منتديات داماس


Moved to new forum, Click Here to register

أرجو المساعدة, محتاج برنامج بشكل ملح جداً جداً لتصوير سطح المكتب

السلام عليكم ورحمة الله وبركاته, بالأول دورت كثير بالمنتدى بس مالقيت مكان وضع طلبات البرامج, فاضطريت حط الطلب بهالقسم, يارب مابيكون هالشي مخالف لأنو هاد أصلاً أول موضوع بكتبو بهالمنتدى.

المهم, طلبي هو برنامج وبتمنى من اللي فيه يساعدني مابيبخل علي لأنو استنفذت كل وسائلي للاقي هالبرنامج وجربت كلشي وقعت عليه ايدي. هالبرنامج كان عندي من زمان وراح مع اللي راحو, نسيان إسمو بس متذكر خصائصو الفريدة جداً, البرنامج هو مصور لسطح المكتب مشان شروحات البرامج وماشابه بس فيه ميزات رائعة أسردها بالآتي:
  • بيصور الفيديو على شكل لقطات متتالية مع كل نقرة ماوس أو استخدام للكيبورد مع اظهار صوتهما, وبالتالي لما بتكون عم تصور كل ماتنقربالفارة بتومض الشاشة مع صوت التقاط الصورة.
  • كثير سهل من ناحية اضافة تعليق أو ماشابه على الفيديو.
  • الخاصية الأكثر من رائعة إنو فيك اتضيف حركات للماوس على الفيديو, وبتحديد أكثر على اي ثورة تم التقاطها ( حكيت إنو بيصور فيديو على شكل تتابع للصور مع كل نقرة للفارة أو على الكيبورد ) وبالتالي إنتي فيك تاخد لقطة صغيرة للواجهة الرئيسية للبرنامج اللي بدك تشرحو, ومن ضمن هالبرنامج اللي عم اطلبو فيك اتفوت واتصمم حركة الفارة وسرعة تحركها ووين في نقر يمين ووين في نقر يسار ووين في كتابة من الكيبورد.
  • اضافة لإمكانية تصدير الفيديو اللي جهزتو لكم لاحقة معروفة, ومزاية أخرى كثيرة.

فعلاً يا جماعة هالبرنامج كثير مهم إلي بشكل كثير كبير وخاصة فكرة تصميم حركة الفارة لأنو أثناء ماعم تشرح وتعلق ع فيديو إنت صورتو لبرنامج ما,يمكن يخطر ع بالك كم شغلة ماكانوا خاطرين قبل. وهيك فيك ترسم الفارة وحركتها ومسارها وزمن انتقالها وكأنوا إنت فعلاً قمت بهالشي.

طولت عليكم, حقكم علي, بس فعلاً محتاج مساعدة والله يجزيكم الخير سلفاً

المواضيع المشابهه

أرجو المساعدة لإني كده هتعب جداً

إجراءات التجنيد والإعفاء .. أرجو المساعدة هااااااام جداً جداً

فريمات روعه جداً وبدقة متناهيه جداً جداً

المساعدة فى الحصول على تعريفات جهازى .... أرجو الإفادة ضرورى جداً جداً

برنامج Audio Maestro Full Pack 2.4 رائع جداً جداً


السلام عليكم, إنو يا جماعة يعني مافي ولو اهتمام بالمساعدة؟؟ يعني ماكان المتوقع من شباب داماس عدم الإكتراث بهالطريقة, جزاكم الله الخير كله أولاً وأخيراً


ممكن يكون Camtasia Studio
او Adobe Captivate

او SnagIt


هو مو الأول ولا الأخير لأني نزلتن وجربتن, رح حاول بالبرنامج الثاني لربما, الله يجزيك الخير ع المساعدة


السلام عليكم من جديد, مازبط الوضع وما استفدنا شي. حاولوا معنا يا شباب الله يجزيكم الخير


السلام عليكم اخي
شوف الرابط هاذا

https://www.damasgate.net/vb/t126188/

موضوع رائع لاخونا الغالي Albakir110

وان شالله يفيدك وتحصل برنامجك المفقود او تحصل اجمل منه واسهل منه


السلام عليكم اخي
شوف الرابط هاذا

https://www.damasgate.net/vb/t126188/

موضوع رائع لاخونا الغالي Albakir110

وان شالله يفيدك وتحصل برنامجك المفقود او تحصل اجمل منه واسهل منه
السلام عليكم ورحمة الله وبركاته, الله يجزيك الخير أخي الكريم, هالموضوع أنا قريتو قبل ما أطلب مساعدتكم, بس للأمانة ما جربت كل البرامج اللي فيه. رح جربن كلن بإذن الله من جديد وردلك خبر, بس المهم الله يجزيك الخير إنت وكل اللي حاول يساعدني
أدوات الموضوع

الانتقال السريع

DamasGate Engineering Community