمها الأصلي

    اضغطي هنا لمشاهدة الصورة بحجمها الأصلي

    وندخلها الفرن لحد لما تحمر

    اضغطي هنا لمشاهدة الصورة بحجمها الأصلي

    اضغطي هنا لمشاهدة الصورة بحجمها الأصلي

    اضغطي هنا لمشاهدة الصورة بحجمها الأصلي

    وبالف هنا وشفا


    Link

Working...
X