X

طاجن شاورما الفراخ

Collapse
  • تصفية
  • الوقت
  • عرض
مسح الكل
مشاركات جديدة
  • عضو محترف
    • Nov 2018
    • 1483

    صدور فراخ مقطعه مكعبات او شرائح

    2ثمره طماطم

    2 بصله مقطعه شرائح

    2 حبه بطاطس مقطعه مكعبات ومقليه

    كوب جبنه مبشوره

    كوب زيتون اسود او اخضر

    3 ثمره فلفل اخضر

    معلقتين بقدونس مفروم

    4 فصوص ثوم مفروم

    نصف كوب خل

    نصف كوب لبن

    2 بيضه

    ملح وفلفل اسود

    معلقتين زيت

    هنحضر طاسه ونضعها على النار ونضع معلقتين الزيت وننزل بالبصل

    نجهز صدور الفراخ وشويه من الفلفل ونص التوم ونقلبهم فى بعض على ما نشوح البصله شويه وبعد كده ننزلهم فى البصل

    ونشوحهم بردو شويه ونضيف علهم نص كوبايه الخل ونقلبهم

    ننزل الفراخ على البصله بعد ما تتشوح شويه

    بعد كده نحضر طبق غويط ونضع فيه البيض واللبن والفلفل الاسود ونضربهم كويس وبعد كده ننزل عليهم الطماطم وباقى التوم وباقى الفلفل الاخضر ةالبقدونس والزيتون وشويه من الجبنه المبشوره ونقلبهم كويس



    وبعد كده نحضر الطاجن او البركس او صنيه الى موجود عندك هنضع فيه البطاطس المقليه المقطعه مكعبات هنفردها فى الطاجن

    وبعد كده نفرد الزيتون بنفس الطريقه فوق البطاطس وبعد كده الفراخ بردو نفردها بنفس الطريقه

    طبقات يعنى معلش كنت مصوره كل طقه بس الصور مكنتش مظبوطه فاطريت انى منزلهاش

    وبعد كده ننزل الخلطه الى هى فيها البيض واللبن والطماطم وفوقهم شويه جبنه مبشوره

    ندخلها الفرن لغايه ما يتحمر الوش ونحس ان البيض واللبن استوى وبالف هنا ويارب تعجبكم الطريقه














    Link

Working...
X