9 خطوات علشان تخلي إبنك يصلي
9 خطوات علشان تخلي إبنك يصلي

( إزاي تحبب ولادك في الصلاة )

عمرنا ما قلنا لصوفيا قومي صلي
لكن كان عندنا استراتيجه مهمه في الموضوع ده :

1. الصلاة هي الأساس
اتفقنا أن الصلاة يعني ألف باء حياة
تواصل مع اللي خالقك بشكل يومي
يعني اول ما هنتحاسب عليه قدام ربنا
واحنا نفسنا نتقابل احنا واولادنا في الجنة ان شاء الله

2. ساعدوا بعض
انا وزوجتي بنشجع وبنعين بعض على الصلاة
من أول الجواز
لما حد بيكسل التاني علطول بيشده و يدعمه

3. كونوا قدوه
اللي هتعمله ابنك هيعمله . مهما عملت
شتمت هيشتم . ابتسمت هيكون مبتسم
ساعدت هيساعد . صليت هيصلي معاك

4. الخير فرحه
دايما اربط مشاعر الخير و العبادة
بالفرحه .. بالضحكه .. بالهديه
رمضان و الصلاة و الصدقه عند صوفيا
يعني وقت ممتع و سعاده حقيقية
لأننا ربطنا الخير بالفرحه بالضحكه بالحب

5. صلاتك انتي
خلي لها سجادتها الخاصة . حجابها الخاص
اللي لو حابه تحطه وهيا بتصلي ولو مش حابه براحتها
المهم أن تكون الحاجات الخاصه بيها
موجوده في مكان مخصص لها

6. سامعة الاذان يا صوفي
لما يدن الاذان وقف كل حاجه وقول لابنك اسمع
إدي للأدان مقامه واهتمام الطفل بيه
بعد فتره ابنك هو اللي هيفكرك بالصلاة و الأذان

7. براحته
اوعا تضغط على ابنك في موضوع الصلاة ابدا
مفيش تكليف أساسا له .. فبراحته
يسيب الصلاة في النص
يصلي بالشورت أو بالملابس الداخليه ... براحته

8.حكايات
إحكوا دايما لولادكم قصص
عن الولاد الكويسين اللي بيصلوا
اللي بيعملوا خير ... اللي بيحبوا الخير

9.ادعوا
ادعوا في كل صلاة
" اللهم اجعلني مقيم الصلاة ومن ذريتي"

لدعم قناة وسام الحمد على اليوتيوب


9 خطوات علشان تخلي إبنك يصلي

أدوات الموضوع