العودة   منتديات داماس > قسم البرامج العام > برامج الكمبيوتر والأنترنت
 
 

برامج الكمبيوتر والأنترنت تحميل برامج الكمبيوتر , برامج الانترنت, برامج الداونلود, برامج الضغط, برامج صيانة الكمبيوتر وبرامج التصميم والجرافيك.

 
04-07-2009, 12:01 PM
marwan show
عضو فعال
رقم العضوية: 78780
تاريخ التسجيل: May 2007
المشاركات: 71
 
ازيكم يا شباب المنتدى اتمنى تكونوا بخير
من اسبوعين ظهر عندى فيروس اوتورن ودى بقى طبيعى موجود فى كل جهاز لكن الاكتر من كده ان الفيروس تطور وعطل الـTask Manager والـ Registry Editor ده غير طبعا الـ Folder Option اللى مهما حاولت تعدل فيها مش هتتغير وفى ادوات كثيرة تعمل على ازالته من الـ Safe Mode ولكن الفيروس يوقفه ايضا
يعنى قفلهالى بالقفل والمفتاح وحصن نفسه

ومن ايام قليلة طرحت سؤال فى موضوع عن فيروس التاسك مانيجر وكيفية ازالته



وفى نفس الوقت كنت بدور فى كل المواقع عن حل سواء فى المواقع العربية او الاجنبية وللاسف كان كل موقع وله طريقة ويقدم مجموعة من البرامج ولقيت نفسى حائر بين سيل من البرامج التى تخص هذا الفيروس لدرجة انى جربتهم كلهم ولم تفلح معى واكرر معى لان ربما تكون جابت نتيجة مع غيرى

والغريب انى لقيت كثير من التساؤلات حول هذا الموضوع لمن سبقونى واصابهم هذا الفيروس وعلى سبيل المثال من داخل المنتدى وبرده كل واحده كان بيقدم حل مختلف
هذه تساؤلات لبعض اعضاء المنتدى لمن يريد ان يطلع عليها ربما تكون نفس المشكله عنده

1- ده كان تساؤل للاخ محمد جرامنة حول الفيروس بتاريخ ( 9/9/2007 )
https://www.damasgate.com/vb/t90510/

2- ويبدو انه لم يجد حل وفى اليوم التالى طرح نفس السؤال بتاريخ (10/9/2007)
https://www.damasgate.com/vb/t90608/

3- وده تساؤل للاخ 3ml3ml حول هذا الموضوع بتاريخ ( 26/9/2008)
https://www.damasgate.com/vb/t118850/

4- وده تساؤل اخر للاخ dr.hulk بتاريخ (28/9/2008 )
https://www.damasgate.com/vb/t119033/

5- وبعنوان اقوى فيروس فى العالم جاء هذا الموضوع بتاريخ ( 20 /12/2008 )
https://www.damasgate.com/vb/t126142/

5- وتساؤل اخر للاخ el_amtyaz حول هذا الفيروس بتاريخ ( 22/4/2009)
https://www.damasgate.com/vb/t140658/

ويبدو ان الفيروس لم ينته عند الاخ el_amtyaz ورجع يتسال مره اخرى بتاريخ (21/6 /2009 )
https://www.damasgate.com/vb/t147466/

6- وده تساؤل اخر للاخ n1amr بتاريخ ( 1/6/2009 )
https://www.damasgate.com/vb/t145028/


واذا لاحظتوا التاريخ هتلاقوا ان الغريب ايضا ان الفيروس ده موجود من سنة 2007 يعنى من سنتين وكل الشركات بتحاول تلاقي له حل


لكن الحمد لله الحل هنا ان شاء الله
الحل يا اخوانى فى ثلاث خطوات والجميل انه موجود فى بعض مواضيع الاخوه فى المنتدى يعنى ما خرجناش بره وزى ما بنقول فى مصر زيتنا فى دقيقنا وانا قمت بتجميعهم فى موضوع واحد لانهم بيكملوا بعض وعشان تتخلصوا من الفيروس تماما فى اقل من 10 دقائق وبنسبة 99.9 % جهازك هيكون نظيف باذن الله

