منتديات داماس


Moved to new forum, Click Here to register

رسالة عاجلة الى الاستاذ mano3 ارجوالرد في اسرع وقت

السلام عليكم ورحمه الله وبركاته

بداية انا شوفت استشارات قانونية ليك عن قيد الميلاد وشوفت ان كان عندك شهادة ميلاد متسجلة ليك انك مواليد مصر وانت مواليد الخارج (الامارات)

انا عندي نفس المشكلة انا مواليد الخارج (فلسطين ) وجدتي المصرية سجلتني اني مواليد مصر

انا فلسطيني الاصل ومعايا جنسية مصرية (يعني مزدوج الجنسية) بس قيد الميلاد غلط

وابويا طلع ليا بطاقة مصرية وشهادة الجيش الاعفاء على فكرة انا (مش) طلعت جواز مصري (كله طلع اني مواليد مصر ) مش الخارج

خلصت جامعة من فلسطين وشهادتي مواليد وورقي صح بتاع فلسطين الجامعة والثانوية الغلط كله في مصر

كلمت الاساتذه المحامون وعلى رأسهم الاستاذ جمال في المنتدى قد افادني بما عنده من علم .(جزاه الله خيرا)مشكور على ماقدمه

الخلاصة // انا بكلمك بما انك مريت بالتجربة ديه فياريت تشاركني اعمل ايه هل استطيع التعديل ولا هدخل في مسالة قانونية

في حاجة انا مش ليا ذنب فيها

انا بقالي سنة ونصف في ضيقة لا يعلمها الا الله

ارجو الرد وشكرا

المواضيع المشابهه

رسالة عاجلة إلى من يسمع النداء !!

رسالة عاجلة جداً من الدانمارك

رسالة عاجلة الي ابني

رسالة.....عاجلة.........لابني.........


مرحب بيك صديقي, الموضوع هيبقى متعب شويه لانها كلها اجراءات بحث جنائي بس مجرد ما تخلص موضوع البحث الجنائي و الجنائي و تخلص من قصة المباحث خالص هيفضلك تسجيل القيد الجديد بالرقم القومي الجديد, المسائله القانونيه لو الجده عايشه في خطر عليها طبعاً لانها هتتسائل ليه سجلتك مواليد مصر بخلاف الحقيقه وكده بتدخل في قضية تزوير لو المبلغ بواقعة الميلاد متوفي يبقى الموضوع خلصان


على فكرة الجدة متوفية عام 2009

ولو تلاحظ انا كاتب فوق اني فلسطيني الاصل ومكتسب الجنسية المصرية

وخدت الجنسية بعد الثورة زي اي فلسطيني ...تمام

المشكلة ان الوالد هو اللي قدم في الجنسية (مجمع التحرير)... وانا مش كنت أعرف حاجة عن الجنسية لاني قاصر (تحت السن القانوني سن الرشد 21)
فأنا بسألك.كده خطر على الاب ولا مين بالظبط

هو انا عليا ضرر لقدر الله حبس ضرر او شئ معين

انا بسألك لانك مريت بحاجة زي كده

هو انت حصلك ايه وانت ماشي فالاجراءات هل مثلا دخلت في مضايقات من الشرطة ؟؟

ياريت تجاوبني عن كل الاسئلة .الله يكرمك


انا مريت بالموضوع ده بس في اختلاف ان انا مصري مواليد الخارج ومعايش جنسيات تانيه بس واقعة الميلاد تم ابطالها واثبات الواقعه الاصليه ودي ترتب عليها الغاء الرقم القومي و اصدار رقم قومي جديد, وكل الورق اتصلح بعد كده, لكن مادخلتش في قصة الجنسيات خالص ومعرفش ايه ابعادها


هو خد منك وقت اد اية للتعديل

وسؤال لو سمحت وضحة انا مش فاهمه وهو
الجده متوفيه واللي قدم ابويا
المسائله القانونيه لو الجده عايشه في خطر عليها طبعاً لانها هتتسائل ليه سجلتك مواليد مصر بخلاف الحقيقه وكده بتدخل في قضية تزوير لو المبلغ بواقعة الميلاد متوفي يبقى الموضوع خلصان

