العودة   منتديات داماس > المنتديات العامة > مُسْتَشارُكَ القّانُونيْ



موضوع مغلق
31-12-2009, 07:42 AM
faozy
عضو جديد
رقم العضوية: 319765
تاريخ التسجيل: Dec 2009
المشاركات: 2
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
ربنا يبارك لك يا الاستاذ جمال .. عندي مشكلةألأنيي قوي .. احنا عندنا خلاف كبيربين العيلة وبعضها . انا ساكن في بيت امي في شقة وهي ساكنة في الدور التاني في شقتها واخويا خد الشقة في التالت .. ودايما كان في خلفات بين امي وابويا ودايما يطردها.. المهم من كام سنة غصبوا عليها هو واخواتي وكتبوها ورق ابتدائي ان الشقة اللي هي فيها بتاعت واحدة من البنات والشقة اللي انا ساكن فيها وعايش فيها انا وعيالي من 15 سنة كتبوها باسم واحدة تانية وكتبوا الشقة التالتة لاخويا .. لما المشاكل كترت امي راحت عملت محضر في القسم أنهم غصبوا عليها وكتبوها ورق وهي مش عارفة في ايه وهما قالوا في المحضر ان دا خلاف عائلي وتم حفظ المحضر .. بعد كدة امي اتصالحت والأمور هديت .. بس انا خايف والأعمار بأيد الله ان لو حصل لها حاجة يجوا يطلعوا العقد اللي هي كتبته ويطردوني .. أمي بتقولي أنا ممكن أكتبلك ورقة أن هما كتبوني بالعافية تطلعها في المحكمة لو رفعوا عليك قضية وعلي فكرة رقم المحضر اللي هي عاملته نسيناه ومش عارفين نفتكره لأنه من سنين ايه الطريقة اللي ممكن احمي نفسي بيها لو طلعوا العقد انهم شارين منها الشقة .. واحد صاحبي قاللي خليها تكتبلك عقد ايجار من سنة 1990 عشان يكون ايجار قديم ويفضل معايا وعداد النور بأسمي وصاحبي قالي برضة ممكن اسجل شريط فيديو وهي بتحلف فيه انها مابعتش اي حاجة وانهم كتبوها ورق وهي مش عارفة في ايه او نعمل اقار في اشهر العقاري انا احتارت ارجوك ساعدني في وجود طريقة لأن الموت علي رقاب العباد وانا خايف لو حصل لها حاجة أو حصلي انا حاجة عيالي ومراتي يترموا في الشارع وكتر خيرك




31-12-2009, 07:54 AM
faozy
عضو جديد
رقم العضوية: 319765
تاريخ التسجيل: Dec 2009
المشاركات: 2
تلقى دعوات الى: 0 موضوع
إعجاب: 0
تلقى 0 إعجاب على 0 مشاركة
 
معلهش يا استاذ جمال انا هاجي هنا في كافية النت يوم السبت اللي جاي عشان اشوف رد حضرتك زي ماقاللي صاحب الكفية وانشاء الله خير وربنا يبارك لك في عفيتك

01-01-2010, 10:36 PM
gamal gamal
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 13,060
تلقى دعوات الى: 1577 موضوع
إعجاب: 1,078
تلقى 448 إعجاب على 83 مشاركة
 
السلام عليكم
أخى الكريم معذرة للتأخير لسفرى الخمبس والجمعه .
على العموم :
1-يجب ان تتذكر السنة التى تم تحرير هذا المحضر فيها
ويمكن لمحاميك أن يصل الى هذا المحضر عن الطريق
البحث فى قسم الشرطة الذى تم تحرير المحضر فيه ...
2-فكرة عقد الايجار جيدة - ما دامت أن أمك المالكة لحمايتك
من العقود التى أجبرت أمك على توقيعها ....
3-أطمئنك - من حيث المبدأ - أن عقود البيع اذا ظهرت بعد
وفاة والدتك يعطيك القانون قرينة قانونية أن هذه العقود تعتبر
وصية لما بعد الموت -اذا ظلت والدتك فى استخدام الشقة حتى وفاتها-
فيعتبر البيع هذا مجرد وصية لا تسرى فى حق باقى الورثة الا فى حدود
ثلث التركة ...............
4-اذا كان المنزل مسجل فى الشهر العقارى باسم والدتك - أو مشترية من
مشترى مسجل عقده فى الشهر العقارى - يمكنها تحرير عقد بيع لشقتك
وتسجيلها فى الشهر العقارى قبلهم ... والملكية تنتقل بالتسجيل -والأحقية
هنا بأسبقية التسجيل ........................................ ............

وبالتوفيق


كيف أحتاط خشية غدر الزمان وطمع البني ادم



Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.