عند البنات كا ما تسأل واحده يا حلوه متجوزتيش ليه وليه ما وافقتيش على

العريس اللى اتقدملك . تقولك ما ارتحتش وبعد ما تطلع فيه القطط الفطسانه

ترزع جملة " هو فى رجاله اصلآ "

وسعوا شويه كده .. عزيزاتى الانسات , مصر مليانه رجاله لدرجة ان مبقاش فيها بنات اصلآ

ايووون ... مصر مفيهاش بنات واللى مش مصدق يجى ورايا للسطور اللى تحت

بتعرفى تطبخى يا حلوه ؟..

اعتقد ان معظم الشباب المتجوز حديثآ بيعانى من المشكله دى لان الست هانم

ملهاش علاقه بالمطبخ لانها كانت مشغوله فى السنين اللى فاتت من عمرها

بال make up والمرايه وسماع اسامه منير لتكون النتيجه بعد الجواز وفور دخولها المطبخ

رز شايط .. ومكرونه محروقه .. وفرخه مغسوله بالرابسو

ياريت المسأله تنتهى عن كده .. لأ .. دا فيه غرامات ماديه مش بس الخساير اللى حصلت

فى المطبخ لكن كمان فلوس اكل التيك اواى اللى هايجى من بره والميزانيه تضرب

يعنى اتجوزتك يا حبيبى عشان تعينى لقيتك خربت بيتى , واوعوا ان الضعف العام

اللى بيعانى منه الطفل المصرى بسبب الفقر بس , صدقونى السبب الرئيسى

ان الامهات الشابات مبيعرفوش يعملوا اكله عدله لا للراجل ولا للبيبى

طيب ..
تعرفى يا حلوه تعملى ميزانيه

الحق يقال ان معظم بنات اليومين دول شطار فى عمل ميزانيه لل make up

وسى ديهات عمرو دياب واليسا وتامر حسنى والبرفانات وممكن تكون رومانسيه قوى

فتربيلها فى البيت قطه .. والقطه عايزه اكل او سلحفاه والسلحفاه سخنت عايزه دكتور

وتلاقيها مهتمه بالورد .. يعنى يعيش الورد والسلحفاه والقطه ويموت الراجل من الجوع

" انت مش مهتم بيا " شعار خراب البيت على ايد الاموره الشابه يبدأ من هنا

وعلى شاكلته " انت ما بتحبنيش زى الاول " ..

ومن هذه الجمل الشاب المسكين يحاول ان يثبت للهانم انه مهتم بيها وانه بيحبها

سينما يالا .. مصيف يادوب نلحق .. الشهر اللى جاى يومين فى شرم وبسبب الاثبات ده

غالبآ ما بيتفصل من شغله المسكين .. ولو ما حاولش يرضى الحلوه تلاقيها رافعه عليه

قضية خلع , الله يرحمك ياست امينه يا اميره يابنت الامرا ويرحم ايامك اللى كنتى بترضى

فيها بأى حاجه وعمرك ما قولتى مش مهتم بيا .

ثم فين البنت النهارده اللى تقدر تستحمل ظروف الشاب ؟.. وتقدر تحافظ على اسرار

الراجل من غير ماتنشرها ويلاقيها تانى يوم عند صاحبتها مديحه وانتيمتها رشا وزميلتها نهله

ثم ايه حكاية " استكلالى ومشاعرى .. واحساسى .. وشخصيتى "

فين ايام امهاتنا وجداتنا اللى كانت الواحده منهم ستر وغطا على راجلها ..

تعرف تحافظ على بيتها وتربى ولادها .. وتخفف على جوزها مشاكل شغله وتوفر له

الراحه والهدوء وتستناه بالميه السخنه والملح ... مش عايزين ميه سخنه بس عايزين زوجه عدله

بذمتكم .. الشاب مننا يتجوز مين ؟.. ويروح ليه لواحده تحرق دمه .. شبكه وشقه

والفستان بتاعى .. اصل انا عايزه فرحى يتحكى بيه

دا لو دفع فيها 50 جنيه وهى بالمواصفات اللى فاتت دى تبقى واقفه عليه بخساره

اعزائى الانسات حلال فيكم العنوسه .. ومبروك عليكم اللقب وزيادة العدد .

اصبر ولك الجنه

والله كلامك صحيح
بس ضيف على كده كمان الحاله الماديه ومغالات الأهالي في الطلبات
من أسباب العنوسه

صح لسانك

انا عند حل جميل
كل الشباب تروح تتجوز من الصعيد ....... هو دا الحل
بيعشوا ومبيخسروكش حاجة وبتعرف تطبخ وتكنس وتعمل كل حاجة ومش بتقول اى حاجة من انتة قولتة دى خالص
هههههههههه

وعليكم السلام ورحمة الله وبركاته

وحضرتك بألف صحة وسلامة .. كل سنة وحضرتك طيب شكرا

يا عم مو في مصر بس
في كل بلا العرب
بعد ما ِتنكَرْ كر ال...................:clos e:
و تقسط فيها حتى تكسر ظهرك كأنها سيارة
تجي و تقول لك مبعرفش
يا عم الله يعين الرجالة و الله هم( الخشنين ) الستات
و احنا النواعم

تراني لسى ما انضربتش
بس شكلي رح .....

May allah keep you dear
thank's a lot