تقصد بايه خلصان ؟؟خلصان ازاي؟؟؟


اللى اقصده لو المبلغ عن واقعة الميلاد متوفي بيتم حفظ المحضر في النيابه ومتبقاش قضية في المحكمة, التعديل خد وقت مني اكتر من 7 شهور لان تحريات البحث الجنائي و المذكرات اللى بتتكتب وتتبعت للسجل المدنى بتاخد وقت بعدها بيتم ابطال القيد و ايقافه من الحاسب يعنى تيجي تستعلم على الكمبيوتر عن الميلاد يلاقي القيد موقوف على الحاسب ساعتها تسجل القيد الجديد


استاذ mano3 هسألك كذا سؤال وياريت يتسع لصدرك للاجابة في توضيحهم بما انك مريت بواقعه مشابهة لواقعتي

اولا/من المتحمل للمسؤولية الجنائية في هذه القضية؟

انا ولا الجده المتوفيه ولا الوالد(اللي قدم للجنسية)

ثانيا/انت حصلك شئ ؟حبس او غرامة او او او

ثالثا/اتغير عندك شهادة التجنيد بالرقم الجديد؟؟ وايه كان موقف القوات المسلحة بخصوصك؟

ملاحظة /انا الوالد طلع البطاقة عادي وكذلك شهادة الاعفاء النهائي من التجنيد (ومش طلعت جواز سفر مصري)

اتمنى تجاوبني على الاسئلة لان والله مش عارف ادرس جامعة (دراسات عليا ) وامور حياتي بشكل عام
وانت اكيد عارف الروتين في المصالح الحكومية


اللى يتحمل المسئوليه الجده لو عايشه طبعاً, لكن بما انها متوفيه فبيتم حفظ المحضر والوالد اشتغل على الورق اللى عملته الجده فبردو ملوش علاقه بالموضوع, وانا محصليش اي حاجه لان العم هو اللى بلغ عن واقعة الميلاد فانا خارج القصه تماما, اما بخصوص الجيش فهما بيتعاملو بالورق اللى بيجي من الداخليه فبردو ملهومش دخل هما هيمشوا على اللى هيقول عليه السجل المدنى, ارجو اني اكون جاوبتك بوضوح


انت عمك المبلغ (متوفي)؟؟؟
صراحة انت جاوبتني بوضوح.

طيب دلوقتي انت جاوبتني واستاذ جمال كان يجاوبني صراحة انا بقيت في حيرة .
وقال لي لاتثير الموضوع مع الداخلية وقالي تعامل بالورق

وقال لو حصل حاجة دافع عن نفسك على قد ما تقدر

وانت بتقول الجده تتحمل المسؤلية .طيب. بوص انا مش هعقد الامور .ما هو ممكن الشرطة تقول للوالد انت قدمت الورق ويدخل في مسائلة.بس هو ما بيعرف الامور هتعقد كده
لدرجة اني قولت انا مش عاوز جنسية وهتنازل


انت ذكرت فوق

اما بخصوص الجيش فهما بيتعاملو بالورق اللى بيجي من الداخليه فبردو ملهومش دخل هما هيمشوا على اللى هيقول عليه السجل المدنى؟؟؟
يعني ورق اتغير ولا حصل لك ايه في الجيش

بوص انا سألتك كذا سؤال ياريت تجاوبني وبارك الله

انت عندك كام سنة ؟بسألك لاني خلصت جامعة من فلسطين وجيت اكمل في مصر مش هينفع لان محل الميلاد الصح في شهادة الجامعة ولو هكمل في مصر مش ينفع لان البطاقة مواليد مصر


لا الجيش عادي خدت شهاده معافاه جديده بالرقم الجديد والدنيا مشيت كويس, انا مقدرش اقولك تعمل ايه و ماتعملش ايه, كل الموضوع ان قيد الميلاد بيتلغي وبيتسجل القيد الصحيح بس انت دخلت في موضوع جنسيه دي هتبقى قصة تانيه, انا اللى سهل موضوعي ان عمي متوفي فمحدش حصله ضرر والدنيا مشيت والامور خلصت انا عندي 29 سنه وعدلت كل اوراقي بما فيها شهاده التخرج.
أدوات الموضوع

الانتقال السريع

DamasGate Engineering Community