منتديات داماس


Moved to new forum, Click Here to register

لغز كمبيوتر ... كيف تظهر الأسماء المختفية للمصغرات Thumbnails


كمبيوتر الأسماء المختفية للمصغرات Thumbnails

عجبي على دنيا عجيبة ... بتغوص و بتعلي

عبثية ســــــيرة اهلها ... لا اقول و لا تقولي

هي العجــــايب كلها ... ما تضغطيش يا اللي

نهشتي قلبي بســــــنانك ... و ليــه مناك ذلي

عمري ما هاخضع لغيره ... سبحانه متجلي

كـــــرم عباده كلهم ... نظــــــــرة يا متولي



كمبيوتر الأسماء المختفية للمصغرات Thumbnails


أما الهدية النهار دا ... ها يقولـــــــها حكواتي

ميكانيكي يلعب بالحجر و البيضة ... قــرداتي

كتكوت ها يطلع يبتسم ... يلحس ملفـــــــــاتي

في لحظة يخفي الاسامي ... و يسيبك بقى تهاتي

و بدون ما ترمش بعينك ... تلقى اللي راح أتي


فسر كلامك يا أسطى ... احضرنا يا بخــاتي

ما تقول يا اسطى و فسر ... طيرت نفوخاتي


يا ابو العزيزة سحر ... ها اشرح و اقول على طول

افتــح مجلد و ابتسم ... و اعطيها طبقين فــــــــول

و احبس بشاي ام حسن ... على قهوة رجب بهلول

يا واد يا بلية بالعجل ... رص الكراسي و قــــول

كل الحبايب يحضروا ... ف الورشة و انا مسئول

اسطى .. معلم ... او صبي .. ييجي معاه كشكول

شرح النهار دا مختلف ... سلطاني .. مش معقول


يا بلية اقعد قصـــــادي ... كل اللي اقوله تعمله

و اللي ها يرمش بعينه ...هاتهولي و انا ابهـدله

افتح مجلد يا ولد ... املاه و ما تعــــــــــــد له

جواه مجلد و صورة ... من كل نوع حمــــله

الوقتي صحصح معايا .. الحاوي جهز جدوله




حلوة صلاة النبي .... أصل الجراب ملــــــــــــــــــــــيان

على Shift و اضغط يا ولد ... و View تدوسها كمان

و Thumbnail تتنقر .. عجبي على اللي كـــــــــــــان

كل الاسامي اختفت ... يمكن محاها الجـــــــــــــــــــان

يا اسطى حصلت معانا ... و قرينا لها الفنجـــــــــــــــان

راحت كل الأسامي ... من يومها ف خبر كـــــــــــــان

ما تقول يا سطى و دلنا ... القلب بقى تعــــــــــــــــبان


يا واد يا بلية حلها ... حاضر يا أسطى ها احــــــــــــل

ها اروح View مرة تانية .. و اضغط Detail و أفل

Icon و List و Tiles .. أي واحدة تحــــــــــــــل

و السر جاي خللي بالك ... من تاني Shift يا خـــل

و على View مرة تالته .. و Thumbnails يا ول

ول يا ول يا ول يا ول

و الأسطى بتاعنا غلب الكل

المواضيع المشابهه

أرخص سماعة الاذن الطبية اليجتال المختفية تماما بجودة عالية دون تشويش تركيب مجانا

فرصة من الرحمة ميديكال لضعاف السمع سماعة الأذن المختفية تماما

كمبيوتر بتتيوم 4 كل ماسطب ويندوز وقبل اختيار البارتشن السى تظهر شاشة زرقاء

موسوعة بيان الأسلام خلاصة لخبرات علماء الأسلام سلفاً ومعاصرين


يا هلا يا هلا ... مين عندنا النهاردة المعلم الكبير النسر الكاسح
نورت البوابة استاذى العزيز و انا مين زمان متشوق ان ارى مواضيعك و اخيرا قررت وضع هذا الموضوع المفيد لكن الاحلى هو وجود بيننا
تقبل كل تحية و تقدير


بعد التحيه
"ديغتال صلاح جاهين "

ول يا ول يا ول
النسر الكاسح حبيب الكل
اهلا وسهلا بك


^_^

و لكن هذا ليس مكانها


أهلا و سهلا بأخى النسر الكاسح نورت المنتدى و للعلم أنا أعرفك كويس


المشاركة الأصلية كتبت بواسطة ahmdatef
أهلا و سهلا بأخى النسر الكاسح نورت المنتدى و للعلم أنا أعرفك كويس

المنتدى منور بناسه من زمان


و انا كمان اعرفك من زمان

و انا متاكد انك الوقتي عارف انا مين و انا مين كمان

بس انا مين تانيين لسه ما تعرفهمش


المشاركة الأصلية كتبت بواسطة النسر الكاسح
المنتدى منور بناسه من زمان
و انا كمان اعرفك من زمان
و انا متاكد انك الوقتي عارف انا مين و انا مين كمان
بس انا مين تانيين لسه ما تعرفهمش
أخى محمود نتمنى ألا تحرمنا من وجودك معنا و امتاعنا بمواضيعك المميزة
أدوات الموضوع

الانتقال السريع

DamasGate Engineering Community