منتديات داماس


Moved to new forum, Click Here to register

ترميم ثالث

السلام عليكم ورحمة الله وبركاته

احنا اسرة عايشين في منزل إيجار قديم، العمارة كان جايلها قرارين ترميم من فترة، أحدهما... (منذ سنوات).. بسبب ماسورة مياه ومفارقة العمارة بشكل بسيط نتيجة هذا الأمر، ولكن تم عمل الإصلاحات قدر المستطاع بالداخل والمنزل في الفترة الأخيرة كان فيه مشكلة في شخشيخة البيت (سقف بير السلم) .. ، في اليوم الأول انتهى ازالة الشخشيخة القديمة وأمس انتهت عملية الصب....في مساء اليوم الثاني جه حد من الحي يسأل عن الأخشاب المنصوبة وعن المسئول لأنه جتلهم إشارة انه حد من الدور الأخير، ولما سألنا مين مرضاش يقول واكتفى انه علشان يتعمل محضر...دا بالنسبة لوضع البيت

حيثيات الموضوع ان السكان كلهم مِلك وبنسبة قراريط بين قيراطين وثلاثة، إلا شقتين احنا منهم إيجار قديم، وصاحب العمارة الذي يمتلك 9 أو 11 قيراط لا أذكر، رفض منذ البداية أن يمضي على حاجة ليها علاقة بالتصليح
راح ناس من العمارة للحي علشان يشوفوا التصرف يبقى ازاي ففيه ناس اشارت عليهم بالاصلاح وان صدور قرار تالت بالترميم يعني قرار هدم والعياذ بالله، المهم في خلال الفترة دي السكان كانت بتتشاور علشان يجيبوا مقاول أو حد يصلح، وفي خلال المدة دي حصل كلام من صاحب العمارة وأحد السكان عن البيع لأحد المقاولين، وعرض صاحب العمارة على أحد السكان ليبلغنا اننا نطلع مقابل اننا نرجع تاني بعد البناء، فالوالدة بلغت الساكن الوسيط اننا نفضّل السكن في مكان آخر لصعوبة الإنتقال مرة أخرى خاصةً ان حالة الوالدة الصحية وسنها لا يسمح بالنقل أكثر من مرة..وكذلك كان ردنا مع عرض المقاول الذي جاء به نفس الساكن الوسيط...

مكنش فيه رد لفترة فبدأ العمل في الشخشيخة خشية أن يحدث شيء خاصة مع دخول الشتاء بمعرفة الساكن الوسيط اللي قاللي امبارح ان صاحب العمارة عامل فيه محاضر ومش ساكت...(الساكن الوسيط دا مالك للشقة مع قيراطين)

محتاج أعرف موقفنا احنا كسكان ايجار قديم في وضع البيت الحالي، يعني ممكن الحي يبعت لجنة تعاين؟ وهل ممكن يحصل تلاعب مع اللجنة دي بالرشوة علشان يثبتوا بالأخشاب المنصوبة دي أو أياً كان ان البيت محتاج لقرار هدم وانه خطر؟
البيت كويس والحمد لله - بناء الستينييات تقريباً - لكن مش عارف ايه اللي ممكن على أساسه يطلع قرار هدم والعياذ بالله خاصةً وان صاحب البيت يسعى في الموضوع دا وانه أخبر الساكن الوسيط انه عاوزه يقع علشان ميجبش حاجة للشقتين دول..

وممكن نعمل ايه في حالة لو جه حد وخبط أو سألنا على حاجة زي امبارح؟

أرجو الرد العاجل منكم مشكورين

السلام عليكم

المواضيع المشابهه

طلب ترميم مبنى إسلامي

ترميم البيوت

ترميم الصور القديمة


مسألة الهدم مش سهله .. وكل ما هناك ان عليكم جميعا التوجه لمحامي .. كي يسير معكم في الاجراءات
وطالما المنزل ليس به مشاكل انشائيه فلا يمكن لاحد ان يفعل شيئا ولكن احتياطيا يجب السير بالطريق القانوني ..

شكرا
أدوات الموضوع

الانتقال السريع

DamasGate Engineering Community