X

مشكلة في الجيش أرجو المساعدة

مُسْتَشارُكَ القّانُونيْ

 
  • Filter
  • Time
  • Show
Clear All
new posts
  • إستشارة قانونية
    Thread Author
    استشارات قانونية
    • Sep 2018 
    • 6414 

    السلام عليكم

    أنا خريج حقوق اسكندرية متخرج من حوالي 7 أو 8 شهور وأنا وحيد لا عندي اخوات ولاد ولا بنات فـالمفروض إن ليَّ اعفاء

    أول ماخلصت الكلية رحت العمرية منطقة التجنيد وعرفت الأوراق المطلوبة(القيد العالي والكلام ده) وعملتها كلها لما رحت عشان اقدم على اعفاء قالوا لي لازم اجيب بطاقة الاب الأصلية وأنا والدي مسافر وماينفعش اجيب بطاقته فـجبت صورة من بطاقة الوالد ورحت قالوا لي لازم الاصلية برده مع العلم إني 22 سنة والمشكلة إن والدي مش حيجي أي وقت قريب

    أنا سألت هناك امتى آخر وقت أعمل فيه الاعفا قالوا لي ممكن أي وقت لإن أنا كده كده ماليش جيش وسألت هل فيها أي ضرر قالوا لأ بس أنا خايف لا يكون اللي رد عليَّ ده بيقول أي كلام

    لكن واحد صاحبي بيقولي النهارده إن أنا كده ممكن يبقى ليَّ جيش

    فـيا ريت تقوللي أنا كده ممكن يكون ليَّ جيش تحت أي ظرف ؟؟

    وال عمل إيه فيموضوع البطاقة ده لإن حتى لو مفيش مشكلة إني أعمل الاوراق في أي وقت أنا عايز أخَلص الموضوع ده

    أرجو الافادة واسف إني طولت عليكم

    شكرا


  • المحامي هاني عادل
    محامي ومستشار قانوني
    • Jun 2019 
    • 15 

    #2
    وعليكم السلام

    من الافضل ان يرسل لك بطاقته بالبريد
    ومن المفترض ان يحضر بشخصه لتوقيع اوراق واقرارات على نفسه
    ولكن ربما هذا تسهيل من الجيش .
    تمام

    ومسألة يمكنك عمل الاعفاء في اي وقت ممكن
    ولكن يفضل التعجيل بهذا الامر
    لانك في حكم المتخلف عن الدفعة امام الجيش حاليا
    وكذا اي لجنة تفتيش شرطة تدقق في هذا الامر
    وكمان سفرك للخارج لوحبيت

    ما تنساش تشوف فيلم عبود على الحدود
    وبالتوفيق واعفاء سعيد
    Comment
    • إستشارة قانونية
      Thread Author
      استشارات قانونية
      • Sep 2018 
      • 6414 

      #3
      شكرا ل ردك السريع
      معلش حتعبك معايا
      أنا لو معملتش الموضوع ده ممكن يبقى ليَّ جيش مع العلم إني وحيد ليس ليَّ اخوة؟؟
      Comment
      • المحامي هاني عادل
        محامي ومستشار قانوني
        • Jun 2019 
        • 15 

        #4
        طبعا لا
        الا اذا والدك انجب طفل اخر

        شوف
        اسمع كلام القوات المسلحة .. من خلال رجالهم في مكاتب التجنيد
        لان التعليمات تتغير دائما وهم لديهم المستجدات لحظة بلحظة

        وحاول تروح لهم تاني تتكلم مع قائد المركز يمكن يقدم ليك المساعدة
        والناس محترمه في معاملتهم عموما قبل الثورة وبعدها
        هم رجالة مصر ودرعها
        وكان ليا الشرف اني اكون بينهم في يوم الايام كجندي مقاتل
        ايام تجنيدي

        بالتوفيق
        Comment
        • إستشارة قانونية
          Thread Author
          استشارات قانونية
          • Sep 2018 
          • 6414 

          #5
          ألف شكر ليك على مجهودك أنا الموضوع ده كان مخوفني قوي
          Comment
          • المحامي هاني عادل
            محامي ومستشار قانوني
            • Jun 2019 
            • 15 

            #6
            كان نفسنا تكون وسط الوحوش
            بس اهو نصيب

            بالتوفيق
            Comment
            Working...
            X