العودة   منتديات داماس > المنتديات العامة > اعلانات تجارية > الاقسام التجارية > أثاث جديد - بيع وشراء الأثاث والمفروشات والموبيليا



إضافة رد
14-12-2017, 12:35 AM
dina.ahmed
عضو جديد
رقم العضوية: 1012256
تاريخ التسجيل: Dec 2017
المشاركات: 21
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
السجاد من قطع الديكور المهمة فى منزلك ودة لانه بيضيف لمسة جمالية فى البيت وبيكمل اناقة ديكورك.والسجاد من القطع الى بتحسسنا بالدفء والراحة النفسية وعشان كدة لازم تختارى سجاد بيتك بعناية فائقة وتحافظى على التناسق بين الالوان والمقاسات برضو
وعشان اناقة شقتك تكمل كاربيتشر هتقدملك نصائح فى اختيار السجاد المناسب لبيتك . . .


ازاى تختارى سجاد شقتك



اول حاجة هنتكلم فيها النهاردة هى انواع السجاد. فى كذا نوع من السجاد وانتى لازم تختارى المناسب ليكى يعنى مثلا فى
سجاد الحرير ودة سجاد جودته ممتازة جدا بس مشكلته انه حساس جدا من الشمس ودة عشان خيوطة دقيقة جدا وكمان مبيستحملش التنظيف الكتير فلازم تستخدميه فى اماكن مش بيوصلها اشعة الشمس . . .

سجاد قوقازي: السجاد القوقازى دة مشهور لاستخدامه الرموز زى النجوم او الازهار وبيبقى معظمة من الصوف ومنه الوان كتير جميلة جدا زى الزهرى والاصفر والاخضر
سجاد الكليم: ودة بيشبه كتير سجادنا المصرى اليدوى الى موجود فى الريف المصرى وبيبقى معمول من القطن او الصوف.ورسوماته بتبقى من الطبيعة او رسومات هندسية بسيطة.
سجاد اصفهانى: من اشهر انواع السجاد الايرانى وبيتعمل فى مدينة اصفهان. السجاد الاصفهانى من افضل انواع السجاد الايرانى وبيستخدم فى اجود الالوان فى خيوطه. ومن التصاميم المشهورة منه الاسليمى والميدالبون.
وطبعا فى انواع كتير تانى من السجاد وانتى تختارى الملائم ليكى .

ازاى تختارى سجاد شقتك

حاجة مهمة لازم تعمليها قبل ما تشترى السجاد وهى تحديد المقاسات بدقة ليييييييية؟؟ لان مثلا لو جبتى سجاد كبير على حجم االغرفة دة هيدى احساس ان المكان مزدحم ومفيش تناسق. ولو كانت صغيرة برضو هتحسى بعدم تناسق.وكمان لازم تحددى الميزانية الى انت حطاها للسجاد لانك هتنبهرى بالسجاد المعروض فى السوق وممكن يبقى اكتر من الميزانية الى معاكى.

حددى شكل السجاد الى انتى عايزاه يعنى اذا كان مربع او بيضاوى او سجاد على شكل مستطيل. وطبعا تحديد الشكل مش بيبقى عشوائى بس دة بيرجع لشكل الاثاث والاقمشة وتصميم الغرفة طبعا. يعنى مثلا السجاد المربع والمستطيل بيناسب
الغرف
الى بيبقى فيها طاولات مربعة او مستطيلة.والسجاد الدائرى يتحط تحت
سفرة دائرية

ازاى تختارى سجاد شقتك

لازم تبقى عارفة ان السجاد الى هتختاريه يكون ملائم مع الفصول اذا كانت صيف او شتاء. بمعنى ان السجاد الخفيف يكون فى رسوم فنية جميلة وبسيطة دة للصيف ولكن السجاد الفرو والسجاد المعمول من الصوف دة طبعا يبقى فى الشتاء.
خلى بالك: لو كان اثاثك فى شغل كتير يعنى مزخرف فلازم تختارى سجاد بسيط جدا جدا. ولو
الاثاث
والمفروشات بسيطة يبقى اختارى سجاد فى نقوش جميلة.

ازاى تختارى سجاد شقتك

حاجة مهمة جدا بنقف عندنا وهى لون السجاد.اكتر حاجة بنعتمد فيها على اختيار نوع الاثاث هى لون جدران البيت. كاربيتشر بينصحك تختارى لون السجاد غير لون الدهان عشان دة هيحسسك بالبهتان وعدم الحيوية فى المكان. او ممكن تختارى نفس اللون بس بدرجة تانى.وفى الوان محايدة ممكن تختاريها لو محتارة فى لون السجاد زى اللون الكريمى والوان الباستيل.وعموما الالوان المبهجة طبعا تحطيها فى
غرف الاطفال
. والالوان الغامقة مناسبة اكتر للاماكن الى بيبقى فيها حركة كتير عشان بتتبهدل بسرعة.والالوان الفاتحة هتناسب اكتر الغرف الضيقة.وممكن اللون النبيتى والبنى تحطيهم فى
غرف الاستقبال
لانك هتحسى بفخامتها على طول .اما غرف المكتب بتبقى رسمية فلازم الوان هادية زى الابيض والازرق عشان دقة التركيز.وممكن تستخدمى اللون الاحمر والاصفر فى
غرف المعيشة

ازاى تختارى سجاد شقتك

وعشان طبعا مينفعش ننهي موضوعنا من غير ما نتكلم عن تنضيف السجاد ولكل ست بتشيل همه.فاحنا هنقولك على نصائح بسيطة ممكن تستخدميها فى تنضيف السجاد.
- لازم تغسلى السجاد كل ست شهور لتجنب تجمع الاتربة
- نضفى سجاد
غرفة المعيشة
و
غرفة الاطفال
على طول بالمكنسة الكهربائية عشان دول اكتر اماكن بيبقى فيهم فوضى.
- عشان تحافظى على لمعان سجادك هاتى ماية وحطى فيها خل وامسحى بيهم السجاد
- امسحى اى بقع على السجاد بسرعة عشان لو قعدت لمدة طويلة هايبقى صعب انك تشليها
- وانتى بتغسلى السجاد ابعدى عن الفرش الخشنة لانك كدة هتبوظى الفرو بتاع سجادك
- كل فترة عرضى سجادك لاشعة الشمس لان التهوية مفيدة جدااا للسجاد.





ازاى تختارى سجاد شقتك



Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.