العودة   منتديات داماس > المنتديات العامة > منتدى الشعر العربي والخواطر والنثر



إضافة رد
20-09-2018, 08:10 PM
4uonly
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 4,486
تلقى دعوات الى: 83 موضوع
إعجاب: 222
تلقى 3,207 إعجاب على 1,682 مشاركة
 
خليك بطاطس !!


حلوة فكرة : خليك بطاطس !!😃🍟

عارفين ليه البطاطس المحمره هي الأكله الوحيده
اللي اجتمع الناس كلهم علي حبها ؟

1- البطاطس المحمره لما بتتقلي في الزيت
بتبقي عادةً مقرمشة من برة ، وطرية من جوة
يعنى ...
لما حد يعمل معاك موقف سخن أوي
متعاملهوش وحش أوي
أيوه حسسه إنك زعلان منه
و خد موقف بس خلي قلبك أبيض
وطري "طيب يعني" ، مش ناشف
وسامح عشان ربنا بيسامح 🌸

2- البطاطس المحمرة تلاقيها عند ماكدونالدز
وبرضو تلاقيها عند بتاع الفول والفلافل
يعني ...
إنت كمان خليك زي البطاطساية ماتتكبرش علي حد
وصاحب كل الناس غني أو فقير

3- البطاطس المحمرة بتتقدم مع حاجات كتيره :
مايونيز , كاتشب , صلصه وطحينة
بس بتفضل في الآخر إسمها بطااطس
يعني ...
مهما اتعرضت لثقافات و بيئات مختلفة
احتفظ دايمًا بشخصيتك المستقلة و طريقة تربيتك
وخلي الناس هي اللي تتأثر بيك 😃

4- البطاطس برضو ممكن تبقي شيبسي
و هي أول حاجة بنفكر فيها لما بنحس بالجوع
و إحنا برة البيت
يعنى ...
ساعد الناس دايمًا
و خليك أول واحد ييجي علي بالهم
لما يقعوا في مشكلة
خليك جدع زي "الشيبسي"

5- البطاطس المحمرة لو اتهرست
بتبقي برضو طعمها حلو
يعنى ...
مهما الدنيا تهرس و تبهدل فيك
خليك شخص كويس و لذيذ
وطلَّع للدنيا لسانك

عشان تبقي محبوب من كل الناس .. خليك بطاطس

ولما حد يقولك إزيك يا بطاطس 😊
تعرف إنك أحلي وأجدع حد ف الدنيا 💗
خليكوا_بطاطس😂💗




20-09-2018, 09:06 PM
محب المصطفى
عضو محترف
رقم العضوية: 186145
تاريخ التسجيل: Nov 2008
المشاركات: 564
تلقى دعوات الى: 159 موضوع
إعجاب: 494
تلقى 157 إعجاب على 122 مشاركة
 
الواحد من كتر ما هو بطاطس أتهرى تقطيع و تقشير و هرس و قلي من الناس لكن الحمد لله رغم كل ده برضه فيه ناس بقابلها بطاطس جدا و عمرهم ما يرضوا بالكوسة مهما حصل


شكرا على الموضوع المقرمش ده

الواحد جاع ح أروح أعمل بطاطس علشان أفكر نفس و أرفع الشعار عاليا " خليك بطاطس "

21-09-2018, 09:20 AM
4uonly
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 4,486
تلقى دعوات الى: 83 موضوع
إعجاب: 222
تلقى 3,207 إعجاب على 1,682 مشاركة
 
المشاركة الأصلية كتبت بواسطة محب المصطفى 
الواحد من كتر ما هو بطاطس أتهرى تقطيع و تقشير و هرس و قلي من الناس لكن الحمد لله رغم كل ده برضه فيه ناس بقابلها بطاطس جدا و عمرهم ما يرضوا بالكوسة مهما حصل


شكرا على الموضوع المقرمش ده

الواحد جاع ح أروح أعمل بطاطس علشان أفكر نفس و أرفع الشعار عاليا " خليك بطاطس "
هههههههههههههه اكلة هنية اخى الكريم - تحياتى وتقديري لمرورك العطر اخى العزيز


خليك بطاطس !!



Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.