X

فاكر---

Collapse
  • تصفية
  • الوقت
  • عرض
مسح الكل
مشاركات جديدة
  • 4uonly
    VIP
    • Nov 2018
    • 594

    فاكر المحتاج اللى كان بيشحت وقولت عليه ده نصاب!! كان فية واحد هيساعده بس لما سمع كلامك دخل الفلوس ف جيبه تانى

    بس هو فعلا كان محتاج

    **عليك ذنبه**



    فاكر قريبك اللى مر عليك وعينك جت ف عينه وما سلمش عليك

    ومن ساعتها انت مابقتش تكلمه ولا تعبره وشلت منه هو عينه شافتك آه بس عقله كان غايب سرحان ف همومه ومشاكله وماخدش باله منك

    **كان لازم تعذره**



    فاكره جارتك اللى جاتلك ف مناسبه تباركلك وجابتلك هديه وانت قولتلى عليها بخليه وانك جيبتلها هديه احسن من دى واغلى فاكره

    لا هى مش بخيله بالعكس هى جابتلك هديه من فلوس كانت محوشاها لحاجه تانيه ولما جت مناسبتك راحت اشتريتلك بالفلوس اللى كانت معاها وهى نفسها عارفه ان الحاجه اللى جبتها مش مقامك بس دى مقدرتها

    **ف ماتتكلميش عليها تانى لانك معاكى اكتر منها**



    فاكر صاحبك اللى طلبت منه يقف معاك ف حوار وقفه راجل واعتذر لك

    وانت من ساعتها كرهته ونزل من نظرك وقولت عليه مش جدع ومش صاحب صاحبه وندل وواطى فاكره انت هه

    ده كان جايلك وحضر نفسه بس واجهته مشكله كان لازم يكون موجود فيها عشان يحلها

    **لازم تقدره**



    فاكر ابوك لما قالك هاجيبلك هديه لو نجحت وماجبش حاجه وانت من ساعتها زعلان منه ومابقتش تصدقه ومش بتثق فيه

    هو كان ناوى يجيبلك بس الفلوس قصرت معاه وهو ناوى يعوضك عشان هو زعلان من نفسه

    **ماتزدش الحمل عليه**

    **احذرو سووء الظن**????✋

    **إلتمس لأخيك سبعين عذرا**

    **متديش ودانك لحد وفلتر الكلام إللى بيوصلك*


    Link

Working...
X