X

طريقة عمل كفتة السمك

الطبخ والمأكولات والحلويات والآيس كريم

 
  • Filter
  • Time
  • Show
Clear All
new posts
  • شروق الامل
    Thread Author
    Free Membership
    • Nov 2018 
    • 1483 
    • 29 

    السلام عليكم ورحمة الله وبركاته



    كفته السمك وصفه سهله جدا ولذيذه جتهالكم بالخطوات المصوره

    والمكونات سهله كمان وماتختلفش كتير فى تحضيرها عن كفته الفراخ







    المهم دى المقادير بتاعتنا





    سمك فيليه بالكميه اللى تحبيها



    بصلة متوسطة



    نصف ملعقة بهارات سمك



    مكعب مرقة دجاج



    ملح وفلفل اسود



    طريقه التحضير



    هتسلقى السمك الفيليه فى ميه وملح لمده اربع دقايق

    ولما تبرد شويه حطى كل المكونات فى الكبه وافرميهم كويس







    وهتجهز طبق فيه بيض وواحد تانى فيه بقسماط وتالت فيه دقيق



    وتبدأى فى تشكيل الكفته زى ما تحبى

    دواير او صوابع





    ونغمس السمك فى الدقيق ثم البيض ثم البقسماط



    وهتبقى بالشكل دا





    حطى الكفته فى الفريزر لمدة نصف ساعة او الثلاجة لمدة ساعة

    وطلعيها



    وتكونى مجهزه طاسه فيها زيت سخن

    والكفته من الفريزر للنار على طول





    لغايه لما تاخد اللون الدهبى وطلعيها على ورق المطبخ ليمتص الزيت







    ودا الشكل النهائى وبالهنا والشفا





    ملحوظه ممكن تحتفظى بالكفته دى عندك فى الفريزر علشان لو اتزنقتى فى اى وقت طلعيها وحمريها على طول بتبقى سريعه مع مكرونه وبطاطس محمره


Working...
X