X

يعني ايه ابــــــي

المنتدى العام

 
  • تصفية
  • الوقت
  • عرض
مسح الكل
مشاركات جديدة

    يعني ايه ابــــــي

    ..

    ..

    ..

    ..

    ..

    ..

    - يعني تفتكري وانتى صغيره لما كنتي تنامي علي الكنبه ويجيي باليل يشيلك يوديكي أوضتك

    - يعني يدخل عليكي بالليل وانتي نايمه عشان يطمن اذا كنتي متغطيه كويس ولا يغطيكي

    - يعني تصحي بالليل وتبقي مكسله تقومي من مكانك .. فتنادي عليه وتقوليله بابا عايزه أشرب

    - يعني تقوليله عايزه اطلع رحله مع أصحابي .. يقولك مينفعش .. تقومي تزعلي .. يجي وراكي بعدها بشويه ويبوس راسك ويقولك خلاص ولا تزعلي

    - يعني لما تخرجي معاه .. تمشي معاه متعلقه في ايده زي ما كنتي بتمشي وانتي صغيره

    - يعني تفتكري لما كنتي صغنتوته لسه وكان شايلك علي كتفه .. والدنيا عماله تمطر عليكم

    - يعني تبقي قاعده في البرد رجلك متجله وتيجي تقعدي جنبه وتحطي رجلك علي رجله عشان يدفيهالك .. وهو يهزر ويقولك امك ثم امك ..يلا روحي عند ماما

    - يعني لما يجيلك عريس تلاقيه قاعد بيتكلم معاه وفخور بيكي ويحسسك ان مفيش حد في الدنيا عنده بنت زيك

    - يعني لما تزعليه وتشدي معاه في الكلام .. وتروحي بعدها تقوليله بابا أنا اسفه .. يقولك حبيبتي أنا عمري ما ازعل منك

    - يعني يوم جوازك .. تشوفي في وسط فرحته بيكي دموع مقدرش يمنعها عشان خلاص مش هتبقي معاهم في البيت

    - يعني يوم ما يعرف أنك حامل وانك هتجيبي بيبى يبقي فرحان أكتر من جوزك نفسه

    - يعني ساعة ولادتك تلاقيه واقف بره هيتجنن عليكي وعمال يقرا قرأن ويدعي ربنا يقومك بالسلامه

    - يعني يبقي فرحان بابنك أو ببنتك وسايب اللي وراه ورايح جاي يلعب معاه

    - يعني الحنان والحب والامان

    - يعني ربنا يخليهم لينا ويحفظهم ويقدرنا علي برهم


Working...
X