English تم الإنتقال للبوابة الجديدة والتسجيل من هنا

المرحلة الرابعة : Multiboot عمل اسطوانه متعددة الانظمه ذاتية الاقلاع : التعامل مع برامج انشاء اسطوانة اقلاع متعددة الانظمه بالاضافه الى كيفية استخراج ملفات البوت من السيديهات و استخدامها

كل ما يخص الفلاشات phision

كل ما يخص الفلاشات phision

اخواني الاعزاء ساقوم اليوم بشرح تفصيلي عن كل ما يخص الفلاشات من النوع phision لما يوجد فيها من مميزات عديدة تستطيع من خلالها تقسيم الفلاشة الي اكثر من بارتشين او سي دي وبارتشين وغيرها مما سنتعرف عليها .
ينقسم البرنامج الخاص بهذا النوع من الفلاشات الي جزئين

الجزء الأول البرنامج الخاص بعمل الاعدادات التي تريدها

الفلاشات phision

1- load : لتحميل اعدادات مسبقة للبرنامج قمت بحفظها قبل ذلك

2- save : لحفظ الاعدادات التي قمت بها علي الملف المفتوح وما تنساش تسيف بعد ما تخلص الاعدادات

3- من هنا بتختار نوع الكنترول بتاع الشيب اللي عرفتها قبل كده عن طريق برنامج chip genius

4- بعد ما بتختار نوع الكنترول بتاع الفلاشة بتاعتك بتختار تاني اختيار اللي هو 01

5- Mode : دي اللي بتحدد المود بتاع الفلاشة هيكون ايه ... يعني سي دي وفلاشة او فلاشتين ... الخ , ومش مهم تختارها البرنامج هيختار المود تلقائي لما تحدد التقسيمات اللي هتحتاجها للفلاشة

6- No. of partition : دي بتختار عدد البارتشينات اللي هتقسم الفلاشة ليها يعني اما بارتشين واحد او اتنين او ثلاثة , طبعا كل الفلاشات من النوع phision تقدر تعملها قسم واحد او اتنين لكن مش كلها نقدر نعملها ثلاث اقسام , طيب نعرف ازاي ان النوع بتاعنا بيتعمل قسمين او تلاتة , بعد لما بتختار الكنترول بتاع الفلاشة بتاعتك وتيجي تختار عدد الاقسام البرنامج بتلاقي فيه اما قسمين او ثلاثة يعني لو ما لقتش فيه 3 اقسام يبقي الفلاشة بتاعتك ما بتدعمش غير قسمين (يبقي من هنا بتحدد اذا كنت عاوز الفلاشة بتاعتك قسم واحد او قسمين)

7- partition 1 : public area : وده لو اخترت قسم واحد فمن هنا تحدد نوع القسم اللي انت عاوزه ولو اخترت قسمين بتحدد من هنا القسم الاول هيكون ايه , وفي 3 خيارات
الخيار الأول : removable disk : ده بتختاره لو عاوز تعمل القسم الاول فلاشة عادي
الخيار الثاني : CD-Rom : ده لو عاوز تعمل القسم الأول سي دي روم
الخيار الثالث : Fixed Disk : ده لو عاوز تعمل القسم الاول هارد ديسك

ملحوظة :
1- لو اخترنا القسم الاول فلاشة او هاردديسك ممكن نخليه محمي (للقراءة فقط) عن طريق وضع علامة صح في مربع Write Protect بس طبعا لو هنخليه للقراءة فقط يبقي لازم نحط عليه الملفات اللي احنا عاوزنها الاول ودي بنختارها من مربع copy data وبنختار المجلد اللي فيه الملفات اللي عايزين نضيفها علي الفلاشة , أو بنختار ملف بامتداد img او bin من خلال Source Image
2- لو اخترنا القسم الاول سي دي لازم نكون مجهزين ملف بامتداد iso او bin او nrg وبنختاره من مربع CD-ROM Image
3- public label : ده بنختار منه اسم القسم سواء كان فلاشة او هاردديسك او سي دي


8- partition 2 : في حالة لو اننا اخترنا نعمل الفلاشة قسمين فبنحدد من هنا القسم التاني اما يكون هاردديسك او فلاشة

9- المربع ده بنستخدمه في حالة تقسيم الفلاشة لقسمين ومنه بنحدد مساحة القسم الاول والقسم التاني سواء سي دي روم او فلاشة او هاردديسك , لاحظ أن القسم الاول هو الموجود ناحية اليمين (public size) والقسم الثاني هو الموجود بناحية اليسار (secure size) , وفي طريقتين لتحديد المساحة اما بنسحب المؤشر ونحدد النسبة المئوية يعني مثلا يبقي القسم الاول 50% من المساحة والتاني 50 % وهكذا , أو ان نحدد مساحة القسم الاول بالميجا بايت ويقوم البرنامج تلقائيا بحساب باقي مساحة الفلاشة في القسم التاني .

