منتديات داماس


Moved to new forum, Click Here to register

3 اسئلة بخصوص شقة إيجار قديم

بإختصار والدي كان واخد شقة ايجار قديم واتجوز فيها وخلفنا أنا واخويا فيها وبعد وفاته بعد 25 سنة من جوازه في الشقة المؤجر استغل حالة الانفلات الامني الشديد اللي في البلد وقفل البوابة ومنعنا من دخول شقتنا اشتكينا وحصلنا ع قرار تمكين من المحامي العام وتم التنفيذ بالقوة بواسطة الشرطة وبعد منعنا من شقتنا اجرنا شقة برا بايجار جديد ونفذنا قرار التمكين بعد اكثر من سنة تقريبا منذ منعنا وبداية شكايتنا واحنا بندفع الايجار في
المحكمة بالسنوات دلوقتي لشقتنا وقافلينها ومش عايشين فيها لظروف خاصة . لي 3 اسئلة ارجو الرد علي كل جزئية فيهم لو تكرمت وهما : الآتى



السؤال الاول : لما قمنا بدفع الايجار في المحكمة المحضر كتب ان المكان مغلق ووضع الفلوس في خزينة المحكمة مع العلم ان مكان المؤجر مش مغلق ولا حاجة وكمان المؤجر نفسه قالي ان هو رشى المحضر علشان يكتب ان المكان مغلق وبالتالي المؤجر يعمل انه ميعرفش حاجة وان الايجار مش وصل ليه ويقتحم الشقة بتاعتنا ( ملحوظة هو قادر ع اقتحام الشقة بواسطة بلطجية اقاربه ) فهل اعمل ايه وهو محترف رشاوي لاي حد علشان ميكونش ليه اي حجة امام القانون ؟

السؤال الثاني : ماذا لو اقتحم الشقة وهي في حيازتي بقرار التمكين والايجار مدفوع في المحكمة لمدة 5 سنوات قادمة وما هي عقوبته القانونية في هذه الحالة ؟

السؤال الثالث : هل يجوز لي رفع قضية تعويض عن السنة اللي اتمنعت فيها عن الانتفاع بشقتي رغم اني كنت دافع ايجارها واتكلفت مصاريف واتعاب محاماة علشان احصل ع قرار تمكين وكمان دفعت ايجار شهري 500 ج ومعايا عقد الايجار اي أني دفعت ايجار فقط في السنة دي 6 آلاف جنيه غير اتعاب المحامي ومصاريف قرار التمكين ؟ وهل هيتحكم ليا بمبلغ كويس ولا هدفع اكتر من اللي هاخده ؟ وكم مدة هذه القضية ؟

ارجو الرد ع كل جزئية من اسئلتي لو تكرمت وجزاك الله كل خير

المواضيع المشابهه

شقة إيجار قديم

التنازل عن شقة إيجار قديم

أرجو المساعدة بخصوص شقة إيحار قديم


السلام عليكم

يمكنك يا غالى أن تنزل مع المحضر عند تسليم
انذار العرض فى المحكمة ليام الاعلان بحضورك
وهذا اسمه ( الاعلان بالإرشاد ) .......
وبالرغم من ذلك فإن عدم استلامه للانذار السابق
وكتابة المحضر أن المكان مغلق هو اعلان قانونى
مائة فى المائة وكأن المالك استلم الانذار بالفعل .......

واذا اقتحم الشقة يمكنك تنفيذ قرار التمكن مرة أخرى
وتحرر له جنحة دخول مسكن بالقوة واغتصاب حيازة
وهذه عقوبتها الحبس ..........

يمكنك اقامة جنحة مباشرة الان عن اغتصاب الحيازة
والادعاء المدى فيها والمطالبة بالتعويض المادى والأدبى
عن كل ما تكلفته من مصاريف ...
لأن هذه الجنح لا تأخذ وقت كبير ....
وتكون رادعا له لعدم تكراره مستقبلا ....

أما الحكم ومقداره فالله أعلم بمقداره ...


السلام عليكم لو سمحت ليا استفسار بسيط بخصوص جنحة التعويض دي : هل لجنحة التعويض دي مدة قانونية معينة لرفعها بعد تنفيذ قرار التمكين ولا ليس هناك مدة محددة ( لأني نفذت قرار التمكين بقالي سنتين بالضبط تقريبا ) وبدأت الشكاية من ثلاث سنوات تقريبا فهل يجوز رفع جنحة التعويض دي والمطالبة بتعويض عن ما تكلفته من مصاريف واتعاب محاماة رغم مرور سنتين ع تنفيذ قرار التمكين ولا القانون بيحدد مدة معينة لرفع جنحة التعويض بعد تنفيذ قرار التمكين وشكرا" وجزاكم الله كل خير


ارجو سرعة الرد سيادة المستشار الجمل وجزاك الله خيرا"


دعوى التعويض تكون في خلال 3 سنوات فقط ......


السلام عليكم : هل دعوى التعويض تكون في خلال 3 سنوات فقط منذ بداية الشكاية خالص ( أي الشكوى بطلب التمكين ) ولا بعد تنفيذ قرار التمكين بقوة الشرطة ؟ لأنها تفرق كتير وشكرا" جزيلا "


السلام عليكم : هل دعوى التعويض تكون في خلال 3 سنوات فقط منذ بداية الشكاية خالص ( أي الشكوى بطلب التمكين ) ولا بعد تنفيذ قرار التمكين بقوة الشرطة ؟ لأنها تفرق كتير وشكرا" جزيلا "


من بعد تنفيذ قرار التمكين يا غالى
أدوات الموضوع

الانتقال السريع

DamasGate