العودة   منتديات داماس > المنتديات العامة > الطبخ و إعداد المأكولات
 
 

الطبخ و إعداد المأكولات مأكولات شامية, مقبلات لبنانية, طبخات خليجية و مغربية, شوربات, اسماك, مأكولات بحرية, وجبات سريعة



 
06-08-2011, 02:36 AM
ميرهان
عضو فعال
رقم العضوية: 343003
تاريخ التسجيل: Aug 2010
المشاركات: 174
 
إخواني ابناء الشام.. من أشطر منكم يساعدني ويفتيني في الكبة الشامية..

انا جربت الكبة، ولازم تعرفوا اني خبرة كبييييرة في الطبخ، يعني مش مبتدأة
طبعا الطريقة وكل شي تمام التمااااااااام 100%
لكن في مرحلة القلي مجرد ما اضع الكبة في الزيت تتفتفت
من يومين كنت على وشك انخلي اهلي من غير افطار
ههههههههههه

المهم ان في مرة قالولي حطي بطاطا مهروسة مع الكبة ولما جربتها تماسكت الكبة اثناء القلي لكن شكلها اختفى ، اصبحت مجرد كتل وخلاص يعني اختفى الشكل المعروف للكبة

مأساة والله
فياااااااااااارييييت تساااااااعدونيييييي انا في حيييييييرة كبييييييييييرة




09-08-2011, 06:17 PM
abu sameer
عضو مميز
رقم العضوية: 221184
تاريخ التسجيل: Feb 2009
المشاركات: 278
 
يا ست ميرهان مشكلتك مع عجينة الكبه
اذا بدك اياها تكون صحيحه وما تتفتفت
التزمي بالمقادير
كل كيلو برغل ناعم اطحني معاه نصف كيلو لحمه حمره
وهاي النسبه مهمه حتى ما يتفتفت 1برغل---2/1 لحمه حمره
ومتحطيش بصل في العجينه اما في الحشوه حطي اللي بدك اياه
ومتنسينيش في حبتين

09-08-2011, 11:30 PM
الجازية
عضوية الشرف
رقم العضوية: 140028
تاريخ التسجيل: Jul 2008
الإقامة: العالم العربي
المشاركات: 5,800
 
والله يا ميرهان كويس أنك بتعرفي تعمليها

أنا نفسي بيوم اتعلمها باحس أن اهل الشام عباقرة كل ما حكوا عن الكبة حكوا عن شيء سهل هههههههه


يلا اضبطيها وفطورنا عندك بيوم

12-08-2011, 03:51 AM
ميرهان
عضو فعال
رقم العضوية: 343003
تاريخ التسجيل: Aug 2010
المشاركات: 174
 
المشاركة الأصلية كتبت بواسطة abu sameer 
يا ست ميرهان مشكلتك مع عجينة الكبه
اذا بدك اياها تكون صحيحه وما تتفتفت
التزمي بالمقادير
كل كيلو برغل ناعم اطحني معاه نصف كيلو لحمه حمره
وهاي النسبه مهمه حتى ما يتفتفت 1برغل---2/1 لحمه حمره
ومتحطيش بصل في العجينه اما في الحشوه حطي اللي بدك اياه
ومتنسينيش في حبتين
يبدو ان كتب الطبخ اعطتنا الطريقة خطأ يا ابو سامر
انا عندي الوصفة فيها كمية البرغل نفس كمية اللحم وفيها بصل
لذلك ما ضبطت معي
عالعموم المرة الجاية حنجرب طريقتك بس على مسؤليتك ههههه
مشكور جدااااا اخي ابو سامر

12-08-2011, 04:33 AM
ميرهان
عضو فعال
رقم العضوية: 343003
تاريخ التسجيل: Aug 2010
المشاركات: 174
 
المشاركة الأصلية كتبت بواسطة الجازية 
والله يا ميرهان كويس أنك بتعرفي تعمليها

أنا نفسي بيوم اتعلمها باحس أن اهل الشام عباقرة كل ما حكوا عن الكبة حكوا عن شيء سهل هههههههه


يلا اضبطيها وفطورنا عندك بيوم
بالنسبة ليا الكبة حيرت العلماااء ههههه
لأن معاناتي معها طويييييييلة
خلاص لما اضبطها اطعم منها شباب المنتدى كلهم هههههه

19-08-2011, 02:52 AM
وردة داماس
عضو محترف
رقم العضوية: 114639
تاريخ التسجيل: Apr 2008
المشاركات: 482
 
