منتدى الشعر العربي والخواطر والنثر قسم الشعر والخواطر والنثر والقصائد





  • رقم العضوية
    413241
  • المشاركات
    26
عضو فعال
تاريخ التسجيل: Feb 2013
مستوى التقييم: 0
السعيد زيان
# :1
شعب مصر المحتار

فتح عينك بص شمالك بص يمينك فكر قبل ما تقرر و تقول
مين بيتاجر بيك و بدينك مين عايزك دايماً مسطول
مين عايزك تغمض عينك عن الحقيقة و المسئول
مين بيفبرك ليك حواديت فوق الخيال و فوق المعقول
مين اللى بيتحكم فى البيت و فى القاتل والمقتول
كانوا زمان بيقولوا الريس و الوقتى الموجود ده كويس
مش بيكذب مش بيهيس و مالوش ذنب و مش مسئول
مين اللى بيتحكم فى القوت مين اللى سايب شعبه يموت
مين اللى سارح فى الملكوت الحاكم و لا المعزول
مين اللى قالك إحنا الدين هنطبق شرع و قوانين

مين اللى بيكذب كل يومين و مهما يحلف ألف يمين
مفيش حقيقة تشوفها العين وكلامة دايماً مش مقبول
فكر لحظة كده بشويش العيب مش فى الشعب و لا الجيش
مين اللى حددلك رغيف العيش شغل مخك المقفول
الحقيقة مش محتاجة عنين زى ماهى محتاجة عقول




 
أدوات الموضوع