العودة   منتديات داماس > المنتديات العامة > مُسْتَشارُكَ القّانُونيْ

  مواضيع مميزة  

  آخر عشرة مواضيع   المواضيع النشطة



موضوع مغلق
  #1  
05-08-2010, 12:47 PM
عضـو
رقم العضوية: 343425
تاريخ التسجيل: Aug 2010
المشاركات: 1
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 

مشكلة بيني وبين شخص واحنا مسافرين في رحلة وحصلت بينا مشادة كلامية

دلوقتي حصلت مشكلة بيني وبين شخص واحنا مسافرين في رحلة وحصلت بينا مشادة كلامية وبعد ما هدينا والناس هدتنا قالي انا هعملك الادب بس لما نوصل بلدنا فقام الشخص ده بالاتصال بـ 6 أشخاص علشان يضربوني وانا نازل من الباص طبعا كانت معايا زوجتي وطفلتي الصغيرة فحبيت اصفي الي بينا ونسكت وخلاص بس هوا كان قليل الادب اوي ومرضاش يسكت فالمهم لحسن الحظ ان المكان الي الاتوبيس بيقف فيه ده في المنطقة الي انا عايش فيها وبعدين لما الاتوبيس وقف طلع جري علي الباب ونادي للناس الي جايبهم ووقفين منتظرني انزل من الاتوبيس وكانوا مسلحين بالسنج والمطاوي المهم انا مهمنيش وقولت هنزل واتكلم معاهم بالزوق وخلاص جيت انزل من السلم بتاع الباص بصيت لقيت نفسي اتزقيت والكل بيضرب فيا ولحسن الحظ كان فيه اثنين من اصدقائي واقفين وعمي وابن عمي كانوا جايين يستنونا وقاموا ضربوا الناس الي كانوا بيضربوني واديلهم علقة جامدة وبعدين جريوا وبعدين كانوا بيطمنوا عليا المهم انا قولتلهم انا سليم الحمد لله وزوجتي كانت اتضربت هيا كمان لانها كانت نازلة ورايا بس الحمد لله كان فيها شوية خدوش بسيطة المهم رجع الولد ده تاني الي هوا صاحب المشكلة الاساسية ومعاه سكينة ومعاه واحد كمان بردك معاه سكينة تاني المهم الناس اتلمت عليهم الاثنين وانضربوا بالكراسي بس انضربوا جامد جدا وبالاخص صاحب المشكلة الي هوا كان معايا المهم بعديها اصحابي سابوهم وروحنا كلنا وثاني يوم عرفت انهم عامللي محضر في قسم الشرطة وبعدين عرفت ان الاثنين دول واحد منهم في المستشفي فاقد النطق وبيقولوا عنده نقطة نزيف بس هوا فاق بعديها بيومين والحمد لله بقي يتكلم دلوقتي والثاني متعو في دماغة ومتخيط 4 غرز في الرأس وكاتبين اني انا وعرفوا اسم واحد من اصحابي اننا اتعدينا عليهم وضربناهم انا ضربتهم بالكرسي وصاحبي كان معاه صاعق كهربائي وانا مش ضربت حد حتي صاحبي الي كانوا ذاكرين اسمه هوا فعلا كان معاه صاعق كهربائي بس هوا مش ضرب بيه حد هوا استخدمه بس لما كنت بنضرب علشان يبعد الناس الي بتضربني المهم هوا عاملي قصة كبيرة وحوارات وبعتنا ناس يرحوله المستشفي علشان نتصالح رغم اني مش غلطان بس قولت اتأسفله وخلاص ولو عايز فلوس اعالجة انا وخلاص بس مفيش فايدة وبيقلفوا قالوا ان فيه ناس راحت لابنه المستشفي علشان تهدده وتتخانق معاه وده مش حصل اصلا ففيه واحد قالي اعمل محضر باسم زوجتك فروحت وعملت محضر باسمها في القسم وطبعاً هيا كانت مجروحة شوية من الاعتدادات وكمان هيا حامل لانها كانت بتحاول تحوش عني فراحت المستشفي وعملت تقرير طبي بس طبعا الجروح الي كانت عندها سطحية عبارة عن خربشة أظافر وكده يعني بس هيا قالت في المحضر انهم اتعدوا عليها واتحرشوا بيها وضربوها بس فيه ناس قاللتي ان المحضر بتاعي ده ملهوش لزمة لاني عامل محضري بعد محضرهم بـ 24ساعة فدلوقتي مش عارف اعمل ايه خاصة وان التقرير الطبي بتاعه هيبقي أكثر من 21يوم لأنه قعد اسبوع في المستشفي فأرجوكم قولولي اعمل اية لان انا حالتي الصحية لا تسمح بكل ذلك وأنا في حالة نفسية سيئة وعمري ما روحت قسم شرطة وخايف جدا من الي ممكن يحصل بعد كده.

التسجيل في بوابة داماس يمنحك روابط مباشرة لتحميل الملفات





  #2  
06-08-2010, 02:21 PM
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,985
تلقى دعوات الى: 1504 موضوع
إعجاب: 1,067
تلقى 434 إعجاب على 71 مشاركة
 
السلام عليكم

بالطبع هذه جنحة ضرب عادية
من مات القضايا التى تمتلأ بها المحاكم ..

ولكن عليك ::

أن تجمع عدد من الشهود الحاضرين للواقعة
وتقدم طلب للنيابة لسماع أقوالهم فى هذا المحضر
تفصيليا ...
وانتبه :::
أن يكون ذلك قبل أن تتصرف النيابة فى المحضر
وذلك لأهمية هذه الخطوة .............

اذا اتضح للنيابة من خلال هذه الأقوال أنك مجنى عليك فعلا ولست متهم
يمكنها أن تقدمك أنت وزوجتك فى هذا المحضر كمجنى عليهم أو كمجنى
عليهم ومتهمين فى نفس الوقت ............

وبعد ذلك فى المحكمة سيكون له شأن آخر ...

ومحضر زوجتك مهم بالتأكيد
بصرف النظر عن قلة الاصابات بها ...


اهتم بالقضية حتى لا تندم
وأسندها لمحام تثق فيه جيدا
ليتولى الدفاع عنك ...........

موضوع مغلق



الساعة الآن 01:55 PM.


Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.