منتديات داماس

منتديات داماس (https://www.damasgate.com/vb/index.php)
-   المرحلة الرابعة : Multiboot عمل اسطوانه متعددة الانظمه ذاتية الاقلاع (https://www.damasgate.com/vb/forumdisplay.php?f=90)
-   -   حصري:تقسيم اي فلاشة وحماية الجزء الخاص بملفات الويندوز (https://www.damasgate.com/vb/showthread.php?t=293448)

labieb 05-05-2013 07:40 AM

حصري:تقسيم اي فلاشة وحماية الجزء الخاص بملفات الويندوز
 
طبعا الاغلبية بيتعامل مع الفلاشات كبديل للاسطوانات لانها اسرع بكتير ده غير انها بتاخد مساحة اكبر من الاسطوانة وطبعا ما بتتخربش مع الوقت زي الاسطوانات , بس في ميزة في الاسطوانات انها بتكون للقراءة فقط يعني الفيروسات ما بتدخلهاش

طيب والحل ايه علشان نضيف الخاصية دي في الفلاشات ونخليها زي الاسطوانة للقراءة فقط ؟
الحل اننا يكون معانا فلاشة الشيب بتاعها من نوع phision
(ملحوظة : ممكن تكون الفلاشة كينج ستون ونفس الشكل بتاع الفلاشات اللي صورها في المنتدي بس الشيب بتاعها مش phision ولازم تتاكد من الشيب عن طريق برنامج الشيب جينيس)
ودي المواضيع اللي في المنتدي بتشرحها بالتفصيل الممل

طيب لو معنديش فلاشة الشيب بتاعها من النوع phision وخصوصا ان الفلاشات الجديدة الموجودة كلها في السوق بشيبات تانية غير النوع ده ؟
طيب ممكن تعمل حاجة تانية سهلة وبسيطة : انك تعمل الملفات اللي انت عاوزها علي كرت ميموري وتحطه في ريدر فيه زرار بيخلي الكارت للقراءة فقط وكده ما بيدخلوش فيروسات

طيب انا شوفت قبل كده برامج بتخلي الفلاشة للقراءة فقط واستخدامها سهل جدا , ممكن استخدمها ؟
هقول لحضرتك ان البرامج دي بتخلي الفلاشة للقراءة فقط علي جهازك انت بس , يعني لو حطيت الفلاشة في جهاز تاني بتبقي عادية وفي برامج تانية بتعتمد علي ملفات الاوتورن بتخلي الفلاشة للقراءة فقط علي اي جهاز بس فكرتها انها اول ما بيشتغل ملف الاوتورن بتاعها في الويندوز بيفعل الخاصية للقراءة فقط وللاسف معرض للفيروسات بردة بشكل كبير , وياريت لو فيه اي حد من الاعضاء عنده رأي تاني يشاركنا بيه

طيب لو انا مش عايز اعمل الويندوز علي كرت ميموري علشان مساحته صغيرة وكمان ما عنديش فلاشة الشيب بتاعها من النوع phision هأعمل ايه ؟
ده ان شاء الله هيكون موضوعنا النهاردة وفكرته اننا هنقسم الفلاشة قسمين قسم هنحط عليه ملفات الويندوز وملفات البووت (يعني المفات اللي ما بنحتجهاش من داخل الويندوز) وده هيكون القسم المخفي يعني ما فيش فيروسات هتقدر تدخله
وقسم تاني هحط فيه التعريفات وباقي البرامج اللي احنا عايزنها وده اللي هيظهر في الويندوز وهيبقي معرض للفيروسات والقسم ده لو اتفيرس سهل اني ابدل الملفات المتفيرسة فيه

