منتديات داماس > >
اجراءات التخلف عن التجنيد ( بعد سن ال 30 ) طااازة 20/9/2017




03:13 AM

يارجاله انا عايز رد علي السؤال ده بس تكونو متأكدين منو
انا حاليا 29و 4 شهور ومستني اكمل ال 30 علشان امشي في قصه الورق .... انا لو عملت فيش جنائي حاليا هيظهر اني متخلف عن التجنيد او ما شابه ...لاني عايز انزل شغل لاوبر وخايف من الموضوع ده




لدعم قناة وسام الحمد على اليوتيوب

الأخ Ahmed yossry
الفيش الجنائي مالوش علاقه بالتجنيد
اتوكل علي الله واعمله
انا عملته اكتر من مره قبل ما اخلص موضوعي وعادي جدا
اقتباس : المشاركة الأصلية كتبت بواسطة Ahmed yossry
ربنا مع الجمييع ...وشكرا للناس اللي بطمنا
وعن اني مثلا قلت اني سمعت كذا او كذا ....وجيت كتببت هنا ...انا مش بروج اشاعات او شي ...انا سمعت حد قالي كدا من واحد يعرفو جوه التجنيد ...طبعا قلقت لاني 29 سنه ...وجريت هنا علي المنتدي اتأكد منكو .....وبشكركم تاني ....بس انتو عارفين اد ايه الموضوع يقلق ...وشكرا للجميع
انا اسف مكنش قصدي عليك انت انا اقصد على الناس اللي بيبقوا مصدر الاشاعة
معلش لسة واخد بالي من ردك دلوقتي
ربنا معاك
لو سمحتوا ياجماعه لو فى حد هنا يقدر يساعدنى
انا عاوز نص القرار اللى بيبقى مكتوب في شهاده الاعفاء المؤقت بتاعه اى حد كان كبير عيله و اخوه فى التجنيد
انا في حاجه ماسه لهذا النص ارجو المساعده
اتمني هي دا اللي كنت بدور عليها
إعفاء المذكور موقتا من اداب الخدمة العسكرية و الوطنيه كونه العائل العائلة بعد أبيه المتوفى بتاريخ ..... و شقيقه
اكبر هما (٠٠٠٠٠) المجند داخلية ثلاث سنوات بتاريخ .....
ثلاثي ..... و التالي له (.....) مواليد ....... و عليه تقديم نفسه من تاريخ زوال السبب أو بلوغه سن ٢٩
عاما ايهما أقرب تاريخا
خدت الشهادة النهاردة خلاص
مقدرش افيد حد الوقت اد ايه بين المحاكمة والشهادة لاني كانت ظروفي مختلفة.. المحاكمة كانت في شهر 5 حصل ظروف كتير في حياتي مقدرتش اروح ولما رحت في شهر 6 لقيت القضائي سافر كله مطروح فاستنيت تاني كل ده.. عشان كده خدت 3 شهور ونص فمتتخضوش
اخر خطوة في العامرية بتخلص في نفس اليوم وبتاخد الشهادة في نفس اليوم بس على الساعة 3
التفاصيل بتخش على شباك الاستعلامات يختم "بون كامل" بتروح شباك اتنين على اليمين تدفع مبلغ في حدود اربعين جنية (كل واحد كان مبلغه مختلف.. المهم) استلمت ورقة صفرا وورقة حمرا وبون فيه تفاصيل الرسوم .. يا سلام لو بعدها على طول تصور البطاقة ووصل الغرامة وورقتين الحكم 3 صور (الحاجات الصغيرة في ورقة مع بعض والورقة الكبيرة لوحدها) .. يستحسن تاخد معاك ورقة معاد النيابة عشان ياخدوا منه الرقم الثلاثي لان العسكري التحفة وكعادة العساكر التحف هناك مكنش عارف يلاقي اسمي ودوخ اهلي وشباك الشئون طلبها مني بردو عشان يلاقي اسمي بسرعة.. المهم بردو) بتروح بعد كده على مكتب الشئون القانونية شباك 6 في شئون المواطنين ياخد صور ويكتب على حاجات من ضهرها وبيديك الباقي تروح بيه على شباك 9 وبتملى الورقتين وبتبصم ويسلمك وصل استلام مستندات وتستنى برة في المظلة لحد ما يتنده اسمك وتاخد الورقة بنت ال...
حاليا في خاصية انك ممكن تحول ورقة الاعفا لكارنيه بس دي عايزة يوم تاني وانا بصراحة مهتمتش اعرف اي تفاصيل لاني مش ناوي اروح هناك تاني لحد ما اموت
الناس اللي معاها الشهادة ... التغليف بتاعها منحط حافظوا عليها وحطوها في عينيكو لان اللي كانوا معانا بيطلعوا بدل تالف اتسحلوا نفس السحلة من 8 لـ 3

