منتديات داماس


Moved to new forum, Click Here to register

اجراءات تجديد القيد العائلى للتجنيد

تجديد القيد العائلى



الاوراق المطلوبه كما يلى :

1- استخراج قيد عائلى (( لتانى مره )) - ودا بدون اى اجراءات كل اللى مطلوب الرقم القومى للاب صوره بطاقه او صوره شهاده ميلاد عشان الرقم القومى بس -- وتسأل على شباك القيد العائلى لتانى مره -- اول الموظف ما يكتب الرقم القومى على الكمبيوتر هظهر له القيد العائلى اللى انت كنت عامله قبل كدا ** خد منى تقريبا 25 جنيه واستلمت القيد وانا واقف على الشباك **

2- اثبات قيد من الكليه لاخى انه انه مقيد عندهم وانه لسه فى الدراسه ** مكتوب فى القيد موجه للتجنيد **


3- صوره من شهاده التأجيل بتاعتك ** مش مهم الاصل **


4- صور البطاقه بتاعتك صورتين عشان متقفش فى طابور التصوير



------------- بس كدا دى كل الاوراق المطلوبه ------------

هتاخد الاوراق دول بقى وتطلع على العامريه ** مواعيد العمل تقريبا من 7 الصبح لغايه الساعه 2 الضهر **

المهم هتدخل على شباك الاستعلامات فى الاول دا اجبارى طبعا مينفعش تدخل جوه غير لما تعدى على شباك الاستعلامات
الراجل بتاع الاستعلامات هيقولك انت عايز ايه ..... ؟
انا قولتله عايز اجدد القيد العائلى
قالى ماشى ادخل جوه على شباك رقم 2 اسمه شباك المراجعه
من الاخر وظيفه شباك الاستعلامات انه يقولك روح فين بالظبط علشان متلفش كتير على الفاضى






- المهم هتدخل علي شباك المراجعه هياخد منك صوره شهاده الجيش وهيكتب الرقم بتاعها على الكمبيوتر علشان يتأكد من موقفك التجنيدى ( من الاخر بيستعلم عنك ) يادوب دقيقتين
وبيسألك تانى انت عايز ايه ... ؟ طبعا تجديد القيد العائلى
بيقولك ماشى بيديك (( ----- مظروف موجود جواه ورقة كدا لونها اصفر تقريبا -- ومعاها كتاب صغير كدا لونه احمر -- وقلم جاف ---- وصل صغير كدا انك دفعت 30.5 ثلاثون جنيها ونصف ))
سياتك بقى هتعمل ايه هتاخد المظروف دا وتملى الورقه اللى لونها اصفر دى
اسمك -- وعنوانك --- تاريخ ميلادك --- رقم البطاقه --- مكان صدورها --- رقم البطاقه العسكريه (موجود معاك فى شهاده التأجيل)


بعد ما تملى الورقه دى لملى بقى كل اوراقك فى المظروف
- الوصل ابو 30.5 ( اوعى يضيع منك )

- الكتاب الاحمر الصغير دا (مش عارف دا بتاع ايه بس واضح من شكله انه مهم ) اجراءات تجديد القيد العائلى للتجنيد

- الورقه الصفرا اللى انت لسه ماليها

- صوره من شهاده التأجيل بتاعتك

- اصل اثبات القيد

- اصل القيد العائلى

- 2 صوره بطاقه شخصيه

خد بقى الظرف دا كله كدا بأوراقه وروح على مكتب خدمه المواطنين بتاع المراجعه هيشاورلك عليه متخافش مش هتلف

هتدخل المبنى بتاع خدمه المواطنين دا هتلاقيه شبه البنك كدا هيديك وصل فيه رقم دورك تاخد الوصل وتقعد تستنى شويه وبعدين اول ما تسمع رقمك روح للشباك اديلو الدوسيه وملكش دعوه بحاجه هيستلم منك الدوسيه ويديك وصل انه استلم منك الورق وهيقولك الكلمه الشهيره اجراءات تجديد القيد العائلى للتجنيد روح بقى استنى فى المظله اجراءات تجديد القيد العائلى للتجنيد من الاخر كدا هتقعد فى المظله من اقل من ساعه انا عن نفسى استنيت 3 ساعات

المهم جه العسكرى ومعاه شهادات كتير وقعد ينادى على الاسماء بس وبعد 3 ساعات خت الشهاده وروحت البيت نمت اصل بصراحه الجو كان برد اوى هناك اجراءات تجديد القيد العائلى للتجنيد

المواضيع المشابهه

مشكلة فى القيد العائلى

تجديد القيد العائلى

غلط في القيد العائلي للجد


كل الشكر يا غالى على مشاركة تجربتك .....
أدوات الموضوع

الانتقال السريع

DamasGate Engineering Community