نبدأ الشرح وهنفذ الكلام ده ببرنامج Win Setup_1_0_beta8
بعد لما نفتح البرنامج هنضغط علي برنامج Bootic المدمج مع البرنامج بتاعنا
https://u.damasgate.com/002a/dknkp91ogk30go0h0gf4.jpg
وهيفتح لنا النافذة دي
https://u.damasgate.com/002a/m4qrp4us3qso79giachb.jpg
https://u.damasgate.com/002a/k892rn7569jzxwmgdk9j.jpg
https://u.damasgate.com/002a/9036h35gq7vly7lj88y7.jpg
https://u.damasgate.com/002a/1qon8wrwolytzly57erb.jpg
يبقي المربع الاول بكتب فيه حجم البارتيشن بالميجا وطبعا بنحدده علي حسب الملفات اللي عايزين نضيفها علي الفلاشة يعني لو عاوز اضيف علي الفلاشة ويندوز اكس بي بس اخليه 700 ميجا مثلا , والبارتيشن التاني بكتب فيه باقي مساحة الفلاشة وباقي المساحة بتظهر تحت في البرنامج وبعدها بضغط Ok والبرنامج بيطلع رسالة تأكيدية بضغط ok وبيطلع لي رسالة تأكيدية تانية بضغط علي yes وبستني لحد ما يخلص ويطلع رسالة فيها ok وبكده نكون قسمنا الفلاشة لقسمين زي ما في الصورة كده القسم الاول هو اللي بيظهر في الويندوز والقسم التاني ده بيكون مخفي بالنسبة للويندوز يعني لا الويندوز ولا اي فيروسات هتقدر تشوفه ما بيظهرش غير علي اللينكس او في البوت
https://u.damasgate.com/002a/4q22dakkmlk9h6ml1akv.jpg
بفصل الفلاشة وبوصلها تاني وبيظهر البارتيشن اللي هو active اللي مساحته 100 ميجا لو طلب فورمات بعمله فورمات
نرجع بقي لبرنامج Win Setup_1_0_beta8 ونفتحه
https://u.damasgate.com/002a/ikdhi4th7fkcypghuxof.jpg
https://u.damasgate.com/002a/pc8cbm39l15i62h9cze5.jpg
بعد لما بضغط علي install grub4dos بيظهر لنا رسالة بضغط علي yes ورسالة تانية بضغط ok وبستني لحد ما يطلع لي رسالة زي دي واضغط انتر
https://u.damasgate.com/002a/vzlzwg2f0r3vmqn2m6r6.jpg
وبيظهر لي رسالة تانية بضغط ok , بعد كده بقفل برنامج RMPrepUSB وبرجع تاني لبرنامج WinsetupfromUSB واضيف الويندوز اللي انا عاوزه عليها اكس بي او سفن او ايت واي ملفات ايزو تانية انا عايزها وهنا انا هضيف برنامج الجوست بس
https://u.damasgate.com/002a/ml5liaugwhbde8unk7st.jpg
بعد لما بضيف ملفات الويندوز والبوت اللي انا محتاجها علي القسم ده برجع تاني للبرنامج المدمج بتاع التقسيم Bootice علشان اخلي البارتيشن ده مخفي واظهر البارتيشن التاني (ملحوظة : ما ينفعش نضيف اي برامج تانية غير الويندوز سواء اكس بي او ايت او سفن او اي ملفات بووت لان البارتيشن ده هنخفيه ومش هيظهر داخل الويندوز فمش هنقدر نستفيد باي ملفات جواه غير في البووت فقط)
بعد ما بفتح برنامج Bootice بضغط علي parts manageوبضغط علي Reformat USB Disk
https://u.damasgate.com/002a/b2a6ijh0yfsqst8jt5zs.jpg

وبكده نكون عملنا الفلاشة قسمين بارتيشن عليه الويندوز وده هيكون مخفي ومش هيظهر في الويندوز وبكده نكون عملنا له حماية من الفيروسات او الحذف
وبارتيشن تاني نقدر نحط عليه اي داتا تانية بنستخدمها في الويندوز ولو عملنا له فورمات البارتيشن المخفي بيفضل زي ما هو

طبعا الموضوع حصري لمنتدياتنا زي ما قولت ومش موجود في المنتديات العربية ولا الاجنبية وصراحة قدرت أوصل للحل ده بسبب ان احد الاعضاء الشيب بتاع الفلاشة بتاعته طلع مش phision وكنت عاوز اساعده واتمني اكون ساعدته ,

ملحوظة : الموضوع من مجهودي الشخصي وصراحة تعبت في البحث لما وصلت ليه فياريت ما تبخلش بدعوة لي وقراءة الفاتحة لابي

