منتدى الشعر العربي والخواطر والنثر قسم الشعر والخواطر والنثر والقصائد





  • رقم العضوية
    805185
  • الإقامة
    CAIRO -EGYPT
  • المشاركات
    4,582
VIP
تاريخ التسجيل: Jul 2016
مستوى التقييم: 153
4uonly 4uonly 4uonly 4uonly 4uonly 4uonly 4uonly 4uonly 4uonly 4uonly 4uonly
# :1
جاني ابويا في المنام...

جاني ابويا في المنام...

جاني ابويا في المنام...
اتفرد جنبي ونام
قالي فينك يابن ضهري
حتي مستخسر زيارة؟؟؟
قلتله في الدنيا يابا
قالي دنيتكم خسارة
قلتله مطحون يابويا في الرحايا
بجري جري الوحش فيها
من صباحي ولمساية
قاللي يابني عيش حياتك...
ارض ربك وارض ذاتك
قاللي اسألني انا
مش هينفعك الا عملك
اعمل الصالح تملي
زكي يابني
صوم وصلي
خلي حسناتك تعلي
خلي ذكر الله تملي فوق لسانك
ادعي يابني في كل لحظة
مش عشاني .....لأ عشانك
ده الدعا هيعلي شانك
ما تلمس ايدك حرام
ولا يدخل جيبك حرام
بالحرام يابني بتضيق القبور
قلتله ويش حاله قبرك؟
قاللي يابني كله نور
قد ايه ربك رحيم
قد ايه ربك غفور
كنت رايح له وشايل
فوق كتافي الف ذنب
بس كان جوايا قلب
ماعرفش الا يحب
ربنا رحمته اوسع
مما يتصور خيالك

ابتسمت في ضي وشه
وقولتله دي مكتوبالك
ذدني يابا في النصيحة
قاللي هاقولها لك صريحة
اوعي يابني في مرة
تظلم
او تكون أداة لظالم
وانصف المظلوم تملي
خلي قلبك بيت مظالم
خلي يابني البال من امك
زيها مايشلش همك
في رضاها السعد يابني
مهما تعلي ولا تبني
خلي بالك من ولادك
هما دول مالك و زادك
هما دولة امتدادك
قلتله نفسي اجيلك
قالي كل شئ يابني بأوان
كل واحد له أوانه
بالمكان وبالزمان

قمت بايسه فوق جبينه
ولمست بشوق عيونه
وصحيت م النوم بفرحة
شفت ابويا في المنام
من حلاوة الحلم نفسي
كل مااقوم تاني ....انام




لدعم قناة وسام الحمد على اليوتيوب

  • رقم العضوية
    1022058
  • المشاركات
    22
عضو جديد
تاريخ التسجيل: Jan 2018
مستوى التقييم: 0
molanmasr
# :2
الله يرحمه ويسكنه فسيح الجنان
  • رقم العضوية
    997228
  • الإقامة
    جمهورية مصر العربية
  • المشاركات
    1,467
VIP
تاريخ التسجيل: Nov 2017
مستوى التقييم: 49
حنايا الروح حنايا الروح حنايا الروح حنايا الروح حنايا الروح حنايا الروح حنايا الروح حنايا الروح حنايا الروح حنايا الروح حنايا الروح
# :3
الله يرحمه ويجعل مثواه الفردوس الاعلي

بارك الله فيك وجزاك خيرا
كل التقدير والاحترام
  • رقم العضوية
    805185
  • الإقامة
    CAIRO -EGYPT
  • المشاركات
    4,582
VIP
تاريخ التسجيل: Jul 2016
مستوى التقييم: 153
4uonly 4uonly 4uonly 4uonly 4uonly 4uonly 4uonly 4uonly 4uonly 4uonly 4uonly
# :4
اقتباس: المشاركة الأصلية كتبت بواسطة حنايا الروح
الله يرحمه ويجعل مثواه الفردوس الاعلي

بارك الله فيك وجزاك خيرا
كل التقدير والاحترام
شكرا لمرورك اختى الكريمة