ملحوظة :- لازم تتبع الثلاث خطوات لانك لو اتبعت خطوة وتركت الاخرى مش هتقضى على الفيروس


الخطوة الاولى : حل مشكلة الـTask Manager والـRegistry Editor والـ Folder Option


اتبع الرابط التالى هتلاقى ثلاث برامج باحجام صغيرة جدا بالكيلو بايت



صاحب الموضوع الاخ ( n1amr )


وانا برشحلكم الاداة الثالثة الخاصة بالكاسبر

الأداة الثالثة

Virus.Win32.Sality
أداة من شركة Kaspersky ضد الفايروس


ملحوظة :- الاداة دى هتحللك مشكلة التاسك مانيجر والريجسترى والفولدر اوبشن اللى بيختفى وبالتالى هتقدر تنفذ الخطوة الثانية


خلصنا الخطوة الاولى يلا ندخل على التانية


الخطوة الثانية : وفيها هنقوم بازالة فيروس اوتورن يدويا بدون برامج
من الرابط التالى



صاحب الموضوع الاخ ( oneman )

ملحوظة :- شكل الاوتورن فى عملية البحث هتلاقيه على هيئة فولدر وهو ده اللى هتمسحه

شوفتوا السهولة كده انتوا انجزتم 90% من المهمه والموضوع ما اخدش منك اكتر
من 10 دقائق وتبقى الخطوة الثالثه والاخيرة
اوعى يخونك ذكائك وتفكر انك بالخطوتين دول قضيت عليه
انت فعلا قضيت عليه لكن مش من جذوره يعنى لو اكتفيت بكده ممكن يرجع تانى


الخطوة الثالثة : بعد ما تنفذ الخطوة الاولى والتانية هتنزل ويندوز جديد وده طبعا لضمان الـ 99.9% اللى قولتلكم عليهم هههه واول حاجه تعملها تنزل انتى فيروس
وانا برشحلك دول

Avira AntiVir Premium 2009 V1.00.20.00 + license till 2011

من الرابط التالى



صاحب الموضوع الاخ ( fa_s2009)

او

Kaspersky Antivirus/Internet Security 2010 build 9.0.0.463

من الرابط التالى




صاحب الموضوع الاخ ( larbi2 )

ملحوظة مهمه جدا جدا جدا: اوعى تفتح اى بارتيشن بعد الويندوز الجديد ونزل الانتى فيروس من النت او من اسطوانه لضمان عدم تنشيط ما تبقى من فيروسات ( طبعا ما اقصدش بالفيروسات دى اوتورن او التاسك مانيجر لانهم اتشالوا فى الخطوة الاولى والتانيه لكن اقصد الفيروسات العاديه وللتاكيد اعمل سيرش زى ما الاخ ون مان شارح ومش هتلاقيهم ان شاء الله )
بمعنى اخر ياريت تخلى شغلك كله وكل برامجك اللى هتنزلها على سطح المكتب


شوية برامج هتحتاجها
طبعا لو هتنزل الانتى فيروس من النت ويستحسن تنزله ويكون فى ملف مضغوط يبقى انت محتاج برنامجين
الاول: برنامج دونلود مانيجر لتسريع التحميل وده هتلاقيه فى الرابط التالى وهذه النسخة بدون كراك وانما تستطيع ان تسجلها باسمك


Internet Download Manager 5.17 B2 بدون كراك وبدون باتش وبأسمك



صاحب الموضوع الاخ ( feelunion )



البرنامج الثانى : وهو برنامج فك الضغط الوينرار



ملحوظة اخيره : بعد ما تنزل الانتى فيروس ما تفكش الضغط عنه وانما اعمله سيت اب وهو مضغوط بمعنى انك تيجى على الملف المضغوط وتضغط عليه دبل كليك او كليك يمين و open وبعدين تعمل سيت اب


