العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير



موضوع مغلق
23-09-2009, 11:43 AM
قمرالشام
الوسـام الماسـي
رقم العضوية: 206891
تاريخ التسجيل: Jan 2009
المشاركات: 7,011
تلقى دعوات الى: 2 موضوع
إعجاب: 1,298
تلقى 3,511 إعجاب على 936 مشاركة
 


حبيبتي لا تهكلي همي طلعي مع رفقاتك اليوم
(ما صرلنا يومين مرافقين بكرة بتشوفي)


أنا ما دخلني عملي اللي بدك اياه
(استرجي تعملي غير اللي قلتلك عليه)


مالي علاقة روحي لوين ما بدك
(استرجي تطلعي من باب البيت)


تأكدت طلعتك المسا مع رفقاتك؟
(لكان لاخترع طلعة معي من تحت أضافيري و افقسلك طلعتك)


أكتر شي حبيتو فيكي طيبة قلبك

كأنو رفيقتك سبور كتير؟!!!!
(كلا اسبوع و بمنعك تحكي معا)


حبيبتي كانو موبايلك برن كتير
(غيري رقمك قبل ما انا غيرلك ياه)


ورجيني شو نوع موبايلك هاد النوكيا الجديد؟؟
(حفليلك اللوغ رقم رقم واسم اسم)


حلو لون شعرك الجديد بس الطبيعي أحلى
(الله يكسر ايديكي على هالصبغة طالعة متل الرقاصة)


أنا متقبل انو الك علاقات سابقة هاد حقك الطبيعي
(مستحيل فكر فيكي بشكل جدي ورح ضل هتك بماضيكي)


ما بعرف ليش انا مشلوش من طلعتك اليوم الصبح ما عم تفوت بمخي
(بدي اتمشكل و اخترع خناقة و انزعلك مساكي)


كانو مو أول مرة بتجي على هالمحل؟!!!!
(يخرب بيتك شو كاينة دايرة على حل شعرك قبل ما أعرفك)


كانو هالكنزة صغيرة عليكي
(بكسر ايديكي ازا بشوفك لابستيا مرة تانية)


ورجيني كأنو بنطلونك جديد
(يا ويلك ازا بتكوني نازلة عالسوق ومو قايلتيلي)


شفتي الشب اللي مر بالسيارة السودة هاد رفيقي اللي حكيتلك عنو
(لامر ولا شي بدي اتاكد ازا كنتي عم تبصبصي عالشباب بالسيارات)


كربوج رفيقي ما؟؟
(بدي شيل عيونك ازا قلتي اي)


قال رفقاتي شايفينك من كم يوم بالشعلان
(رفقاتي ما بيعرفو كيف شكلك بس بدي زلقك)


حبيبتي كانك سمنانة شوي!!
(يخرب بيتك على هالموديل صايرة متل البقرة)


الشب ما بعيبو جمالو
(بعرف حالي متل القرد بس استرجي هتيني)


نحنا مجتمع شرقي الشب غير البنت
(أنا بعمل اللي بدي اياه وانتي بتسمعي كلمتي و بتنضبي بالبيت)


انتي ليش حاطة حواجز بيناتنا شو لسة ما وثقتي فيني؟
(تلحلحي نشفتيلي قلبي يا حـيـط)


خلينا نطلع نتمشى طائة روحي من المطاعم
(الدنيي آخر شهر و مفلس ما معي اخدك تتزهرمي)


ييييييي نسيت جزداني بالسيارة
(استحي على دمك حاجتي اصرف عليكي)


متخانق مع اهلي مشانك وعم نام عند رفيقي
(حطي ببالك من اليوم ورايح بدك تصرفي عليي)


أنا ما بؤمن بالفلنتاين كل يوم عندي هو عيد حب معك
(يعني ازا بدك تجيبيلي هدية جيبيلي بس لا تحلمي انا جبلك)


رفيقتي القديمة كانت حتنتحر بس قلعتا
(قلعتني و مسحت بكرامتي الارض ومتت لارجعلا)


إمي حستك قوية
(امي ما طاقتك و عم تدورلي على عروس وانا ما بتنيلا كلمة)


حبيبتي ليش كل ما بحاكيكي بتندهلك امك؟
(ولي إمك شو قوية و شاضومة و قارحة)


انا اللي بدي اخدا بدا تكون قنوعة و عينا شبعانة
(أنا شحاد و ما معي آكل)


حبيبتي حاكيني بسرعة خلص شحن موبايلي
(طالع مع ضرب جديدة عم زبطا وحاقفل موبايلي)


انا حاسس انك متغيرة و ماعم تحسي فيني متل قبل
(أنا عم خونك وعم اتحجج لنترك)


