إعلان

Collapse
No announcement yet.

قصيدة ( الغربة )

Collapse
X
  • تصفية
  • الوقت
  • عرض
مسح الكل
مشاركات جديدة

    قصيدة ( الغربة )



    بعد سنين فى الغُرْبَــه شافونى
    قــالولى جايب ايــــــــــه من بَرَّه
    قُلت يـــــــــــــاريتهُم لو سألونى
    أنـــــا فى الغربه بكيت كـام مَرَّه
    جبت حـــاجـــات م اللى يحبوها
    جبت فلوس ويــــاريت يـــاخدوها
    ويرُدّولى شباب ضــــــــــاع منى
    وسنين مُتْ وهما عـــــــــــــاشوها
    على ايه بس يـــاناس حاسدينى
    واشقَى مـــــــــافيكُم أسْعَدْ منى
    إنتم عِشْتُمْ أحـــــــــــلَى سنينكُمْ
    وانـــا فى الغربه ماعِشْتِشْ سنى
    أنــــــــــــــــــــا الكبير قبل أوانى
    وبختى فى الغربـــــــــــــه رمانى
    خدوا منى كُـــــــــــل اللى جَمَعْتُه
    وارجع صُغَيَّر من تــــــــــــــــانى
    أنـــــــــــــا راح عمرى ألم ودموع
    أنــــــــــــــا قَضّيتها سَفَرْ ورجوع
    وان فكــــــــــرت اضحك من قلبى
    قلب الغربــــــــــــــــه يقول ممنوع
    اتحملت يـــــــــاناس فوق طاقتى
    واتغربت فى عز بــــــــــــــــراءتى
    كتبوا لكــــــــــــــل الناس عنوانها
    وانـــــا كتبولى غريب فى بطاقتى
    تَمَنْ الغُربَـــــــــــــــه دَفَعْتُه بدمى
    بسنين فيها بعيد عــــــــــــن أُمى
    وامــــــــــــــا نويت أرجع علشانها
    رَحَلِتْ لاجل تــــــــــــــــــزَوِّدْ هَمّى
    مين فى الغربــــــه ياناس مبسوط
    مين علــــــى راحتُه ومش مضغوط
    مين واتحدى يقول مش خـــــــايف
    إنُــــــــــــــــــه بعيد عن بلده يموت
    يـــــــــــاللى بتسعَى عشان تِتْغَرَّبْ
    خُدهـــــــــــا نصيحه واوعى تجرَّبْ
    كُلها بـــــــــــــ دُقَّه فى بلدك واوعى
    من مشاوير الغربــــــــــــــــه تْقَرَّبْ
    أنــــــــــا عن نفسى ح افُكْ الطوق
    أنــــــا مش ح اقبل اعيش مخنوق
    أنـــــــــــــــا عايز ارجع على رجليا
    مش عـــــــايز ارجع فى الصندوق
    .

    #2
    شكراً لك
    قصيدة معبرة
    و من أحسن ما وجدت من التصاميم المعبرة عن الغربة و المغترب
    هذا المقطع من اليوتيوب
    و لأن صاحب الفيديو مصمم استطاع أن يوصل فكرته بطريقة جميلة مع أنها مؤلمة
    Link

    تعليق


      #3
      المشاركة الأصلية بواسطة عضو مبتدأ
      شكراً لك
      قصيدة معبرة
      و من أحسن ما وجدت من التصاميم المعبرة عن الغربة و المغترب
      هذا المقطع من اليوتيوب
      و لأن صاحب الفيديو مصمم استطاع أن يوصل فكرته بطريقة جميلة مع أنها مؤلمة
      Link
      اسعدنى مرورك الطيب
      وشكرا لك على الفيديو

      تعليق


        #4
        ما أصعب الغربة

        تعليق


          #5
          بالفعل الغربة صعبة

          تعليق

          تنفيذ...
          X