English تم الإنتقال للبوابة الجديدة والتسجيل من هنا

المرحلة الرابعة : Multiboot عمل اسطوانه متعددة الانظمه ذاتية الاقلاع : التعامل مع برامج انشاء اسطوانة اقلاع متعددة الانظمه بالاضافه الى كيفية استخراج ملفات البوت من السيديهات و استخدامها

حصري:تقسيم اي فلاشة وحماية الجزء الخاص بملفات الويندوز

حصري:تقسيم اي فلاشة وحماية الجزء الخاص بملفات الويندوز

طبعا الاغلبية بيتعامل مع الفلاشات كبديل للاسطوانات لانها اسرع بكتير ده غير انها بتاخد مساحة اكبر من الاسطوانة وطبعا ما بتتخربش مع الوقت زي الاسطوانات , بس في ميزة في الاسطوانات انها بتكون للقراءة فقط يعني الفيروسات ما بتدخلهاش

طيب والحل ايه علشان نضيف الخاصية دي في الفلاشات ونخليها زي الاسطوانة للقراءة فقط ؟
الحل اننا يكون معانا فلاشة الشيب بتاعها من نوع phision
(ملحوظة : ممكن تكون الفلاشة كينج ستون ونفس الشكل بتاع الفلاشات اللي صورها في المنتدي بس الشيب بتاعها مش phision ولازم تتاكد من الشيب عن طريق برنامج الشيب جينيس)
ودي المواضيع اللي في المنتدي بتشرحها بالتفصيل الممل

طيب لو معنديش فلاشة الشيب بتاعها من النوع phision وخصوصا ان الفلاشات الجديدة الموجودة كلها في السوق بشيبات تانية غير النوع ده ؟
طيب ممكن تعمل حاجة تانية سهلة وبسيطة : انك تعمل الملفات اللي انت عاوزها علي كرت ميموري وتحطه في ريدر فيه زرار بيخلي الكارت للقراءة فقط وكده ما بيدخلوش فيروسات

طيب انا شوفت قبل كده برامج بتخلي الفلاشة للقراءة فقط واستخدامها سهل جدا , ممكن استخدمها ؟
هقول لحضرتك ان البرامج دي بتخلي الفلاشة للقراءة فقط علي جهازك انت بس , يعني لو حطيت الفلاشة في جهاز تاني بتبقي عادية وفي برامج تانية بتعتمد علي ملفات الاوتورن بتخلي الفلاشة للقراءة فقط علي اي جهاز بس فكرتها انها اول ما بيشتغل ملف الاوتورن بتاعها في الويندوز بيفعل الخاصية للقراءة فقط وللاسف معرض للفيروسات بردة بشكل كبير , وياريت لو فيه اي حد من الاعضاء عنده رأي تاني يشاركنا بيه

طيب لو انا مش عايز اعمل الويندوز علي كرت ميموري علشان مساحته صغيرة وكمان ما عنديش فلاشة الشيب بتاعها من النوع phision هأعمل ايه ؟
ده ان شاء الله هيكون موضوعنا النهاردة وفكرته اننا هنقسم الفلاشة قسمين قسم هنحط عليه ملفات الويندوز وملفات البووت (يعني المفات اللي ما بنحتجهاش من داخل الويندوز) وده هيكون القسم المخفي يعني ما فيش فيروسات هتقدر تدخله
وقسم تاني هحط فيه التعريفات وباقي البرامج اللي احنا عايزنها وده اللي هيظهر في الويندوز وهيبقي معرض للفيروسات والقسم ده لو اتفيرس سهل اني ابدل الملفات المتفيرسة فيه

نبدأ الشرح وهنفذ الكلام ده ببرنامج Win Setup_1_0_beta8
بعد لما نفتح البرنامج هنضغط علي برنامج Bootic المدمج مع البرنامج بتاعنا
حصري:تقسيم فلاشة وحماية الجزء الخاص بملفات الويندوز
وهيفتح لنا النافذة دي
حصري:تقسيم فلاشة وحماية الجزء الخاص بملفات الويندوز
حصري:تقسيم فلاشة وحماية الجزء الخاص بملفات الويندوز
حصري:تقسيم فلاشة وحماية الجزء الخاص بملفات الويندوز
حصري:تقسيم فلاشة وحماية الجزء الخاص بملفات الويندوز
يبقي المربع الاول بكتب فيه حجم البارتيشن بالميجا وطبعا بنحدده علي حسب الملفات اللي عايزين نضيفها علي الفلاشة يعني لو عاوز اضيف علي الفلاشة ويندوز اكس بي بس اخليه 700 ميجا مثلا , والبارتيشن التاني بكتب فيه باقي مساحة الفلاشة وباقي المساحة بتظهر تحت في البرنامج وبعدها بضغط Ok والبرنامج بيطلع رسالة تأكيدية بضغط ok وبيطلع لي رسالة تأكيدية تانية بضغط علي yes وبستني لحد ما يخلص ويطلع رسالة فيها ok وبكده نكون قسمنا الفلاشة لقسمين زي ما في الصورة كده القسم الاول هو اللي بيظهر في الويندوز والقسم التاني ده بيكون مخفي بالنسبة للويندوز يعني لا الويندوز ولا اي فيروسات هتقدر تشوفه ما بيظهرش غير علي اللينكس او في البوت
حصري:تقسيم فلاشة وحماية الجزء الخاص بملفات الويندوز
بفصل الفلاشة وبوصلها تاني وبيظهر البارتيشن اللي هو active اللي مساحته 100 ميجا لو طلب فورمات بعمله فورمات
نرجع بقي لبرنامج Win Setup_1_0_beta8 ونفتحه
حصري:تقسيم فلاشة وحماية الجزء الخاص بملفات الويندوز
حصري:تقسيم فلاشة وحماية الجزء الخاص بملفات الويندوز
بعد لما بضغط علي install grub4dos بيظهر لنا رسالة بضغط علي yes ورسالة تانية بضغط ok وبستني لحد ما يطلع لي رسالة زي دي واضغط انتر
حصري:تقسيم فلاشة وحماية الجزء الخاص بملفات الويندوز
وبيظهر لي رسالة تانية بضغط ok , بعد كده بقفل برنامج RMPrepUSB وبرجع تاني لبرنامج WinsetupfromUSB واضيف الويندوز اللي انا عاوزه عليها اكس بي او سفن او ايت واي ملفات ايزو تانية انا عايزها وهنا انا هضيف برنامج الجوست بس
حصري:تقسيم فلاشة وحماية الجزء الخاص بملفات الويندوز
بعد لما بضيف ملفات الويندوز والبوت اللي انا محتاجها علي القسم ده برجع تاني للبرنامج المدمج بتاع التقسيم Bootice علشان اخلي البارتيشن ده مخفي واظهر البارتيشن التاني (ملحوظة : ما ينفعش نضيف اي برامج تانية غير الويندوز سواء اكس بي او ايت او سفن او اي ملفات بووت لان البارتيشن ده هنخفيه ومش هيظهر داخل الويندوز فمش هنقدر نستفيد باي ملفات جواه غير في البووت فقط)
بعد ما بفتح برنامج Bootice بضغط علي parts manageوبضغط علي Reformat USB Disk
حصري:تقسيم فلاشة وحماية الجزء الخاص بملفات الويندوز

