قديم 04-11-2017, 09:00 PM
ashrafsat07 غير متصل
عضو فعال
رقم العضوية: 325070
تاريخ التسجيل: Feb 2010
المشاركات: 172
تلقى دعوات الى: 0 موضوع
تلقى دعوات الى: 0 موضوع
إعجاب: 0
تلقى 28 إعجاب على 20 مشاركة
مستوى التقييم: 6
عشان انت مصرى .. احمد فؤاد نجم



عشان انت مصرى .. احمد فؤاد نجم


عشان انت مصرى .. احمد فؤاد نجم

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف




ashrafsat07 تلقى إعجاباً من,
المواضيع المشابهه
الموضوع كاتب الموضوع المنتدى مشاركات آخر مشاركة
هما مين و إحنا مين ....أحمد فؤاد نجم ashrafsat07 منتدى الشعر العربي والخواطر والنثر 3 26-10-2017 10:22 PM
ديكور مسرح - عروض مسرحية - تجهيز مسرح في اسطنبول سمارت ميديا smartmedia القسم الاعلاني المنوع 0 08-11-2016 10:22 AM
الاعمال الكاملة للشاعر احمد فؤاد نجم Ahmed Nbeh مكتبة اللّغة العربيّة وآدابها 10 21-09-2015 04:59 AM
فؤاد حداد و احمد الهمامى hatemhossam منتدى الشعر العربي والخواطر والنثر 2 27-04-2010 10:54 PM
العبد لله / أحمد فؤاد غيث أحمدفؤاد المنتدى العام 9 24-11-2007 02:41 AM
 
قديم 11-11-2017, 05:37 PM
محمود عبدالمنعم غير متصل
عضو جديد
رقم العضوية: 973751
تاريخ التسجيل: Jul 2017
المشاركات: 5
تلقى دعوات الى: 0 موضوع
تلقى دعوات الى: 0 موضوع
إعجاب: 0
تلقى إعجاب 1 على مشاركة واحدة
مستوى التقييم: 0



رحمة الله عليه
Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.
DamasGate English