منتديات داماس


Moved to new forum, Click Here to register

اعترافات المدير العام !!!!؟؟؟؟؟

اعترافات مدير
------------------
مراتك......ولا......شغلك !!!!!!!!!!!!!!!!!
(الجواب تحت)
كل نساء العالم يتهمن أزواجهم بأنهم بيحبو الشغل أكثر منهم
وأنا اصالة عن نفسي ونيابة عن الرجال أعترف بأن هذا صحيح ..........صحيح ...... صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:
أولا .........الشغل بيصرف عليّ .... بس أنا اللي أصرف عليها!!!
ثانيا........في الشغل ممكن تزعق براحتك و زعيقك يجيب نتيجة...
مع مراتك صعب انك تزعق براحتك ومهما زعقت مش هيجيب نتيجة ...
ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك
أنما تزوغ من مراتك .. هيهات ..أنسى …..
رابعا ........في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .... مش ممكن ترضيها !!!
خامسا.......في الشغل من حقك تاخد أجازه...عندك عارض واعتيادي
دا غير يوم الجمعة....والعطلات الرسمية.....بصراحة الشغل خفيف ع القلب.....
أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!!
سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه
سابعا .......الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تفكر مليون مره.....في المحاكم والمؤخر و النفقة.. والعيال
ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....
أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش
تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك ماتقدرش تغيرها........
عاشرا......في الشغل....متأمن عليك عشان لو حصل لك حاجه...... مراتك هي اللي هاتقبض التأمين
في النهاية ... بتحب مين أكتر...
مراتك ولا شغلك ؟؟
أكيد مراتك ... أحسن يوقع الكلام دة في ايدها ... تبقى مصيبة



المواضيع المشابهه

شرح استرجاع كلمة مرور المدير العام للمنتدى

التحقيق مع المدير العام

لعبة بين المشرفين والأعضاء مع امتياز خاص لـ New star المدير العام

{product} المدير العام أون لاين دائــما .........


ههههههههههههه جميل جدا ,,, طبعا كله هيخاف وهيقول الزوجة ,


كلام صحيح مية مية
سلمت يمناك التي ضغطت على الكيبورد
سلام


بعد ما ضحكت على كلامك ...... بصراحة حاسس إني هبكي من كل قلبي ... الله يرحمك يا مديرنا ... كنت طيب و الله ... ليه بس تعمل في نفسك كده و تقول الكلام ده كله .. فيه حد بذمتك يصرح بده كله ؟ ... يا حبيبي إنت كده وقفت قدام القطار في ساعة نحس ... ربنا يستر عليك ... خليك زينا .. و أدينا عايشين .. على العموم الحق بسرعة و اكتب و صيتك ........... دول مفتريات يا با هههههههههههههههههههههههههههههههههههههههه


حرام عليكم
في حدا بيجيب المشاكل لنفسه!!!!!!!!!!!!!!
من ناحيتيبدون تعليق


علشان تعرفو كم الرجال مظلومين بس يجوز لكم
سلام للكل


ههههههههههه
موضوع رائع بجد


بحب اتنين سواااااااا
الشغل والهواااااااااااااااااااا
بس والله والكلام ده حقيقي وفعلاً من قلبي
الستات فعلاً بيتعبوا في البيت مع الولاد وشغل البيت والطبيخ
والغسيل وبند المذاكرة للأولاد ومشاكل الأولاد
" مصطفى ضربني يا ماما ، هايدي خدت القلم بتاعي ، عاوز آكل عاوزة أشرب ، عاوز وعاوزة ..... إلخ "
يااااااااااااااااااه دوشة ، عن نفسي لا أطيق هذه الدوشة كان الله في عونها
وكل بند من دول ليه مشاكل ومتطلبات
وطلبات الأولاد والزوج
وفعلاً مفيش راجل واحد يعرف يعمل ربع إللي بتعمله الست في البيت
عن نفسي آتي من العمل في المساء
أتعشى وكلمتين والولاد عاملين إيه ، وبعدين شوية والكل ينام
واعد أنا على النت ، وبعدين أنام
والصبح الشغل حتى المساء وهكذا ....
وفي الآخر بنتأمر عليهم إحنا والأولاد
ربنا يقويهم ويسترها معاهم ومعانا
وعلى المسلمين كافة
خالص التحية على الموضوع الطريف


الحمد لله لسة في رجال بتقدر المرأة
الله يكثر من أمثالك وتحية خاصة للمدام



مراتك......ولا......شغلك !!!!! شغلي طبعا
أدوات الموضوع

الانتقال السريع

DamasGate