طيب انا كده قلت التفاصيل اللي مش هتبقى مفيدة لمدة طويلة لان اكيد التفاصيل هتختلف قدام خصوصا لو بتقرا الرد ده وكان فات عليه سنة مثلا فهي هتنفع الناس اللي بتقدم دلوقتي والكام شهر الجايين

فالنصايح اللي هقدر اقولهالك وممكن افيد بيها بعد ما انتهيت من موضوع الشهادة:

1- محامي بلاش.. فلوس على الفاضي الا لو بتعاني من قلق ونوبات ذعر ساعتها الفايدة الوحيدة للمحامي انه هيطمنك
ويونسك (مش بهزر) (لاقيت ورقة جديدة النهاردة لزقوها على الازاز بتقول ان المحامي ملوش لازمة وفلوس على الفاضي)
2- اوعى تكدب على القاضي مهما حصل.. تعامل معاه بالوقار والاحترام المطلوب وهتلاقي في المقابل نفس المعاملة لان كلهم محترمين.. عموما لو ده اول تعامل ليك مع الجيش والتجنيد اتعامل مع الكل بالطريقة دي واوعى تفكر انك تـ make a scene عدي اي حاجة وان شاء الله تعدي على خير
3- اخر حاجة واهم حاجة .. عايزك تعتبر كلمة سمعت دي كانها شتيمة بالاهل .. متسيبش حد قالها قدامك الا لما تقولله سمعت من مين وامتى ومتسيبهوش من تحت ايدك الا لما يقوللك انا حمار وبقول كده عشان ابان فتك ولافف وعارف كل حاجة .. ابعد عن الشائعات الغبية اللي هتنشف دمك على الفاضي، الموضوع بسيط جدا

بيتهيألي معنديش حاحة تانية اضيفها للموضوع وقريب هيبقى out of date فبالتوفيق للجميع
جزاك الله تعالى كل خير يا فندم
طيب كام سؤال عالسريع:
ظ،: بالنسبة للنقاش مع القاضي: لو قلت مسافر و كنت بشتغل و و فيها مشاكل؟؟. مش عاوز اكدب بصراحة
ظ¢: ليا واحد معرفة الحمد لله الفيش بتاعه سليم و لكن كان شغال في تركيا فترة طويلة و ده خلاه يتخلف عن التجنيد. لو قال انه كان شغال في تركيا فيها مشاكل؟؟ الراجل لا لسه في سياسة و لا اي حاجة خالص. و لا الراجل ده احسنله يوكل محامي؟
ظ£: معلش بس هو بجد موضوع الورقة اللي مكتوب عليها بباش محاميين دي؟؟
و تسلم
في الغالب القاضي مش بيسأل تخلفت ليه
ولو سألك قول ظروف منعتني .. الموضوع بسيط وروتيني
وكل الحكايه غرامه بس اقصي مبلغ للغرامه 10 الاف ومفيش داعي لمحامي نهائي
اقتباس : المشاركة الأصلية كتبت بواسطة cozmo
جزاك الله تعالى كل خير يا فندم
طيب كام سؤال عالسريع:
ظ،: بالنسبة للنقاش مع القاضي: لو قلت مسافر و كنت بشتغل و و فيها مشاكل؟؟. مش عاوز اكدب بصراحة
ظ¢: ليا واحد معرفة الحمد لله الفيش بتاعه سليم و لكن كان شغال في تركيا فترة طويلة و ده خلاه يتخلف عن التجنيد. لو قال انه كان شغال في تركيا فيها مشاكل؟؟ الراجل لا لسه في سياسة و لا اي حاجة خالص. و لا الراجل ده احسنله يوكل محامي؟
ظ£: معلش بس هو بجد موضوع الورقة اللي مكتوب عليها بباش محاميين دي؟؟
و تسلم
هو يفضل انك تقول الحقيقة عشان ميبانش انك بتخبي حاجة
انا شخصيا لما سألني بتشتغل ايه قلتله مبشتغلش ودي كانت الحقيقة فعلا اني حاليا مش بشتغل وفضّلت اقول الحقيقة برغم انها صعب تتصدق عن اني اخترع اي شغلانة وساعتها هيبان اني بكدب ويفتكر اني رجل اعمال في الحقيقة مثلا .. وفعلا صدقني وخدت الحد الادنى من الغرامة 8000

اه دلوقتي علقوا ورقة على شباك المتخلفين عن التجنيد بينصحوا الناس ميلجأوش لمحامي لانه مش هيفيد بحاجة .. الورقة جديدة لانها مكنتش موجودة اخر مرة رحت في شهر 4
السلام عليكم

استفسار بسيط يا جماعة هل مناطق التجنيد شغالة يوم السبت ؟؟

اجراءات التخلف عن التجنيد ( بعد سن ال 30 ) طااازة 20/9/2017

أدوات الموضوع