نحنا التنين متوترين خلينا نبعد عن بعض فترة نفكر فيا منيح
(أنا مليت منك وما بدي اتركك قبل ما دور على وحدة جديدة)


ديري بالك على حالك وتاكدي اني عنجد حبيتك و مستحيل انساكي وبتمنالك كل خير
(عم طيب خاطرك بعد ما هنتك و خنتك و قلعتك)




23-09-2009, 12:49 PM
Usama baZ
مشرف عام
رقم العضوية: 64128
تاريخ التسجيل: Feb 2007
الإقامة: Riyadh
المشاركات: 6,096
تلقى دعوات الى: 1019 موضوع
إعجاب: 2,941
تلقى 2,613 إعجاب على 583 مشاركة
 
ههههههههه
موضوع لذيذ
تسلم الايادي مشرفتنا الفاضلة

23-09-2009, 01:03 PM
سعد الدين
المسؤول الفني
رقم العضوية: 3
تاريخ التسجيل: Mar 2003
الإقامة: Türkiye
المشاركات: 46,072
تلقى دعوات الى: 6067 موضوع
إعجاب: 10,914
تلقى 15,521 إعجاب على 5,194 مشاركة
 
(بدي اتمشكل و اخترع خناقة و انزعلك مساكي) :big grin:

لا تصدقي الله لا يجيب مشاكل

تسلم ايدك

23-09-2009, 01:23 PM
Ahmed-Under
عضوية الشرف
رقم العضوية: 84905
تاريخ التسجيل: Jun 2007
المشاركات: 19,151
تلقى دعوات الى: 2655 موضوع
إعجاب: 8,081
تلقى 10,351 إعجاب على 884 مشاركة
 
بارك الله فيك مشرفتنا الفاضلة

23-09-2009, 02:27 PM
قمرالشام
الوسـام الماسـي
رقم العضوية: 206891
تاريخ التسجيل: Jan 2009
المشاركات: 7,011
تلقى دعوات الى: 2 موضوع
إعجاب: 1,298
تلقى 3,511 إعجاب على 936 مشاركة
 
المشاركة الأصلية كتبت بواسطة Damas 
(بدي اتمشكل و اخترع خناقة و انزعلك مساكي) :big grin:

لا تصدقي الله لا يجيب مشاكل

تسلم ايدك


اهلا بهالطله اهلا

ياريت حطيت الموضوع من زمان عشان نتشرف بوجودكم
وأنا عم قول لحالي ليش القسم كلوا مضوي اليوم

الله يسلمك من كل سوء
وعيدك مبارك يا رب
:applau dit:

23-09-2009, 02:29 PM
قمرالشام
الوسـام الماسـي
رقم العضوية: 206891
تاريخ التسجيل: Jan 2009
المشاركات: 7,011
تلقى دعوات الى: 2 موضوع
إعجاب: 1,298
تلقى 3,511 إعجاب على 936 مشاركة
 
المشاركة الأصلية كتبت بواسطة Usama baZ 
ههههههههه

موضوع لذيذ

تسلم الايادي مشرفتنا الفاضلة
ووجودكم جميل
الله يسلمك من كل سوء يا رب

23-09-2009, 02:30 PM
قمرالشام
الوسـام الماسـي
رقم العضوية: 206891
تاريخ التسجيل: Jan 2009
المشاركات: 7,011
تلقى دعوات الى: 2 موضوع
إعجاب: 1,298
تلقى 3,511 إعجاب على 936 مشاركة
 
المشاركة الأصلية كتبت بواسطة Ahmed-Under 
بارك الله فيك مشرفتنا الفاضلة
وبارك فيك وبوجودك الجميل
شكرا لك

26-09-2009, 02:09 PM
BIBO
عضو ماسـي
رقم العضوية: 157785
تاريخ التسجيل: Aug 2008
الإقامة: EGYBT
المشاركات: 1,100
تلقى دعوات الى: 0 موضوع
إعجاب: 428
تلقى 88 إعجاب على 21 مشاركة
 
بارك الله فيك

موضوع رائع

وأنشاء الله في تقدم

تحياتي



26-09-2009, 02:43 PM
قمرالشام
الوسـام الماسـي
رقم العضوية: 206891
تاريخ التسجيل: Jan 2009
المشاركات: 7,011
تلقى دعوات الى: 2 موضوع
إعجاب: 1,298
تلقى 3,511 إعجاب على 936 مشاركة
 
المشاركة الأصلية كتبت بواسطة bibo 2009 
بارك الله فيك


موضوع رائع

وأنشاء الله في تقدم

تحياتي


شكرا لرأيك ومرورك وان شاء الله تقدم المنتدى يكون بوجود امثالكم
شكرا لك


لغة الشباب السوريين



Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.