X

قعدة عواجيز

Collapse
  • تصفية
  • الوقت
  • عرض
مسح الكل
مشاركات جديدة
  • VIP
    • Nov 2018
    • 600

    قعدة عواجيز



    باجور وشاش """ مساء الخير يا لمبه محدش من العيال لسه جه

    لمبة الجاز """" ابوس ايدك اقعد ومبتدأش شغل الوش بتاعك ده _ زمانهم جايين

    باجور وشاش"""" الا قوليلي اخبار البت وناسة بنتك ايه ؟

    لمبة الجاز """"" انت اظاهر لا بقيت بتسمع ولا بتشوف_اهي مرمية جنبي مصدية



    الكلوب """"""""" مسااااااااااء الخير يا ولاااااااااااااااااااد شفتوا انا جيت نورت الدنيا

    ازاى_ امال فين الواد المفرقعاتى ؟

    لمبة الجاز""""""" تقصد مين اللى ينخفى باجور السبرتو ؟؟ اول ما تسمع فرقعه

    يبقي هو

    باجور سبرتو""""" ساااااااااااامع حد بيجيب فى سيرتى _ ارحمونى بقه مبقتوش

    صغيرين للنميمه دى...... فين الدلوعه اللى ملهاش صوت ؟؟

    باجور وشاش """"" تقصد السبرتايه طبعا قاعدة من الصبح ومحدش سامع صوتها _

    انتوا عجزتوا كلكوا ونظركم بقى على قدكم

    السبرتايه """"""""" فاكرين يا ولاد اللمه بتاع زمان لما كنا نقعد كلنا مع بعض فى بيت

    واحد وكنا ملمومين وكل واحد بيعمل شغله ؟

    الكلوب """""""""" يااااااااااااااااااه طبعا يا ولاد

    لمبة الجاز """"""" اسكت ياض انت دا انت ابن امبارح دنا اكبر منك بيجي 50 سنه

    السبرتايه """""""" فاكرين لما كنت اقعد اعملهم قهوه والعيال حاطينك يا لمبه فى نص

    الطبليه وملفوفين حواليكي بيذاكروا ؟ _ الا صحيح هو انتى نمره5

    ولا نمرة عشرة؟

    لمبة الجاز """""""" ما تتلمى يا بت

    باجور السبرتو """" خلاص يا بنات _انتوا صغيرين للمناقره دى ؟بص بصراحة كانت

    ايام كلها دفاء وأمان

    الكلوب """"""""""" هههههههههههههههههههههههه _ انت تخرس خالص دا انت ولعت

    فى نص البيوت وحرقت وش نص سكان مصر يا اهبل _ فاكر

    انت وعيلتك كنتوا بتفرقعوا ازاى؟

    الباجور الوشاش """ عجزنا يا ولاد _ انا كنت اخد نفسين من هنا كانت عنيا تزرق

    وتلمع وتحمر واخلى الميه تغلى فى مفيش

    السبرتايه """""""""" هههههههههه_ بس بصرحه كان عليك صوت ........مصيبه

    لمبة الجاز """"""""" بصوا يا ولاد هو احنا هناخد زمننا وزمن غيرنا ؟ الحمد لله ادينا

    رسالتنا ونورنالهم بيوتهم وساعدناهم فى عيشتهم على قد ما نقدر

    _ بس ياريت يفتكرونا بالخير زى اى بلد تانيه كان زماننا فيها

    تحف محطوطه فى معارض والناس بتتفرج علينا بدل ما احنا

    مرميين فى الخرابة دى ولا حد معبرنا. ... يلا يا ولاد اقوم

    اعملكم عشاء ايه ؟؟



    فرد الجميع فى نفس واحد جااااااااااااااااااااااااااااااااااااااا از .. فضحك الجميع وانفجر باجور السبرتو ومات الجميع حرقا ولم يتم التعرف على الجثث هههههههههههههههههههههههههه


    Link

Working...
X