العودة   منتديات داماس > المنتديات العامة > مُسْتَشارُكَ القّانُونيْ



إضافة رد
25-02-2018, 09:41 PM
Gggamr
عضو جديد
رقم العضوية: 1024783
تاريخ التسجيل: Feb 2018
المشاركات: 5
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
25-02-2018 ,09:41 PM

المشاركة الأصلية كتبت بواسطة mohandshamada 
يعني لو واحد مسافر يتبهدل بقي ولا ايه
لو مسافر و معاك ورق يثبت كدا ممكن تدخل لوكيل النيابه و هيجبلك ميعاد قريب




28-02-2018, 04:54 PM
mohandshamada
عضو مشارك
رقم العضوية: 433210
تاريخ التسجيل: Oct 2013
المشاركات: 31
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
المشاركة الأصلية كتبت بواسطة Gggamr 
لو مسافر و معاك ورق يثبت كدا ممكن تدخل لوكيل النيابه و هيجبلك ميعاد قريب
بس مسافر قطر هههههه خايف اقولهم كده يحبسوني هههههه

05-03-2018, 12:38 AM
Raafat.farouk
عضو جديد
رقم العضوية: 1024440
تاريخ التسجيل: Feb 2018
المشاركات: 5
تلقى دعوات الى: 0 موضوع
إعجاب: 0
Thanked 1 Time in 1 Post
 
المحاكمه بتاعتى كانت امبارح ف منقباد ..نزلت من القطر اسيوط وركبت من قدام المحطه ميكروباص بينادى موقف الازهر ونزلت ركبت ميكروباص تانى بينادى عزبه وامن وتقوله نزلنى قدام النيابه العسكريه..دخلت الساعه ظ¨ وكنا جوه حوالى ظ¥ظ* واحد دخلونا جوه قعدنا شويه قدام الكانتين وبعد كده قالولنا ننفع الكانتين عافيه وبعد حوالى ساعه نادوا علينا واحد واحد سلمنا البطاقه وخمسين جنيه وقعدنا ف نفس المكان تانى وبعد حوالى ساعه قالوا ننفع الكانتين تانى عافيه برضوا وبعد كده دخلونا القاعه وبعدها بحوالى ساعه الا ربع القاضى جه معلق نسر ونجمتين وبدأ الجلسه نادوا علينا واحد واحد يخرج لحد القاضى يسأله اتخلفت ليه ؟ ويقوله السبب ويقدر الغرامه ويرجع مكانه والغرامات كلها كانت ثمانيه الاف جنيه وبعد كده خرجونا طابور وخلونا كانتين تانى غير اللى كنا قاعدين عنده عباره عن صاله كبيره وقالولنا كل واحد سمع الغرامه بتاعته جهزوا الفلوس ورتبوها الصوره فوق الصوره والرقم فوق الرقم واى فلوس قديمه او مقطعه او ملزوقه يشيلها من الفلوس ويغيرها وفضلوا مكدريننا اكتر من ساعتين جوه الكانتين وممنوع حد يخرج ولا يروح مكان وبعد حوالى ساعتين خرجونا مجموعه مجموعه لمكتب قدام الكانتين دفعنا كل واحد عشرين جنيه وادونا شويه ورق كده بالبركه ومشونا بيهم ييجى تلاته متر كده واخدوهم تانى ورجعنا الكانتين تانى وبعدها بشويه خرجونا برضوا مجموعه مجموعه للخزنه دفعنا الفلوس ورجعنا الكانتين تانى واستنينا لحد ما جابوا الايصالات والبطايق ووزعوها علينا ومشينا كانت الساعه ظ£ العصر .وقالوا بعد ظ،ظ¥ يوم نروح نستلم صوره الحكم من نفس المكان

05-03-2018, 05:12 AM
hossamdoaaaa
عضو جديد
رقم العضوية: 383551
تاريخ التسجيل: Jul 2011
المشاركات: 23
تلقى دعوات الى: 0 موضوع
إعجاب: 1
تلقى 0 إعجاب على 0 مشاركة
 