السلام عليكم ورحمة الله وبركاته

أختي ميرهان أنا من الشام وطريقة عمل الكبة جدا سهلة

كيلو لحمة تكون هبرة ومطحونة ناعمة تكفي لاثنين كيلو برغل ناعم

اول شي رطبي البرغل ترطيب بالماء الفاتر وأطحنيه على الفرامة الكهربائية وهي خاصة للكبة ومعروفة

على ما أعتقد،ممكن أن تطحني البرغل 3 مرات متتالية مع بصلة صغيرة وملح وشوية بهار وفلفل عادي

ممكن تلاقي شوية صعوبة في حطن البرغل فعليكي وضع قليل من الماء فوقه وهو عم ينحطن

وأخر مرة بتطحنيه مع اللحمة الهبرة ،يعني هيك بتصير طحنتيه للبرغل 4 مرات وبتركزي الملح بحسب

الرغبة وهيك بتكوني خلصتي من العجينة،وبس تجي تشتغلي بالكباية خلي جنبك صحن صغير وفيه ماء بارد

كل ما تاخدي قطعة صغيرة لازم تبلي ايدك بالماءوتشتغلي لانها بتعزبك شوية بالشغل.

طبعا الحشوة للكبة تكون لحمة مفرومة ناعمة+بصل ناعم وملح وبهار وفلفل وصنوبر اذا بتحبي

وعند القلي للكبة ضروري الزيت يكون حامي وتقلب جيدا حتى تاخد لون ذهبي حلو

أن شاء الله أكون عطيتك المفيد والصحيح وانا هيك بعملها

وألف ألف صحة ورمضان كريم عالجميع.

20-08-2011, 03:28 AM
ميرهان
عضو فعال
رقم العضوية: 343003
تاريخ التسجيل: Aug 2010
المشاركات: 174
 
مشكووورة جدااا اختي وردة داماس
بس انا تقريبا كل هذه الخطوات اعملها مزبوط ، بس فيه شي فيه خلل عندي ولذلك حنحكيلك طريقتي بالتفصيييل..
اول شي انا اضع كمية اللحم = كمية البرغل
واطحن البرغل مع بصلة كبيرة والبهارات على المطحنة الكهربائية..
بعدين اطحن معهم اللحم المفروم
اما العجينة وتشكيلها والحشو فكله تمام 100%
لكن مجرد ما اضعها في المقلاة تتفتفت..
لذلك لا اعرف اين الخلل بالضبط هل هو بسبب قلة البرغل او كثرة البصل؟؟
والله دوووووختني الكبة الله يسامحها

21-08-2011, 09:02 PM
وردة داماس
عضو محترف
رقم العضوية: 114639
تاريخ التسجيل: Apr 2008
المشاركات: 482
 
شغلتها بسيطة أن شاء الله انتي عم تحطي كمية اللحمة نفس كمية البرغل وهذا أول شيء خطأ لازم يكون البرغل اكثر وانا حكيتلك انو كيلو اللحمة الهبرة يلزمها اثنين كيلو برغل وبالنسبة للبصل بصلة صغيرة تكفي واذا احببتي ان تجربي مع اللحمة الهبرة والبرغل ان تضعي قطعة من صدر الدجاج فلا مانع من ذلك فهي كمان تخلي العجينة تتماسك أكثر وعند القلي لاااااااااازم الزيت يكون حامي واول ما تحطي الكبة بالزيت لاتحركيها شي دقيقتين وبعدين كملي القلي.

وصحتين وهنا ولاااااااااااازم تظبط معك وتعزمينا

25-08-2011, 02:08 AM
ميرهان
عضو فعال
رقم العضوية: 343003
تاريخ التسجيل: Aug 2010
المشاركات: 174
 
مشكوووورة اختي وردة داماس
وانشالله لما تضبط معي حاعمل حفلة هههههههههه
التجربة الجاية رمضان القادم انشالله

10-09-2011, 02:51 AM
شيف عمار
عضوية الشرف
رقم العضوية: 338040
تاريخ التسجيل: Jun 2010
المشاركات: 653
 
احم احم
عدنا
بعد اذن الجميع اختي ميرهان كمية اللحمة مع البرغل مظبوطة علميا وعمليا ولكن احرصي على نقع البرغل جيدا وطحنه ومزجه مع اللحمة جيدا وان شاء الله رح تظبط




Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.