منتديات داماس


Moved to new forum, Click Here to register

سؤال بخصوص تسجيل شقة ..

السلام عليكم ..

انا اشتريت شقة والارض اللى مبنيه عليها العمارة مسجلة لكن العمارة نفسها غير مسجلة فعملت صحة توقيع وكنت عاوز اسجلها فقالولى مش هينفع لان العمارة مش مسجلة والحل انك تعمل صحة عقد ونفاذ هل الكلام ده صحيح وكم اجر المحامى فى عمل صحة عقد ونفاذ فى هذه الحالة والشقة مساحتها 105 م ....

ولو اجلت صحة عقد ونفاذ ده شوية هل صحة التوقيع تحفظ لى حقى ان البائع ميقدرش يبيع الشقة لحد ثانى ...

وهل اعلان الوراثة بيتقدم عند عمل صحة ونفاذ لان صاحب العمارة متوفى وليه اولاد رجاله اكبر واحد فيهم اخواته عاملين ليه توكيل ببيع الشقق بس للاسف لما باعلى الشقة ماخدتش منه اعلان الوراثه ... وفى الحالة ده لو كان هيقدم هل فى طريقة اطلعه بيها بدون اللجوء لصاحب العمارة ..

المواضيع المشابهه

سؤال بخصوص تسجيل الاراضى والعقارات

سؤال عن اجهزة تسجيل الصوت كالتي تستخدم في تسجيل المحاضرات

شرح وضع سؤال اثناء تسجيل عضوية جديده

سؤال فى تنشيط و تسجيل ويندوز 7

سؤال عن تسجيل الافلام على DVD


الحل ان سيادتك
كما حدث مع بعض العملاء لدينا

قاموا جميعا بالتكفل بقيمة تسجيل الارض واتعاب المحامي
ثم قاموا كل من منهم
بتسجيل الشقة بعدها ..


وبالنسبة لصحة التوقيع لا تحفظ اية حقوق
ولا تنتقل الملكية طبقا للقانون المصري الا بالشهر العقاري والتسجيل

بمعنى انه يمكن لاي من الابناء بيع الشقة مرة اخرى
والدخول في نزاعات طويلة الامد

تحياتي


عليكم السلام

دعوى الصحة والنفاذ ستصطدم بعدم تسجيل
العمارة أيضا ..........
فالأولى تسجيل العمارة أولا ثم تسجيل باقى الشقق ...

وللعلم دعوى صحة التوقبع حجة على البائع وخلفه فقط
لأنه لا يستطيع أن ينكر توقيعه وقبض الثمن .......
ولكن لا تنتقل ملكية الشقة الا بالتسجيل فعلا
كما أفاد أستاذنا الفاضل / هانى .........


اشكركم اخوانى الاعزاء جزاءكم الله كل خير وكل عام وانتم بخير ...

بس عاوز افهم حاجة بما ان العمارة مش مسجلة هل ينفع اعمل صحة عقد ونفاذ ولا لازم ايضا تكون العمارة مسجلة وايه اللى ممكن اعمله فى الحالة ده لكى انقل ملكية الشقة لنفسى بس ياريت حل يكون غير مكلف كثير ...


كما ذكر استاذ جمال
يجب تسجيل الارض والعمارة اولا

ولن تسجل الشقة قبل هذا
ودعوى الصحة والنفاذ جزء منها في الشهر العقاري
ويتطلب اوراق التسجيل
تحياتي


ايه افضل واوفر حل فى الموضوع ده بحيث انى اضمن حقى ولك جزيل الشكر ...
أدوات الموضوع

الانتقال السريع

DamasGate Engineering Community