المشاركة الأصلية كتبت بواسطة Gggamr 
انا قدمت يوم 16/9 و اخذت معاد جلسه يوم 5 فبراير..
اخدت الشهاده بعدها ب15 يوم
دفع الغرامه بيكون فى خلال 48 ساعه من معاد الجلسه
اخدت حوالى 4-6 ساعات فى كل يوم كنت بروح
الغرامه 10000 و اقل واحد دفع 5000 كان عنده 35 سنه
انا تبع منطقه الجيزه
5 شهور ليه انت الرمايا ؟

05-03-2018, 05:13 AM
hossamdoaaaa
عضو جديد
رقم العضوية: 383551
تاريخ التسجيل: Jul 2011
المشاركات: 23
تلقى دعوات الى: 0 موضوع
إعجاب: 1
تلقى 0 إعجاب على 0 مشاركة
 
المشاركة الأصلية كتبت بواسطة Raafat.farouk 
المحاكمه بتاعتى كانت امبارح ف منقباد ..نزلت من القطر اسيوط وركبت من قدام المحطه ميكروباص بينادى موقف الازهر ونزلت ركبت ميكروباص تانى بينادى عزبه وامن وتقوله نزلنى قدام النيابه العسكريه..دخلت الساعه ظ¨ وكنا جوه حوالى ظ¥ظ* واحد دخلونا جوه قعدنا شويه قدام الكانتين وبعد كده قالولنا ننفع الكانتين عافيه وبعد حوالى ساعه نادوا علينا واحد واحد سلمنا البطاقه وخمسين جنيه وقعدنا ف نفس المكان تانى وبعد حوالى ساعه قالوا ننفع الكانتين تانى عافيه برضوا وبعد كده دخلونا القاعه وبعدها بحوالى ساعه الا ربع القاضى جه معلق نسر ونجمتين وبدأ الجلسه نادوا علينا واحد واحد يخرج لحد القاضى يسأله اتخلفت ليه ؟ ويقوله السبب ويقدر الغرامه ويرجع مكانه والغرامات كلها كانت ثمانيه الاف جنيه وبعد كده خرجونا طابور وخلونا كانتين تانى غير اللى كنا قاعدين عنده عباره عن صاله كبيره وقالولنا كل واحد سمع الغرامه بتاعته جهزوا الفلوس ورتبوها الصوره فوق الصوره والرقم فوق الرقم واى فلوس قديمه او مقطعه او ملزوقه يشيلها من الفلوس ويغيرها وفضلوا مكدريننا اكتر من ساعتين جوه الكانتين وممنوع حد يخرج ولا يروح مكان وبعد حوالى ساعتين خرجونا مجموعه مجموعه لمكتب قدام الكانتين دفعنا كل واحد عشرين جنيه وادونا شويه ورق كده بالبركه ومشونا بيهم ييجى تلاته متر كده واخدوهم تانى ورجعنا الكانتين تانى وبعدها بشويه خرجونا برضوا مجموعه مجموعه للخزنه دفعنا الفلوس ورجعنا الكانتين تانى واستنينا لحد ما جابوا الايصالات والبطايق ووزعوها علينا ومشينا كانت الساعه ظ£ العصر .وقالوا بعد ظ،ظ¥ يوم نروح نستلم صوره الحكم من نفس المكان
هو كل منطقه عسكريه بنظام ولا ايه ؟ اسكندريه معاك مهله للدفع فى ميعاد اقصاه 3 شهور وبتدفع فى مكان تانى خالص بعيد عن المحكمه وحتى النيابه العسكريه هههه وممكن تقسط الغرامه كمان قسط مريح

05-03-2018, 05:54 AM
Raafat.farouk
عضو جديد
رقم العضوية: 1024440
تاريخ التسجيل: Feb 2018
المشاركات: 5
تلقى دعوات الى: 0 موضوع
إعجاب: 0
Thanked 1 Time in 1 Post
 