بعد السيت اب اعمل ابديت وماتنساش تظهر الملفات زى ما الاخ ون مان شارح اعمل سكان ومبروك عليك الـ 99.9% نظافة تخلص من فايروس Autorun Task Manager Registry Editor Folder Option بثلاث خطوات
طبعا انا بقول الملاحظات فى الخطوة الثالثة دى لضمان انك ترجع جهازك زى ما كان وكأنه راجع من المصنع


وفى النهاية احب اشكر اصحاب المواضيع السابق ذكرهم وكمان احب اتوجه بالشكر للاخوة الافاضل اللى طرحوا عليا ارائهم واهتموا بمتابعة مشكلتى مع الفيروس فى الموضوع الاول وهم
خادم المسلمين و pallove و هانى هاشم و (سجين المعاناة)

وبجد انا بحب المنتدى ده جدا لانى بحس فيه بروح التعاون ما بين اعضائه وان كلنا فريق عمل واحد.....


وبكده اكون انهيت الشرح والموضوع واى استفسار انا فى الخدمةتخلص من فايروس Autorun Task Manager Registry Editor Folder Option بثلاث خطوات




04-07-2009, 01:59 PM
waleder
الوسـام الماسـي
رقم العضوية: 57509
تاريخ التسجيل: Oct 2006
المشاركات: 5,116
 
الاصعب من كل هذا فيرس لعين باسم win32:virtob فهو خاص بالمواقع الاباحيه (يقوم بالتوجيه اليها أو ارسال لينكاتها الى اصدقائك )

وللاسف النود لم يتعرف عليه
وافضل برنامج انا استخدمه الان هو الافست لانه استطاع ان يخلصنى منه وايضا بسبب طريقة الاسكان التى يقوم بها

تحياتى

04-07-2009, 02:38 PM
el_amtyaz
عضو محترف
رقم العضوية: 78464
تاريخ التسجيل: May 2007
المشاركات: 655
 
شكرااااا
الموضوع رائع وجميل
وشكراااا

04-07-2009, 03:17 PM
New star
مدير عام ومؤسس بوابة داماس
رقم العضوية: 1
تاريخ التسجيل: Mar 2003
الإقامة: SYRIA
المشاركات: 26,979
 
بارك الله فيك أخي الكريم

04-07-2009, 03:24 PM
أحمـــد
الوسـام الماسـي
رقم العضوية: 217691
تاريخ التسجيل: Jan 2009
الإقامة: EGYPT - MANSOURA
المشاركات: 2,703
 
بارك الله فيك أخى العزيز


إن شاء الله يفيد هذا الموضوع الأعضاء الذين يعانون من مشكلتك السابقة

تحياتى

04-07-2009, 04:05 PM
lost_soul
الوسـام الذهبي
رقم العضوية: 107389
تاريخ التسجيل: Feb 2008
المشاركات: 2,084
 

بارك الله فيك أخي الكريم

04-07-2009, 05:00 PM
m_mhammed2010
عضو مميز
رقم العضوية: 36216
تاريخ التسجيل: Mar 2006
المشاركات: 305
 
بارك الله فيك أخي الكريم

04-07-2009, 05:46 PM
iayd
عضوية الشرف
رقم العضوية: 35803
تاريخ التسجيل: Mar 2006
المشاركات: 7,523
 
السلام عليكم ورحمة الله وبركاته

بارك الله فيك اخوي ... تقبل تحياتي

04-07-2009, 07:41 PM
oneman
عضوية الشرف
رقم العضوية: 69913
تاريخ التسجيل: Mar 2007
المشاركات: 5,720
 
بارك الله فيك اخي الكريم ... مروان
موضوع وشرح اتمنى من الجميع قراءته بشكل وافي

تقبل تحياتي لك

04-07-2009, 07:50 PM
Usama baZ
مشرف عام
رقم العضوية: 64128
تاريخ التسجيل: Feb 2007
الإقامة: Riyadh
المشاركات: 6,096
 
بارك الله فيك أخي الكريم
اضافة طيبة منك
بالتوفيق....





Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.