العودة   منتديات داماس > المنتديات العامة > مُسْتَشارُكَ القّانُونيْ



إضافة رد
19-02-2018, 03:33 PM
Hamdy Hamdy
عضو جديد
رقم العضوية: 1023095
تاريخ التسجيل: Feb 2018
المشاركات: 11
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
السلام عليكم ورحمة الله وبركاتة
بعد الحمد و الشكر لله سبحانة وتعالى
اشكر هذا المنتدى العظيم وبالاخص الاستاذ ابو عمار( new_yasser ) الذى لولاهم بعد الله ما تشجعت وذهبت لانهاء موقفى ابداً
انا اتكلم عن ذهابى يوم امس 18/2/2018 وكان معى 5 اشخاص وتم الاتى
اولاً- بيبدأو من الساعة 9 بالنسبة لى كنت موجود قبل الساعة 9 بس سئلت قالوا لو جيت بعد كدا مفيش مشكلة ودا فعلاً لأن فى ناس جت 11 و 11.30 فعادى لأنى انتظر حتى اتى الاخرون ولما سئلت قالوا بنجمع كام ملف مع بعض .
ثانياً- الاوراق المطلوبة كما فى هذة المشاركة للأخ ابو عمار https://www.damasgate.com/vb/t264462/
ولكن مفيش حوالة بريدية اطلاقاً .
ثالثاً- المكان اركب مدينة نصر الحى العاشر وقول عايز انزل عند انبى للبترول اللى ليها نادى كرة قدم انزل هناك وادى ظهرك للشركة هتلاقى شارع هتمشى حوالى 100 متر هتلاقى على شمالك مبنى قوات مسلحة فيه برج حراسة فوق وتحت باب صغير وبعده باب كبير امام المبنى فى عربية فول متواجدة على طول بعديها قهوة عشان لو روحت بدرى تقعد عليها شوية لحد ما يبدأو ودا هو مبنى الهروب اللى هتخلص فية كل حاجة مش المبنى الرئيسى للسجلات .
مبنى السجلات هاتحتاجة فى شيئين فقط الاول استلام ميعاد المحاكمة - الثانى لو مش معاك الكارنية بتعمل فيه بدل فاقد وتدفع 15 جنية ويدوك ايصال تخلية مع الورق اللى معاك وتخش بيه المكان الاول (مبنى الهروب) .
***** اللى معاة الورق كامل بالكارنية يروح على طول مبنى الهروب .
***** اللى معاه الورق بدون الكارنية يعمل زى اللى فى الشرح السابق قبل ما يروح مبنى الغياب.
***** استلام الورق بيكون يومى الاحد و الاربعاء .
***** فى مكتبة كبيرة جنبهم اشترى منها دوسية ورق بتاع المكتبة هيسألك للسجلات قولو اه بثلاثة جنية الدوسية لو اديتلو 5 جنيه هايديك قلم جاف بالباقى المهم ضع كل الورق فى هذا الدوسية و ادخل قولهم
الاجراءات
بيبصمك على ثلاث ورقات منهم اقرارين الاول بأنك ملكش اى حقوق عند القوات المسلحة .
الثانى انك لو محضرتش جلسة المحاكمة لا يحق لك التقدم مرة اخرى الا بعد مرور 6 شهور.
الورقة الاخرى فيها بياناتك تاريخ الالتحاق وتاريخ الهروب التقريبى لو انت مش متذكر و الوحدة كانت فين بس .
وبعدين يلم الدوسيهات اللى معاة ويدخل بيه فى مكان الله اعلم ايه هو يعمل استعلام على الكمبيوتر عنك وبعدين تنتظر ساعتين ثلاثة لغاية لما يطلع العسكرى او صف الضابط حقيقة مختش بالى ينادى على كل واحد لو بياناتك موجودة يقولك روح بعد 9 ايام امبارح قالنا يوم الاثنين - لو بياناتك مش موجودة يقولك هنتصل بيك على رقم الموبايل او التليفون اللى انت مسجلة عندهم .
واحد سأل عن الغرامة يجيب فلوس كام معاة وكان فى ضابط قال جيب معاك 400 جنية احتياطى .
بس دا كل الموضوع ياريت اللى عدا 36 سنة ينهى موقفة مفيش قلق ولا مشاكل ولا حبس الموضوع بسيط جداً جداً بدل ما يضيع من عمرة ع الفاضى نصيحة من لانى مريت بنفس الموقف وضيعت سنين من عمرى.
**********النصيحة الكبيرة جداً اوى اوى اوى اوى اوى اوى خالص**********
اوعى واياك لو انت فى الخدمة وبتفكر تهرب صدقنى بلاش لان الندم لن تشعر الان ولكن بعد مرور الزمن وربنا يوفق كل واحد كان فى مثل حالتى .

ولكم خالص المحبة و السلام عليكم ورحمة الله وبركاتة




19-02-2018, 03:37 PM
Hamdy Hamdy
عضو جديد
رقم العضوية: 1023095
تاريخ التسجيل: Feb 2018
المشاركات: 11
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
ملحوظة اخرى نسيت اقولها المبنى دا مخصص للعساكر وصف الضباظ اللى دخلوا الخدمة يعنى اتعملة كارنية ولبس البدلة الميرى فقط .

20-02-2018, 12:04 AM
abotorab
عضو فعال
رقم العضوية: 956632
تاريخ التسجيل: May 2017
المشاركات: 82
تلقى دعوات الى: 0 موضوع
إعجاب: 0
تلقى 12 إعجاب على 11 مشاركة
 
جزاك الله كل خير اخى على الشرح التفصيلى
انا مثلك لكن لا زال امامى عامين من الانتظار

20-02-2018, 01:42 PM
Hamdy Hamdy
عضو جديد
رقم العضوية: 1023095
تاريخ التسجيل: Feb 2018
المشاركات: 11
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
المشاركة الأصلية كتبت بواسطة abotorab 
جزاك الله كل خير اخى على الشرح التفصيلى
انا مثلك لكن لا زال امامى عامين من الانتظار
ربنا معاك المهم مفيش قلق بأذن الله


الاخوة اللى عاملين غياب وسنهم اكبر من 36 سنة



Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.