فى تلاته او اربعه عملوا طلب تقسيط للمبلغ والباقى كله دفع وكنا حوالى خمسين واحد والفلوس ف اسيوط بتندفع ف النيابه والقاعه اللى اتعمل فيها الجلسه برضوا جوه النيابه وكان يوم مقرف اخر قرف ومعامله زباله منهم للناس اكننا شغالين عندهم

07-03-2018, 01:48 PM
nice.tshir
عضو فعال
رقم العضوية: 1026198
تاريخ التسجيل: Mar 2018
المشاركات: 60
تلقى دعوات الى: 0 موضوع
إعجاب: 2
تلقى 8 إعجاب على 8 مشاركة
 
بشكر كل واحد شارك معانا تجربته وفاد غيره بجد بشكركم جدا

07-03-2018, 02:13 PM
nice.tshir
عضو فعال
رقم العضوية: 1026198
تاريخ التسجيل: Mar 2018
المشاركات: 60
تلقى دعوات الى: 0 موضوع
إعجاب: 2
تلقى 8 إعجاب على 8 مشاركة
 
اولا بشكركم جدا كل واحد شارك اللي حصل معاه وافاد غيره

انا اخدت تاجيل طبي 3 شهور وبعدها مرحتش
دلوقتي الورقة بتاعة التاجيل 3 شهور ضاعت
المحامي قاللي يستحسن تبقى معايا بس كل حاجة موجودة على الكومبيوتر
هل الورقة دي ممكن تعمل مشكلة؟


-----------------------------------------------------------------------------------

بالنسبة للناس اللي بتسال على تجديد البطاقة انا جدتها في 2015 ومفيش اي مشكلة خالص

09-03-2018, 12:47 PM
Ahmed yossry
عضو جديد
رقم العضوية: 1026393
تاريخ التسجيل: Mar 2018
المشاركات: 16
تلقى دعوات الى: 0 موضوع
إعجاب: 1
Thanked 1 Time in 1 Post
 
ربنا يكرمكم جميعا ...الموضوع مفيد جداا ...انا متابعكم اول باول من انهارده ....علشان انا كملت 29 ودخلت في الحوارات دي ...ربنا يسترها علبنا جميعا ...وعايزكم تطمنوني

10-03-2018, 05:58 PM
mohandshamada
عضو مشارك
رقم العضوية: 433210
تاريخ التسجيل: Oct 2013
المشاركات: 31
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
انا روحت يوم الاثنين اللي فات وساعه خلصت الورق كلها وقالولي محاكمتك يوم الحد 11/03/2018 ورايح بكره ان شاء الله
انا منطقة تجنيد طنطا الاجراءات كانت سهله جدا جدا وما خدتش وقت

10-03-2018, 10:40 PM
نبيـــل
عضو جديد
رقم العضوية: 1024817
تاريخ التسجيل: Feb 2018
المشاركات: 3
تلقى دعوات الى: 0 موضوع
إعجاب: 0
Thanked 1 Time in 1 Post
 
أنا روحت من 18 يوم واتحدد لي ميعاد محاكمة النهارده السبت 10/3 وروحت المحكمة بالحي العاشر بعد سوق السيارات في مدينة نصر وعايز أقلكم إنه مفيش حاجة اسمها تسجيل أسماء عشان تروح بدري يعني اللي بيروح من 7 الصبح زي اللي بيروح الساعه 9ونص كله بيدخل القاعة بالترتيب اللي جاي من منطقة التجنيد الناس اللي فوق ال 45 كانوا بينادوا عليهم عشان يخلصوا إجرائتهم بدون إنتظار المحاكمة.

