X

البيت أشبه بكيانك

المنتدى العام

 
  • تصفية
  • الوقت
  • عرض
مسح الكل
مشاركات جديدة

    عارف انت لما يحصل زلزال في بيت

    كله أعمدة متينة مبنية بضمير

    الزلزال في الوقت ده

    مهما كانت شدته كبيرة

    بس يعمل اهتزاز

    اهتزاز مش اكتر

    بيعرفك بس ان دي طبيعة الكرة الأرضية



    المقصود من كلامي : البيت أشبه بكيانك

    لو الكيان متأسس كويس وصلب كفاية

    ولا زلازل الدنيا ممكن تقدر عليه

    ولا اهتزاز واحد يقدر يوقعه

    أقصد الاهتزاز النفسي



    الاهتزاز النفسي مبيحصلش غير في النفس الضعيفة

    النفس الفارغة من الإيمان أولا

    والفارغة من الإرادة ثانيا



    الصدمات بتوجع آه ... بتربك و توتر الروح

    وفي كل النفوس بتهزم حتة معينة

    لكن لو الكيان صلب.

    فهي يدوب ... يدوب بتعمل هزة شعورية

    مش هتعرف تحطم و لا هتفكك التروس

    اللى بتحرك الطاقة اللى جواه



    الزلزال النفسي بيدمر النفس الضعيفة

    اللى مش بتملك أمر نفسها

    اللى بتعاني من تصدع متكرر نتيجة انعدام الارادة



    لكن النفس القوية قادرة تهزم أي صدمة وترد أي صفعة



    ما تسمحش لحد يكون بمثابة زناد

    يضغط عليه وقت ما يحب يصفي دمك

    ويمسح بطاقتك الأرض



    ارفع من شأن نفسك واحترمها وقويها

    هي اللى هتسندك وقت ما تقع

    ما تسمحش لحد

    ينتصر على شوية السلام النفسي الداخلي اللى جواك

    ولا تسمح بتخريب بيتك اللى هو كيانك

    مهما كانت الظروف أو المواقف

    .


Working...
X