العودة   منتديات داماس > المنتديات العامة > منتدى الشعر العربي والخواطر والنثر
 
 

منتدى الشعر العربي والخواطر والنثر قسم الشعر والخواطر والنثر والقصائد



 
16-08-2018, 12:05 PM
4uonly
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 4,579
 
أسوأ مشاعر ممكن تمرّ بهم في حياتك

أسوأ مشاعر ممكن تمرّ بهم في حياتك

1_لما تعيش أطول فترة من عُمرك
{ حد مِعطاء جداً }
فَـ تحصد بعد عطاءك ده كله { إساءة }
وكأن ذنبك الوحيد إنّك كنت إنسان أكتر من اللازم

2_لما تحسّ إن أكبر جريمة عملتها في الحياة
إنك { شخص صبور }
بتتحمّل كتير و قليل الشكوى
واللي قُدامك بيستغلّ صبرك لِصالحه هو

3_ لمّا تندم على شعور حلو أو إحساس بالحب حسيته
تجاه حد معيّن
نتيجة لمواقفه و تصرّفاته السيئة معاك بإستمرار

4_لمّا تحزن وما تلاقيش الإيد اللى تطبطب عليك
و لو طبطبت النهاردة ما بتكمّلش معاك بقية العُمر
نتيجة للظروف .. و تغيّر النفوس

5_لمّا تعجز إنك تنقذ حد قريب منّك من الغرق
في متاهات الحياة
أو تعجز إنّك تمنعه يكمّل في طريق مسدو
أو تفشل إنّك تحميه من نفسه حتى

6_لمّا تكون بين أهلك وأصحابك وأصدقائك وناسك
و رغم كده تحسّ إنك أكتر حد وحيد في الدُنيا
و اللي حواليك عبارة عن فراغ
ودي اسمها غُربة الشعور

7_ غُربة النفس ؛
المغترب عن نفسه ده حد ضايع بين الفواصل
لا قادر يوصل للشئ اللى بيتمناه
ولا قادر يكمّل مع شخص بيحبّه
مش عارف يلاقي حد ولا شئ
لأنه في الأساس مش لاقي نفسه
محبوس جوّا زنزانته

8_لما تعيش قصة حُب وتكتشف في نهايتها
إنك كنت مُجرّد كومبارس
مش { البطل }
كنت مُجرّد مُتفرّج
و اتلعب عليك دور البراءة بإحتراف
والعشق اللى قدّمته كان { وهم متوّج بالخذلان }

9_لمّا تعيش الظُلم من أقرب الناس ليك
ويموت فيك دِفاعك عن نفسك

10_لما يسقط يوميا ًقُدامك قناع ورا قناع
لأشخاص كنت فاكرهم أغلى هدايا
وَصلتك مِن القَدَر
و تكتشف إنهم عبارة عن كوكبة من الزِيف والخِسّة




16-08-2018, 09:59 PM
مرجان الأطرش
مشرف المنتديات العامة
رقم العضوية: 363686
تاريخ التسجيل: Feb 2011
المشاركات: 1,563
 
بارك الله فيك
في الصميم

17-08-2018, 08:53 AM
4uonly
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 4,579
 
المشاركة الأصلية كتبت بواسطة مرجان الأطرش 
بارك الله فيك
في الصميم
اشكر لكم حضوركم وتشريفكم




Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.