10- بعد لما بتخلص بتضغط save as وتحفظ الاعدادات بالاسم اللي حضرتك عاوزه بس يكون انجليزي وفي نفس مجلد البرنامج , وكده خلصنا الجزء الاول من البرنامج وبنقفله

نراجع بقي تاني الخطوات اللي المفروض نعملها :-
يبقي اول حاجة بنختار نوع الكنترول بتاع الفلاشة اللي بنعرفه عن طريق برنامج chip genius ولاحظ ان ده اهم جزء لانه لو نوع الكنترول غلط ممكن الفلاشة تتحرق , وبعد كده بنختار من اللي جمبها 01 وما تنساش تتاكد أن في علامة صح في المربع اللي علي الشمال فوق اللي اسمه preformat وتتاكد كمان ان في علامة صح في المربع اللي تحته custom setting وبعد كده بتختار عدد الاقسام اللي حضرتك عاوزها سواء قسم واحد او اتنين ولما بتختار نوع كل قسم البرنامج بيختار المود تلقائيا وطبعا لو اخترنا قسمين بنحدد نوع كل قسم ومساحته وما تنساش تحفظ الاعدادات اللي عملتها , وبعد لما تحفظ الاعداد وتقفل البرنامج , افتحه تاني واضغط load واختار الملف اللي حفظته قبل كده واتاكد مرة تانية ان الاعدادات اللي عملتها صح .


والجزء الثاني الخاص بتنفيذ الاعدادات علي الفلاشة

الفلاشات phision

1- تقوم اولا من هنا باختيار الملف الذي قمته بحفظه مسبقا

2- update : تقوم بالضغط علي هذا الزر ليظهر الفلاشة الخاصة بك في احد المربعات مثلما ظهر الفلاشة الخاصة بي في المربع رقم 3

4- start : بعد ما الفلاشة تظهر بتضغط start وبيبدأ البرنامج في فورمات الفلاشة , وممكن يطلع لك رسالة يطلب منك انك تفصل الفلاشة وتوصلها تاني ولو طلع لك الرسالة دي بتفصل الفلاشة وتوصلها تاني وتستني لحد ما تتعرف وتضغط ok علشان البرنامج يكمل , وبعد ما يخلص خالص بتقفله وتفصل الفلاشة وتعمل ريستارت للجهاز او تعمله تسجيل خروج وبعد كده توصل الفلاشة وتشتغل عليها عادي

ملحوظة : البرنامج ده وبرنامج الchip genius موجودين في المرفقات في موضوع الاخ سامح هنا

وفي النهاية اتمني ان اكون قد اتممت الشرح بطريقة سهلة وبسيطة وفي انتظار استفساراتكم , ولا تنسي الدعاء لي وقراءة الفاتحة لابي رحمه الله

لدعم قناة وسام الحمد على اليوتيوب


المواضيع المشابهه
طلب برامج كشف بيانات الفلاشات
مجموعة برامج لصيانة وفورمات الفلاشات وتثبيت الوندوز من الفلاشات واستعادة الملفات
للي عندهم خبرة عن الفلاشات
طلب متخصص فى صنع الفلاشات التعليمية
من اروع الفلاشات الاسلامية


تسلم إيدك على هذا التفصيل للبرنامج أنا ما كنتش عاوز أشرح تفصيل كل وظيفة فيه علشان الناس ما توهش فى البرنامج

ويحتار هيختار إيه ؟؟؟؟ وعرفتهم الوظائف الأساسية التى سيجتاجها الجميع فقط والمهمة له بارك الله فيك


اقتباس :-
تسلم إيدك على هذا التفصيل للبرنامج أنا ما كنتش عاوز أشرح تفصيل كل وظيفة فيه علشان الناس ما توهش فى البرنامج

ويحتار هيختار إيه ؟؟؟؟ وعرفتهم الوظائف الأساسية التى سيجتاجها الجميع فقط والمهمة له بارك الله فيك
الف شكر , وبعدين ده اقل حاجة تعلمتها من حضرتك في المنتدي , اما بالنسبة لموضوع الشرح التفصيلي فدا علشان نرتقي بمستوي منتدانا ومستوي المستخدمين العرب وعلشان الكل يبقي فاهم هو بيعمل ايه وما يبخلش باي معلومة في المنتدي وزي ما قال واحد ما اعرفوش " لا تعطني السمكة ولكن علمني كيف اصطادها " xD


