X

حالات الاعفاء المؤقت للتجنيد

Collapse
  • تصفية
  • الوقت
  • عرض
مسح الكل
مشاركات جديدة
  • محامي ومستشار قانوني
    • Jun 2019
    • 169

    حالات الإعفاء المؤقت من الخدمة العسكرية:

    1. الأبن الوحيد لأبيه الحي.

    2. العائل الوحيد لأبيه الغير قادر علي الكسب وكذلك العائل أخيه أو أخوته الغير قادرين علي الكسب.

    3. العائل الوحيد لأمه إذا كانت أرملة أو إذا كانت مطلقة طلاقا بائنا أو كان زوجها غير قادر علي الكسب.

    4. العائل الوحيد لأخته أو أخوته غير المتزوجات.

    5. أكبر المستحقين للتجنيد من أخوة أو أبناء الضابط أو المتطوع أو المواطن الذي فقد بسبب العمليات الحربية ويزول هذا الإعفاء بمجرد عودته أو ثبوت وجوده علي قيد الحياة ويعامل الغائب في العمليات الحربية معاملة المفقود إلي أن يتضح موقفه.

    6. إذا جند أحد الأخوين أو الأخوة أو أستدعي للخدمة في الإحتياط .. يعفي مؤقتا من الخدمة العسكرية الإلزامية العاملة الأخ أو أكبر الأخوة الباقين بعد أستبعاد غير القادرين منهم علي الكسب . ويشترط ألا يكون من بين الأخوة أي متخلف عن التجنيد أو جاوز الثلاثين عاما أو أخ معفي من التجنيد.

    ويزول الإعفاء بإنتهاء خدمة المجند الإلزامية أو فترة إستدعائه للخدمة في الإحتياط أو عند فراره أو زوال عدم القدرة علي الكسب.

    في جميع حالات الإعفاء المؤقت السابقة يزول الإعفاء بزوال سببه ويجب علي كل من زال عنه سبب الإعفاء أن يقدم نفسه إلي مناطق التجنيد والتعبئة المختصة خلال ثلاثين يوما من تاريخ زوال السبب لمعاملته تجنيديا بما يستحق.
  • استشارات قانونية
    • Sep 2018
    • 7095

    #2
    شكرا وجزاك الله خيرا يعني هذه الحالة تنطبق عليا وفي ناس بتقول القاعدة دي اتغيرت لي هي عدم تجنيد لاخوين في نفس الوقت بسبب ظروف مصر دلوقتي حالة شبه تعبئة عامة وشكرا
  • استشارات قانونية
    • Sep 2018
    • 7095

    #3
    هل كلام الناس دي صحيح وشكرا ومعلش بتعبك معايا انا منفعش ادخل الجيش لاسباب صحية وعندنا في الصعيد ميعرفوش تفاهم هتلبس هتلبس
  • محامي ومستشار قانوني
    • Jun 2019
    • 169

    #4
    شوف يا سيدي الفاضل
    هوا ده القانون

    سيبك من كلام الناس خالص
    وما فيش حاجة اسمها تعبئة عامه
    لان الكلام ده كلام فاضي
    ولو كان تعبئة عامه كان جه ليا
    واللي زيي .. كجندي احتياط استدعاء
    وده ما حصلش

    ونفس الشئ بالنسبه للحالة الصحيه
    كان زميل لنا في الجيش عنده ثقب بالقلب
    وكان يقف مثلنا جميعا حراسة وخدمه عاااادي جدا

    القول الفصل لاريحك تماما
    هو للقوات المسلحة المصرية
    كلامها هو اللي بيمشى
    لا كلام الناس .. ولا كلام القانون .. ولا كلامي كمحامي
    او سبق تجنيدي

    عشان كده قلت لك روح بنفسك للتجنيد
    وهناك حيعرفوا ظروفك كاملة ومعاك ورقك
    وهما اللي حيحددوا

    ربنا يوفقك وما تعرفش الخير فين
    تحياتي
  • استشارات قانونية
    • Sep 2018
    • 7095

    #5
    شكرا علي ردك وجزاك الله خيرا ةفعلا محدش يعرف الخير فين غير ربنا
  • محامى ومستشار قانوني
    • Sep 2018
    • 5443

    #6
    سلمت يداك مشرفنا الغالى .....
  • محامي ومستشار قانوني
    • Jun 2019
    • 169

    #7
    المشاركة الأصلية بواسطة gamal gamal
    سلمت يداك مشرفنا العالى ......
    تلميذك استاذنا الفاضل
    خالص تقديري واحترامي
  • استشارات قانونية
    • Sep 2018
    • 7095

    #8
    ممكن سوال استاذنا الفاضل بس لضرورة وانا عارف مهمها عملت مش هقدر اردلكم الجميل ازاي اثبت اخويا دخل الجيش لاني بحضر الورق دلوقتي وشكرا
Working...
X