احمد الوجهه 05-05-2013 09:00 AM

جزاك الله خيرا فعلا كنت محتاجه

Smsm Star 05-05-2013 09:17 AM

أبدعت أخى فأحسنت
جزاك الله خيراااا
ولنا عوده بعد التجربه بإذن الله


تحياتى

ma7m0ud 05-05-2013 11:00 AM

الله ينور عليك

SamehGoda 05-05-2013 01:01 PM

شرح حلو ووافى أخ لبيب ولى تعقيب بخصوص حكاية الزر اللى فى الريدر بيعمل lock لكارت الميمورى فهى طريقة

فاشلة لأنه لا يفعل الحماية من هذا الزر أما بقية الخطوات سليمة وتمام الشرح فهى أفضل وتم التقييم 3 نجوم لعدم التنسيق

الجيد للموضوع وجزاك الله خيرا شرحت فأبدعت
:thumbs-up::applaudit:

احمد الوجهه 05-05-2013 01:43 PM

طيب ينفع اعمل كارت موميري اخفيه كله مش اقسمه وازي ارجعه تاني زي الاول يعني حته واحده

SamehGoda 05-05-2013 03:10 PM

اقتباس:

المشاركة الأصلية كتبت بواسطة احمد الوجهه (المشاركة 2096594)
طيب ينفع اعمل كارت موميري اخفيه كله مش اقسمه وازي ارجعه تاني زي الاول يعني حته واحده

يا عم أحمد أنا المفروض أحذف السؤال هذا علشان الأعضاء لو شفوه هيغمى عليهم ههههههههههههههههههه:1002:

DreamWorld 05-05-2013 03:14 PM

شكرا لك اخى الحبيب
تستاهل نجوم السما 1000000000 نجمة

Abo Yassen 05-05-2013 03:28 PM

شكرا لك اخى الكريم على مجهودك الرائع رحم الله والدك ورحمنا جميعا وفقكم الله :thumbs-up::thumbs-up::applaudit::applaudit::applaudit::app laudit:

labieb 05-05-2013 04:34 PM

اقتباس:

المشاركة الأصلية كتبت بواسطة احمد الوجهه (المشاركة 2096495)
جزاك الله خيرا فعلا كنت محتاجه

اتمني تكون استفدت من الموضوع

اقتباس:

المشاركة الأصلية كتبت بواسطة Smsm Star (المشاركة 2096510)
أبدعت أخى فأحسنت
جزاك الله خيراااا
ولنا عوده بعد التجربه بإذن الله


تحياتى

في انتظار تجربتك اخي العزيز ومتابع معك

اقتباس:

المشاركة الأصلية كتبت بواسطة ma7m0ud (المشاركة 2096535)
الله ينور عليك

الله يخليك ياحودة

اقتباس:

المشاركة الأصلية كتبت بواسطة SamehGoda (المشاركة 2096577)
شرح حلو ووافى أخ لبيب ولى تعقيب بخصوص حكاية الزر اللى فى الريدر بيعمل lock لكارت الميمورى فهى طريقة

فاشلة لأنه لا يفعل الحماية من هذا الزر أما بقية الخطوات سليمة وتمام الشرح فهى أفضل وتم التقييم 3 نجوم لعدم التنسيق

الجيد للموضوع وجزاك الله خيرا شرحت فأبدعت
:thumbs-up::applaudit:

شكرا اخ سامح , بالنسبة لموضوع بتاع كارت الميموري ففي ريدرات بتعمل خاصية read-only بس للاسف وجودها قليل في السوق اما بالنسبة للتنسيق فاعتذر لاني كنت عاوز اوصل المعلومة باي شكل واتمني تكون وصلت


اقتباس:

المشاركة الأصلية كتبت بواسطة Abo Yassen (المشاركة 2096661)
شكرا لك اخى الكريم على مجهودك الرائع رحم الله والدك ورحمنا جميعا وفقكم الله :thumbs-up::thumbs-up::applaudit::applaudit::applaudit::app laudit:

مشكور علي مرورك المميز abo yaseen


الساعة الآن 04:29 PM.

Powered by vBulletin® Version
Copyright ©2000 - 2019, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.