غير كده إنتظار لحين وصول القاضي ثم منادة كل شخص حسب الكشف روحت للقاضي وهو شخص في غاية الإحترام ولغته العربية متقنة وسألني إذا كان لدي إعاقة طبية ونفيت ثم عن سبب تخلفي عن التجنيد وطلب مني الإنتظار خارج القاعة وانتظرت أنا وكل شخص لحين تم إعادة إدخالنا للقاعة مرة أخرى ثم مناداة الأسماء حسب الكشف من قبل القاضي مع نطق مبلغ الغرامة وملخص الغرامة مواليد ما قبل 15/9/1984 = 5 الاف جنيه وما بعد هذا التاريخ 8000 كل الغرامات كانت بنفس الشكل وفي ناس أخدت براءة وفي ناس كانت تخلف إستدعاء أخدت غرامة الف جنيه وسنة مع الإيقاف.

بعد كده روحنا على س28 لدفع مبلغ الغرامة وانتظرنا وقت طويل لحين وصول الكشوفات وبعدين المنادة حسب التسلسل ثم الدخول والانتظار لوقت طويل بعد تأكيد القايمة مرة أخرى ثم الدفع والحصول على الإيصال.

موضوع طلب الإستعجال: المحامين اللي جوه المحكمة في منهم بيقول اتلغت فعلاً وفي منهم بيقول بتطلع بعد أسبوع وسكرتير المحكمة اللي مع القاضي قال انها اتلغت وكل الناس اصبحت واحد، أنا قلت اجرب بنفسي وطلعت النيابة بعدما دفعت وكان الوقت للأسف بعد مواعيد عملهم وكل المكاتب كانت مقفولة وموصلتش لحاجة.

شكراً ليكم ع البوست ده اللي استقدت منه جداً وعايز أقول للناس الجدد، طالما تميت 30 سنة توكل على الله وروح.
ثانياً إشاعات زيادة المبالغ الغرامة مفيش أي حاجة بتثبت الكلام ده لحد دلوقتي.

ربنا يوفق الجميع.

11-03-2018, 07:07 PM
mohamed.soliman1987
عضو مشارك
رقم العضوية: 1023690
تاريخ التسجيل: Feb 2018
المشاركات: 29
تلقى دعوات الى: 0 موضوع
إعجاب: 0
Thanked 1 Time in 1 Post
 
المشاركة الأصلية كتبت بواسطة نبيـــل 
أنا روحت من 18 يوم واتحدد لي ميعاد محاكمة النهارده السبت 10/3 وروحت المحكمة بالحي العاشر بعد سوق السيارات في مدينة نصر وعايز أقلكم إنه مفيش حاجة اسمها تسجيل أسماء عشان تروح بدري يعني اللي بيروح من 7 الصبح زي اللي بيروح الساعه 9ونص كله بيدخل القاعة بالترتيب اللي جاي من منطقة التجنيد الناس اللي فوق ال 45 كانوا بينادوا عليهم عشان يخلصوا إجرائتهم بدون إنتظار المحاكمة.

غير كده إنتظار لحين وصول القاضي ثم منادة كل شخص حسب الكشف روحت للقاضي وهو شخص في غاية الإحترام ولغته العربية متقنة وسألني إذا كان لدي إعاقة طبية ونفيت ثم عن سبب تخلفي عن التجنيد وطلب مني الإنتظار خارج القاعة وانتظرت أنا وكل شخص لحين تم إعادة إدخالنا للقاعة مرة أخرى ثم مناداة الأسماء حسب الكشف من قبل القاضي مع نطق مبلغ الغرامة وملخص الغرامة مواليد ما قبل 15/9/1984 = 5 الاف جنيه وما بعد هذا التاريخ 8000 كل الغرامات كانت بنفس الشكل وفي ناس أخدت براءة وفي ناس كانت تخلف إستدعاء أخدت غرامة الف جنيه وسنة مع الإيقاف.

بعد كده روحنا على س28 لدفع مبلغ الغرامة وانتظرنا وقت طويل لحين وصول الكشوفات وبعدين المنادة حسب التسلسل ثم الدخول والانتظار لوقت طويل بعد تأكيد القايمة مرة أخرى ثم الدفع والحصول على الإيصال.

