صور - طرائف - الغاز - مسابقات - تسالي - مرح - نكت - فوازير صور و نكت و كاريكاتير و مسابقات لكن احرص على عدم خدش الحياء العام





  • رقم العضوية
    3298
  • المشاركات
    656
عضو محترف
تاريخ التسجيل: Jan 2004
مستوى التقييم: 22
Nano Star تم تعطيل التقييم
# :1
نهاية قصة ليلى والذئب (النسخة الحلبية )

[frame="7 70"]بسم الله الرحمن الرحيم



كانت ليلى ماشية بالغابة بنص الليل و رايحة لعند نانتا مثل في كل الحكايات !
والذئب ( المسكين ) وقفها لليلى وسألها لوين رايحة يا ليلى ؟ !
وردت عليه ليلى : وانت اش دخلك ولاك بهيم ... اش عبتساوي هون بنصاص الليالي؟؟؟
وليش عبتسألني لوين رايحة ؟؟ ولي عليك حيوان ..ان شاء الله بتعفسك سيارة بلا نمرة وبلا شوفير يا رزيل يا مبهدل يا قليل الحيا ما عندك خوات كني ... صعي قليل حس ووقح ... تفو عليك
ومسكت ليلى الذئب من ادنو وشلفتو 7 متار وتابعت المسير لعند نانتا !!!


هون .. الذئب لقاها كبيرة كتير بحقو وقال لحالو: هلق بنت فصعونة مابتطلع بطول أجري تشرشحني هيك بفصط الغابة قدام الحيوانات الرايحة واللي جاي وأنا الذئب ضروب وطراح .. طيب يا ليلى .. إذا ما بفشل حنكك وإيه

المهم يا سادة يا كرام .. راح الذئب أخد تكسي وطيران على بيت نانتا لليلى مشان يصل قبلا ..
دق الجرس .. قامت سألت العجوز اللي ورا الباب : مينو هاد عبيدق علي الباب ؟
جاوب الذئب : أنا ليلى .. افتحيلي نانا.

وأول ما فتحتلو الباب طلع فيها بنظرة شريرة من طرف عينو وقلا : يبلاكي بقتلك شقدك جدبة مين ما قلك انا ليلى بتفتحيلو .. لكن شلون بيقولو عليكي ذكية وحربوقة ؟؟ (تسائل الذئب)

وركد وراها من غرفة لغرفة من غرفة لغرفة وهي عبتصييح وتولول .... وكل ما تجي بدها تفتح تمها لتحكي يجرقها الذئب بالكف على بوزا ... وبالأخير حصرهابزاويةالقوضة وقلها : حاج تبعقي ختيارة الجن .... وأكلا.

وفي نفس اللحظة أنفتح باب المصعد وظهرت ليلى وقد سمعت ولاويل وعياط صادران من البيت .. وباب صقاق مفتوح فـنطت نط لجوا البيت وشافت الذئب بعدما أكل الجدة المسكينة .. فخاطبها الذئب مستهزئاً : ديه ورجيني إش دا تعملي هلق .. هههههههه
وردت عليه ليلى وقد تطاير الشرر من عينيها : إيه انا اللي بورجيك ياصقاقي يالقلوق ..

واستلت ليلى من تحت البلوزة على خصرها جنتيانة بطول 20 سم وشرحت الذئب بها
وقطعت أوصاله حتى خرجت نانتها من بطن الذئب .

وهنا كانت المفاجأة حين صرخت ليلى : نانااااااااااا ... لعمى أنتي مانك نانتي!!! .. منو انتي وأش عبتساوي هون ؟؟

وأجابت العجوز بدهشة : عرفتك . مو أنتي ليلى بنت بنت جارتي أم عبدو اللي بالطابع الرابع؟
فأجابت ليلى متسائلة : ليش نحن بإينا طابق ؟
وردت العجوز : هاد الطابق التالت ... بس الأصنصور متشرك وبدال ما يطلع عالطابق الرابع عبيوقف بالطابق التالت ..

فأجابت ليلى معتذرة : ييه عدم المؤاخذة حجة .. بس ما أكون أزعجتك .. مزبوط
أنا ليلى وجيي عند نانتي .. بس معناتا كل الحق عالأصنصور ... كرمال النبي ماتواخذيني حجة .. وهلق بنضفلك البيت وبخليه متل الليرة .

وقامت ليلي بتنظيف البيت من جثة ودماء الذئب ووضعتها في كيس الزبالة وشلفتومن عالبلكون (حفاظاًَ على التقاليد) .

وثم أخذت ليلى سلتها ودخلت في المصعد متوجهةً إلى بيت نانتا ..
وتوتة
توتة ..
خلصت الحتوتة[/frame]




لدعم قناة وسام الحمد على اليوتيوب

  • رقم العضوية
    5684
  • المشاركات
    4,568
عضوية الشرف
تاريخ التسجيل: Feb 2004
مستوى التقييم: 153
lllBassam80lll lllBassam80lll lllBassam80lll lllBassam80lll lllBassam80lll lllBassam80lll lllBassam80lll lllBassam80lll lllBassam80lll lllBassam80lll lllBassam80lll
# :2
هههههههههههههههههههههههههههههههههههههههه هههههههههههههههههههههه
إيه انا اللي بورجيك ياصقاقي يالقلوق ..


ههههههههههههههههههههههههههه

الف شكر مشرفتنا وبارك الله بك
  • رقم العضوية
    3298
  • المشاركات
    656
عضو محترف
تاريخ التسجيل: Jan 2004
مستوى التقييم: 22
Nano Star تم تعطيل التقييم
# :3
شكرا لمرورك بسام انشالله يكونو عجبوك
  • رقم العضوية
    8372
  • المشاركات
    1,330
عضو ماسـي
تاريخ التسجيل: Apr 2004
مستوى التقييم: 45
gareib
# :4
الله يعطيك العافيه
حلو كتير
يبلاكي بقتلك شقدك جدبة مين ما قلك انا ليلى بتفتحيلو
  • رقم العضوية
    21308
  • المشاركات
    1,253
عضـو
تاريخ التسجيل: Jul 2005
مستوى التقييم: 0
MyComputer
# :5
ههههههههههههههه ههههههههههه

مشكوووووورة والله ماقصرتي يا نانوو

الف شكر مشرفتنا وبارك الله بك

لك كل الشكر والتقدير والاحتراااام