X

حنين

المنتدى العام

 
  • تصفية
  • الوقت
  • عرض
مسح الكل
مشاركات جديدة

    حنين

    أوقات كتير بيسرقنى حنين
    لأيام زمان وعمرى إللى فات

    وأسرح دقايق ومصحاش غير بعد ساعات
    وألاقى روحى هربت منى ورجعت للذكريات

    وفجأة عنيا تلمع بالدموع أصل مشتاق اووى
    أكون فى حضن أمى متشال على الايدين
    أو فى حضنها أبات

    أو أبويا يمسك إيدى فى خروجه وانا فرحان
    وبضحك فى سكات

    أشتاق لولاد وبنات الجيران وأصحابى
    فى وقت اللعب والخناقات

    أشتاق لحكاية جدتى ولمتنا حواليها
    وهى بتألف وتحكى حكايات

    مشتاق لوحدة بيتنا وعليتنا كنا لمه وعزوه
    وبنشكر الله على اللي فات

    اشتاق لطريق مشيته للمدرسه وقصه قريتها
    وبستنى فيها النهايات

    يخدنى الحنين لفرحة لبس العيد واشوف بنت الجيران
    اللى كنت بستناها بالساعات

    وفجأة ألاقى الدموع بتسأل مشتاق ؟؟
    دى كانت ذكريات !!!

    اقولها استنى لسه قعدة العصارى
    لسه اللمه لسه السهره لسه الفرحه والبراءة لسه الحلم
    ان اكون كبير واسبق عمرى واطير

    يامااا قولتلك بلاش استنى وعيش لحظه بلحظه
    ده العمر مره واحده بيتعاش .. دلوقتى مشتاق ؟؟؟؟
    بلااااش بلااااش تلومينى
    انا بس كنت بحلم لعمرى وسنينى
    كنت بحلم اكون إنسان
    وايه اتغير الزمان هو الزمان؟؟؟

    دور جواك هتلاقى فيك إنسان يقدر يحلم ويفرح
    ويعيش واقع الذكريات

    ونزلت الدموع من عينى ودورت جوايا على الانسان
    ما لقيت غير بقايا ذكريات

    هى الحياه ذكريات وانا من النهارده راح أعيشها حلم
    حقيقه بروح وفكر واعوض العمر اللى فات .. ذكريات
Working...
X