الف شكر , وبعدين ده اقل حاجة تعلمتها من حضرتك في المنتدي , اما بالنسبة لموضوع الشرح التفصيلي فدا علشان نرتقي بمستوي منتدانا ومستوي المستخدمين العرب وعلشان الكل يبقي فاهم هو بيعمل ايه وما يبخلش باي معلومة في المنتدي وزي ما قال واحد ما اعرفوش " لا تعطني السمكة ولكن علمني كيف اصطادها " xD
بخصوص الارتقاء بالمستخدمين العرب أحب أهدى هذه الأغنية

( أجيال ورا أجيال هتعيش على شرحنا واللى نقوله اليوم من بكرة يقعد لنا )

:100 2:


بخصوص الارتقاء بالمستخدمين العرب أحب أهدى هذه الأغنية

( أجيال ورا أجيال هتعيش على شرحنا واللى نقوله اليوم من بكرة يقعد لنا )

:100 2:
ههههههههههههههههههههههههه كلام جامد وشرح اكثر من رائع اجيال ورا اجيال ربنا يلطف

الف شكر , وبعدين ده اقل حاجة تعلمتها من حضرتك في المنتدي , اما بالنسبة لموضوع الشرح التفصيلي فدا علشان نرتقي بمستوي منتدانا ومستوي المستخدمين العرب وعلشان الكل يبقي فاهم هو بيعمل ايه وما يبخلش باي معلومة في المنتدي وزي ما قال واحد ما اعرفوش " لا تعطني السمكة ولكن علمني كيف اصطادها " xD
حبيبى قلبى فعلا مش عايز منك سمك عايز منك علم ههههههههههه
بس بقولك يا labieb حاول تشرح ليا انا معلش موضوع التقسيم على ثلاث اقسام انا عارف انك بتقول فيه فلاشات بتعمل على ثلاثة وفيه فلاشات مش بتعمل غير على قسمين بس حاول تحط عندك واحدة على تكون بتتقسم على ثلاث وتشرحلى الاتى:
قسم هتركه احصط فيه حاجات وبرامج وافلام وغيرها وقسم اخر على هيئة فلاشة عادية هقوم بوضع عليه ويندوز xp و 7 وهيرنس عن طريق برنامج WinSetupFromUSB والجزء الاخير Cd ومش هطلب منك حاجة تانى ومتشكر جدا مع العلم انى لسة ما لقيت حل لموضوع الشاشة الزرقاء فى الاجهزة القديمة بس لقيت حل حلو بين وبين نفسى وهو انى احول جزء الى cd ممكن واظن انه لم يكون cd مش هيبقى وحش وهيسطب على طول باذن الله والله المستعان
وشكرا جدااااااااا مجهود رائع حق ما قصرت والله
مصر مصر فلتحيا ايطاليا
تحى جمهورية مصر ايطالية
بهزرررر ده انا حتى راجل سلفى وافتخر من انصار الشيخ ابى اسحاق الحوينى وافتخر
وعنددى بلدى اغلى من اى حاجة
هههههههه
متابع
متابع
متابع


ههههههههههههههههههههههههه كلام جامد وشرح اكثر من رائع اجيال ورا اجيال ربنا يلطف


حبيبى قلبى فعلا مش عايز منك سمك عايز منك علم ههههههههههه
بس بقولك يا labieb حاول تشرح ليا انا معلش موضوع التقسيم على ثلاث اقسام انا عارف انك بتقول فيه فلاشات بتعمل على ثلاثة وفيه فلاشات مش بتعمل غير على قسمين بس حاول تحط عندك واحدة على تكون بتتقسم على ثلاث وتشرحلى الاتى:
قسم هتركه احصط فيه حاجات وبرامج وافلام وغيرها وقسم اخر على هيئة فلاشة عادية هقوم بوضع عليه ويندوز xp و 7 وهيرنس عن طريق برنامج WinSetupFromUSB والجزء الاخير Cd ومش هطلب منك حاجة تانى ومتشكر جدا مع العلم انى لسة ما لقيت حل لموضوع الشاشة الزرقاء فى الاجهزة القديمة بس لقيت حل حلو بين وبين نفسى وهو انى احول جزء الى cd ممكن واظن انه لم يكون cd مش هيبقى وحش وهيسطب على طول باذن الله والله المستعان
وشكرا جدااااااااا مجهود رائع حق ما قصرت والله
مصر مصر فلتحيا ايطاليا
تحى جمهورية مصر ايطالية
بهزرررر ده انا حتى راجل سلفى وافتخر من انصار الشيخ ابى اسحاق الحوينى وافتخر
وعنددى بلدى اغلى من اى حاجة
هههههههه
متابع
متابع
متابع
بالنسبة لموضوع الثلاث اقسام دي بتبقي علي حسب نوع الكنترول بتاع الفلاشة يعني لما بتختار نوع الكنترول وتيجي تختار عدد البارتيشنات بتلاقيه اما 1 او 2 او 3 اما لو ما لقتش 3 يبقي الفلاشة بتاعتك ما بتدعمش الثلاث اقسام , وبعدين اسهل لك انك تعملها قسمين بس قسم سي دي او فلاشة محمية تحطه فيه الاكس بي والسفن والايت والهيرنز والقسم التاني تحط فيه برامج او افلام او الحاجات اللي انت عاوزها , اما بالنسبة للشاشة الزرقاء حاول تستخدم نسخة اكس بي سيرفس باك 3 غير معدلة وما تنساش تستبدل الملف (الموضوع ده بينفع معاي في جميع الاجهزة اللي بتيجي لي ويندوز سواء اجهزة قديمة او اوريجنال)

