منتديات داماس

منتديات داماس (https://www.damasgate.net/vb/index.php)
-   مُسْتَشارُكَ القّانُونيْ (https://www.damasgate.net/vb/forumdisplay.php?f=66)
-   -   طردت من بيتي واهل طليقي رافضين يدوني القايمة (https://www.damasgate.net/vb/showthread.php?t=377152)

sma hany 22-01-2016 07:15 PM

طردت من بيتي واهل طليقي رافضين يدوني القايمة
 
السلام عليكم ورحمة الله
انا رفعت قضية خلع وزوجي فالسجن واهله رافضين يدوني القايمة بحجة اني رافعة خلع وطردوني من بيتي
وماليش اي حقوق ولو رفعت قضية تبديد هقدر اخد كل القايمة علما بان القايمة متمنة وقيمة الذهب مكتوب فيها
لانه مش معايا وبعدين لو فعلا اخدت حكم هيسلمني والا هيتسجن ومش هاخد حقي

sma hany 23-01-2016 05:46 PM

ارجو ان حد يفيدني لان انا مش عارفة اعمل ايه واحمي نفسي منهم ازاي لانهم هددوني انهم هيلبسوني قضايا منهم لله

attiya samir 24-01-2016 01:50 AM

هو حضرتك لية اصلا رافعة خلع (الخلع هيفقدك حقوقك الشرعية )لان من حقك ترفعى قضية طلاق عادى لانة فى السجن وكدة مش هتتنازلى عن حقوقك الشرعية
بالنسبة للقايمة مفيش امل طالما مش معاكى

عطيية سميرسرور
المحامى
01001333654

sma hany 24-01-2016 03:30 AM

هو صراحة قضية الطلاق المحامي قال انها هتاخد وقت طويل وانا حاولت طلاق ودي لكنه رفض تعسفا لكن القايمة معايا وكان الخلع حل عشان اخلص من ضغط اهله طول اسرع

attiya samir 24-01-2016 08:19 PM

بس هو دلوقتى فى السجن يعنى القضية هتخلص من تانى جلسة بمجرد استلام مامور السجن للاعلان

sma hany 24-01-2016 10:11 PM

يافندم انا بالفعل اصبحت مطلقة لكن انا سؤالي علي الدعوي القضائية الخاصة بالمنقولات . لاني من اول الطريق مكنتش حابة اللجوء للقضاء لولا الظروف اللي حصلت فاخترت اني اتنازل عن حقوقي من مؤخر وخلافه لكن انا تعبت في شراء تلك المنقولات
وسؤالي بيختصر مجري الدعوي هيكون ازاي وهياخد وقت اد ايه وبما انه مش موجود هيكون التنفيذ ازاي

attiya samir 24-01-2016 10:40 PM

وانا جاوبت على حضرتك بخصوص القايمة مفيش امل فيها طالما مفيش مستند يثبت حقك

sma hany 24-01-2016 10:53 PM

يافندم القايمة معايا

attiya samir 26-01-2016 12:49 AM

((( واهله رافضين يدوني القايمة بحجة اني رافعة خلع ))) افهم انا من الجملة دى اية غير ان القايمة مش معاكى ؟؟
على العموم طالما القايمة معاكى تقدرى ترفعى قضية تبديد القايمة وقبل ميعاد الجلسة باسبوع اعملى حجز تحفظى على المنقولات اللى فى الشقة وتقدمية فى ميعاد الجلسة للقاضى علشان تاخدى صحة حجز ( لان ميعادة عشر ايام بس ) وبكدة اهلة مش هيقدرو يتصرفوا فى منقولات الشقة لحين صدور الحكم لصالحك ( لانهم ممكن يتصرفوا فى منقولات الشقة وهو كدة كدة محبوس وتاخدى حكم حبس وخلاص الكلام فاهمة قصدى )
عطية سمير سرور
المحامى
01001333654

sma hany 27-01-2016 04:37 AM

اشكرك استاذ عطية


الساعة الآن 05:07 PM.

Powered by vBulletin® Version
Copyright ©2000 - 2020, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.