العودة   منتديات داماس > المنتديات العامة > مُسْتَشارُكَ القّانُونيْ
 
 

مُسْتَشارُكَ القّانُونيْ استشارات قانونية - القانون التجاري, القانون المدني, القانون الاداري, القانون الجنائي, القانون الدولي, القانون السعودي, القانون المصري, القانون السوري, القانون العراقي



 
15-05-2018, 05:39 AM
nice.tshir
عضو فعال
رقم العضوية: 1026198
تاريخ التسجيل: Mar 2018
المشاركات: 70
 
السلام عليكم
اخويا له شقة في مصر تمليك مقفولة لانه بيشتغل في الخليج وجيرانه عارفين كده
على مدار 5 سنين كان الجيران بيطالبوا بفلوس نظير صيانة مكناش بنشوف منها اي حاجة وحتى لما حطوا كراسي في كل دور محطوش في الدور بتاعنا ولما حصل ان فيه ماسورة اتكسرت في المنور اتصلوا بينا وفضلوا سايبين المية غرقانة في المنور من غير ما يعملوا اي حاجة برغم المبالغ الكبيرة اللي كانوا بيطالبوا بيها بشكل دوري
ده غير انه بيستغلوا السطوح فوقينا في تركيب الاطباق وهاربين الدنيا ورفضوا بردو يعملوا فيه اي حاجة بحجة اننا دور اخير واحنا اللي مسئولين عنه برغم انتفاعهم بيه

غالبا طمعوا لما عرفوا ان اخويا في الخليج وعشان كده بيطلبوا فلوس من غير حساب علما بان اخويا حاليا بيعاني ووضعه على كف عفريت بسبب الازمات المالية في الخليج والازمات السياسية

المهم اتصلت بينا الجارة مطالبة بمبلغ تاني كبير بحجة الصيانة ولما والدي اعترض وقاللها مفيش حاجة بتتعمل بنشوفها وان كمية الحاجات اللي بيتعملها صيانة مبالغ فيها

قالتله طب هتدخلوا ازاي ( على اساس انه تم تغيير مفتاح العمارة ) بس هي ملهاش معنى غير انها ناوية على شر ونبرتها كمان بتقول كده
السؤال دلوقتي ايه التصرف والاجراءات اللي ممكن تتاخد؟ وهل لو تم استخدام تصوير فيديو لاثبات التهديد امتى يبقى التصوير قانوني؟ لو انا واقف في الشارع برة باب العمارة يعتبر تصوير في مكان عام؟
انا متمناش الموضوع يكبر وخصوصا ان والدي ووالدتي سنهم كبير ومش حمل شد عصبي ومواجهات من النوع ده
ويعلم ربنا لو كان فيه صيانة بجد كنا دفعنا برغم ضيق الحال زي ما كنا بندفع السنين اللي فاتت بس بعد ما اتاكدنا انه نصب علني ولما لقوا ان اخويا بيشتغل في الخليج طمعوا وبقت واضحة رفضنا اننا نستمر في السكوت عن سرقتنا
واخيرا حسبي الله ونعم الوكيل في كل واحد بيستحل فلوس غيره




02-06-2018, 10:23 AM
Hany Adel
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,410
 
حضرتكم سالتوا قبل كده تقريبا وانا رديت
سيادتك تاخدى المحامي الخاص بيكي .. ويعمل اجراءات قاانونية امام النيابه او الشرطه حسب اختياره وتقديره للامور .. لييييييييييييييييه ؟
لان عاده المواطن لما هو بيروح مع نفسه ممكن تتحل المشكلة .. ولكن جزئيا .. او تكون النتيجه تجريم عكسي .. اي انقلاب الامور على الشاكي لان حضرتك قررت تعتمد على نفسك في نظام قانوني للاسف معقد.

اكيد فيه محامي حواليكم كويس .. المسألة تتحل بهدوء وبالقانون وحتدخلوا الشقه .. وممكن يبوسوا ايديكم كمان عشان تاخدوا اللي دفعتوه .. القانون فيه امور كتيره ومتشعبه ..

شوفوا محامي قريب منكم وتثقوا فيه والموضوع حله بسييييييط ان شاء الله
ولو حضرتكم في اسكندريه او القاهرة كلموني خاص .. بالتوفيق




Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.