X

إرضى بما قسمه الله لك تكن أغنى الناس

المنتدى العام

 
  • تصفية
  • الوقت
  • عرض
مسح الكل
مشاركات جديدة





    فى كواليس مسرح رمسيس وقبل الشهرة

    وفى وقت الفقر والتعب والمرمطة والنوم فى الشوارع

    إلتف أنور وجدى وزمايله الكومبارس

    ياكلوا سندوتشات الفول



    أنور : هو ايه .. كل يوم فول

    ربنا مش هيتوب علينا من الفول

    زميلته الكومبارس : طول بالك يا أنور واحمد ربنا

    أنور : على ايه .. على الفول؟

    زميلته : وماله الفول .. فيه غيرك كتير

    مش طايلين لقمة من اللى انت بتاكله

    أنور : اه.. بس عندهم فلوس

    زميلته : افرض واحد عنده فلوس وعنده سرطان

    يبقى استفاد ايه؟

    أنور : أهو احنا كده.. أستفاد ايهّّ !!

    ادينى ياختى الفلوس وادينى السرطان كمان

    وانا أوريكى هعمل ايه



    وتمت الصفقة اللى بيتمناها أنور وجدى

    نجاحات فنية على مدار 10 سنين

    وصلت بيه لإنه يكون نجم شباك أوحد

    وفلوس مالهاش حصر

    وفى الجوف سرطان

    ممنوع من متعة الفلوس

    وممنوع من الأكل حتى الفول بإستثناء المسلوق

    وممنوع من الشكوى من صفقة إتمناها



    ???? إرضى بما قسمه الله لك تكن أغنى الناس



    المصدر :



    روزاليوسف 23 مايو 55


Working...
X