X

ياشواشى النخل

المنتدى العام

 
  • تصفية
  • الوقت
  • عرض
مسح الكل
مشاركات جديدة



    ياشواشى النخل قولى
    إيه طلعك فى العالى

    شمس العصارى تلفحك
    وتهزك ريح تسقط تمرك الغالى

    قاللى طبعى أرقب ولاد الاصول
    مقامهم عالدوام عالى

    وأشوف بعينى ناس التوب مداريها
    ماتنكسر ولاينحنى عنقها العالى

    وتتهز الشواشى اتمايل المح
    ناس قلبها من الهموم خالى

    وناس التوهة وخداها لابتحلم
    ولاتقول تعالو انظروا حالي

    تجوع ماتشكى صابرين مااشتكوا
    جوع ولا توب بالرقع بالى

    وناس تعجبك كما البدر
    وفعلها سو وعالناس تتعالى

    وناس تاكل عيشك وملحك
    وتحلف انك فى الغلا غالى

    تمكر تبات قلوب سودا
    عايزالها للصدى جالى

    عرفت ليه طبعى ومسكني
    بعيد عن الخلق يحلالى

    لايصيبنى أذى و إن ما ارتويت
    برضه يوم قطع السباطةً حلالي

    #2
    شكرا لك أخي العزيز
    تعليق

      #3
      سعدت لمرورك اخى
      raedms
      تعليق
      Working...
      X