موضوع طلب الإستعجال: المحامين اللي جوه المحكمة في منهم بيقول اتلغت فعلاً وفي منهم بيقول بتطلع بعد أسبوع وسكرتير المحكمة اللي مع القاضي قال انها اتلغت وكل الناس اصبحت واحد، أنا قلت اجرب بنفسي وطلعت النيابة بعدما دفعت وكان الوقت للأسف بعد مواعيد عملهم وكل المكاتب كانت مقفولة وموصلتش لحاجة.

شكراً ليكم ع البوست ده اللي استقدت منه جداً وعايز أقول للناس الجدد، طالما تميت 30 سنة توكل على الله وروح.
ثانياً إشاعات زيادة المبالغ الغرامة مفيش أي حاجة بتثبت الكلام ده لحد دلوقتي.

ربنا يوفق الجميع.
مبروك بس لو سمحت انت تبع منطقه تجنيد ايه ؟

12-03-2018, 12:37 AM
نبيـــل
عضو جديد
رقم العضوية: 1024817
تاريخ التسجيل: Feb 2018
المشاركات: 3
تلقى دعوات الى: 0 موضوع
إعجاب: 0
Thanked 1 Time in 1 Post
 
منطقة تجنيد الهايكستب.
الله يبارك فيك ،،

14-03-2018, 11:18 AM
Ahmed yossry
عضو جديد
رقم العضوية: 1026393
تاريخ التسجيل: Mar 2018
المشاركات: 16
تلقى دعوات الى: 0 موضوع
إعجاب: 1
Thanked 1 Time in 1 Post
 
السلام عليكم ...انا عايز اسال علي حاجه ...انا كنت واخد تاجيل لاني كبير عائله ولحين اخويا يخلص جامعه ....اخويا خلص جامعه وانا مرحتش قدمت نفسي ...واخويا دخل الجيش ظابط 3 سنين هيخلص شهر 10/2018....انا كملت 29 سنه الشهر ده ولما رحت التجنيد قالولي انك كده مطلوب للتجنيد ...طيب ازاي انا مطلوب واخويا لسه في الجيش ...ردهم انت لازم تقدم للتجنيد ....دلوقتي انا في اعتبارهم متخلف عن التجنيد ؟؟؟ ....يعني لو رحت قدمت عادي مع الدفعه اللي داخله ..هل هاخد مده تجنيد زياده ؟؟ .

15-03-2018, 03:35 AM
nice.tshir
عضو فعال
رقم العضوية: 1026198
تاريخ التسجيل: Mar 2018
المشاركات: 60
تلقى دعوات الى: 0 موضوع
إعجاب: 2
تلقى 8 إعجاب على 8 مشاركة
 
المشاركة الأصلية كتبت بواسطة Ahmed yossry 
السلام عليكم ...انا عايز اسال علي حاجه ...انا كنت واخد تاجيل لاني كبير عائله ولحين اخويا يخلص جامعه ....اخويا خلص جامعه وانا مرحتش قدمت نفسي ...واخويا دخل الجيش ظابط 3 سنين هيخلص شهر 10/2018....انا كملت 29 سنه الشهر ده ولما رحت التجنيد قالولي انك كده مطلوب للتجنيد ...طيب ازاي انا مطلوب واخويا لسه في الجيش ...ردهم انت لازم تقدم للتجنيد ....دلوقتي انا في اعتبارهم متخلف عن التجنيد ؟؟؟ ....يعني لو رحت قدمت عادي مع الدفعه اللي داخله ..هل هاخد مده تجنيد زياده ؟؟ .
حتى لو تخلف وخدت مدة تجنيد زيادة فهي بتبقى 45 يوم لكن هي اسمها سنة زيادة وممكن تسقط كمان.


اجراءات التخلف عن التجنيد ( بعد سن ال 30 ) طااازة 20/9/2017



Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.