وبكده نكون عملنا الفلاشة قسمين بارتيشن عليه الويندوز وده هيكون مخفي ومش هيظهر في الويندوز وبكده نكون عملنا له حماية من الفيروسات او الحذف
وبارتيشن تاني نقدر نحط عليه اي داتا تانية بنستخدمها في الويندوز ولو عملنا له فورمات البارتيشن المخفي بيفضل زي ما هو

طبعا الموضوع حصري لمنتدياتنا زي ما قولت ومش موجود في المنتديات العربية ولا الاجنبية وصراحة قدرت أوصل للحل ده بسبب ان احد الاعضاء الشيب بتاع الفلاشة بتاعته طلع مش phision وكنت عاوز اساعده واتمني اكون ساعدته ,

ملحوظة : الموضوع من مجهودي الشخصي وصراحة تعبت في البحث لما وصلت ليه فياريت ما تبخلش بدعوة لي وقراءة الفاتحة لابي

لدعم قناة وسام الحمد على اليوتيوب


المواضيع المشابهه
نصائح هامة لتقوية المناعة وحماية الجسم من العدوى
احدث برامج عملاق ضرب الهكرز وحماية الجهاز X-NetStat Professional v5.5 : شرح حصرى وإنفراد
لو سمحت اريد كيفية دمج ملف winxp.bin بملفات الويندوز
Windows optimization للتحكم بملفات الويندوز
سؤال لمحترفي تصميم نسخ الويندوز ( مشكله بملفات التوزيع )


جزاك الله خيرا فعلا كنت محتاجه


أبدعت أخى فأحسنت
جزاك الله خيراااا
ولنا عوده بعد التجربه بإذن الله


تحياتى


الله ينور عليك


شرح حلو ووافى أخ لبيب ولى تعقيب بخصوص حكاية الزر اللى فى الريدر بيعمل lock لكارت الميمورى فهى طريقة

فاشلة لأنه لا يفعل الحماية من هذا الزر أما بقية الخطوات سليمة وتمام الشرح فهى أفضل وتم التقييم 3 نجوم لعدم التنسيق

الجيد للموضوع وجزاك الله خيرا شرحت فأبدعت


طيب ينفع اعمل كارت موميري اخفيه كله مش اقسمه وازي ارجعه تاني زي الاول يعني حته واحده


طيب ينفع اعمل كارت موميري اخفيه كله مش اقسمه وازي ارجعه تاني زي الاول يعني حته واحده
يا عم أحمد أنا المفروض أحذف السؤال هذا علشان الأعضاء لو شفوه هيغمى عليهم ههههههههههههههههههه


شكرا لك اخى الحبيب
تستاهل نجوم السما 1000000000 نجمة


شكرا لك اخى الكريم على مجهودك الرائع رحم الله والدك ورحمنا جميعا وفقكم الله :app laudit:


اتمني تكون استفدت من الموضوع

أبدعت أخى فأحسنت
جزاك الله خيراااا
ولنا عوده بعد التجربه بإذن الله


تحياتى
في انتظار تجربتك اخي العزيز ومتابع معك

الله يخليك ياحودة

شرح حلو ووافى أخ لبيب ولى تعقيب بخصوص حكاية الزر اللى فى الريدر بيعمل lock لكارت الميمورى فهى طريقة

فاشلة لأنه لا يفعل الحماية من هذا الزر أما بقية الخطوات سليمة وتمام الشرح فهى أفضل وتم التقييم 3 نجوم لعدم التنسيق

الجيد للموضوع وجزاك الله خيرا شرحت فأبدعت
شكرا اخ سامح , بالنسبة لموضوع بتاع كارت الميموري ففي ريدرات بتعمل خاصية read-only بس للاسف وجودها قليل في السوق اما بالنسبة للتنسيق فاعتذر لاني كنت عاوز اوصل المعلومة باي شكل واتمني تكون وصلت


شكرا لك اخى الكريم على مجهودك الرائع رحم الله والدك ورحمنا جميعا وفقكم الله :app laudit:
مشكور علي مرورك المميز abo yaseen