وان شاء الله معاك ياكبير لحد ما توصل للي انت عاوزه


اية الحلاوة دى
اللى ينور يا رجالة


بالنسبة لموضوع الثلاث اقسام دي بتبقي علي حسب نوع الكنترول بتاع الفلاشة يعني لما بتختار نوع الكنترول وتيجي تختار عدد البارتيشنات بتلاقيه اما 1 او 2 او 3 اما لو ما لقتش 3 يبقي الفلاشة بتاعتك ما بتدعمش الثلاث اقسام , وبعدين اسهل لك انك تعملها قسمين بس قسم سي دي او فلاشة محمية تحطه فيه الاكس بي والسفن والايت والهيرنز والقسم التاني تحط فيه برامج او افلام او الحاجات اللي انت عاوزها , اما بالنسبة للشاشة الزرقاء حاول تستخدم نسخة اكس بي سيرفس باك 3 غير معدلة وما تنساش تستبدل الملف (الموضوع ده بينفع معاي في جميع الاجهزة اللي بتيجي لي ويندوز سواء اجهزة قديمة او اوريجنال)

وان شاء الله معاك ياكبير لحد ما توصل للي انت عاوزه
طيب هو ينفع وانا بستبدل الملف ntdetect استبدل ببرنامج WinSetupFromUSB_1-0-beta7 l علشان انا مش بحب النسخة رقم 8 اللى هى WinSetupFromUSB_1-0-beta8 لان على فكرة مش موجود الخيار بتاع ملف ntdetect فى النسخة رقم 7 هو ينفع استبدله انا بنفسى عن طريق كوبى وبست عادى داخل ملفات الويندوز ولا لا
انا معاك متابع ويا ريت لو ممكن انا عايز الايميل بتاعك على اى ماسنجر لان بصراحة بفضل منتظر الرد وانا راجل زى ما قولتلك انا حتى ما عنديش نت يا ريت زى ما بقولك انا ايميلى
ضيفنى عندك على الياهو انا فاتح


اية الحلاوة دى
اللى ينور يا رجالة
مشكور لمرورك ياكبير

طيب هو ينفع وانا بستبدل الملف ntdetect استبدل ببرنامج WinSetupFromUSB_1-0-beta7 l علشان انا مش بحب النسخة رقم 8 اللى هى WinSetupFromUSB_1-0-beta8 لان على فكرة مش موجود الخيار بتاع ملف ntdetect فى النسخة رقم 7 هو ينفع استبدله انا بنفسى عن طريق كوبى وبست عادى داخل ملفات الويندوز ولا لا
انا معاك متابع ويا ريت لو ممكن انا عايز الايميل بتاعك على اى ماسنجر لان بصراحة بفضل منتظر الرد وانا راجل زى ما قولتلك انا حتى ما عنديش نت يا ريت زى ما بقولك انا ايميلى

roma_subzero2000@yahoo.com ضيفنى عندك على الياهو انا فاتح
بالنسبة للنسخة 8 من البرنامج فهي افضل بكتير واسرع من 7 وياريت تنزلها وتشتغل بيها بدل ال7 , وبخصوص الاستبدال اليدوي تقدر تفتح ملف الايزو الخاص بالنسخة الاكس بي باي برنامج لتعديل الايزو وتستبدل الملف , الملف موجود في المجلد i386


مشكور لمرورك ياكبير



بالنسبة للنسخة 8 من البرنامج فهي افضل بكتير واسرع من 7 وياريت تنزلها وتشتغل بيها بدل ال7 , وبخصوص الاستبدال اليدوي تقدر تفتح ملف الايزو الخاص بالنسخة الاكس بي باي برنامج لتعديل الايزو وتستبدل الملف , الملف موجود في المجلد i386
متشكرين هجرب واقولك
كل ما يخص الفلاشات phision
أدوات الموضوع

الانتقال السريع