إعلان

Collapse
No announcement yet.

الاسطورة صلاح جاهين..رباعيات

Collapse
X
  • تصفية
  • الوقت
  • عرض
مسح الكل
مشاركات جديدة

    #16
    ينبوع و في الحواديت أنا سمعت عنه
    إنه عجيب .. و ف وسط لهاليب لكنه
    شقيت كما الفرسان طريقي .. لقيت
    حتي الخنازير و الكلاب شربوا منه
    عجبي !!!!

    تعليق


      #17
      يا قرص شمس ما لهش قبة سما
      يا ورد من غير أرض شب و نما
      يا أي معني جميل سمعنا عليه
      الخلق ليه عايشين حياه مؤلمة
      عجبي !!!

      تعليق


        #18
        شاف الطبيب جرحي وصف له الأمل
        وعطاني منه مقام يا دوب ما اندمل
        مجروح جديد يا طبيب و جرحي لهيب
        ودواك فرغ مني .... و إيه العمل
        عجبي !!!

        تعليق


          #19
          أعرف عيون هي الجمال و الحسن
          و اعرف عيون تاخد القلوب بالحضن
          و عيون مخيفة و قاسية وعيون كتير
          وباحس فيهم كلهم بالحزن
          عجبي !!

          تعليق


            #20
            إيش تطلبي يا نفس فوق كل ده
            حظك بيضحك و انتي متنكده
            ردت قالت لي النفس : قول للبشر
            ما يبصوليش بعيون حزينة كده
            عجبي !!

            تعليق


              #21
              إقلع غماك يا تور وارفض تلف
              إكسر تروس الساقية و اشتم وتف
              قال : بس خطوة كمان .. وخطوة كمان
              يا اوصل نهاية السكة يا البير تجف
              عجبي !!!

              تعليق


                #22
                يا حزين يا قمقم تحت بحر الضياع
                حزين أنا زيك و إيه مستطاع
                الحزن ما بقالهوش جلال يا جدع
                الحزن زي البرد ... زي الصداع
                عجبي !!!!

                تعليق


                  #23
                  الفيلسوف قاعد يفكر سيبوه
                  لا تعملوه سلطان و لا تصلبوه
                  ما تعرفوش إن الفلاسفه يا هوه
                  اللي يقولوه بيرجعوا يكدبوه
                  عجبي !!!

                  تعليق


                    #24
                    على بعد مليون ميل من أرضنا
                    من الفراغ الكوني بصيت أنا
                    لا شفت فرق بين جبال و بحور
                    و لا شفت فرق ما بين عذاب أو هنا
                    عجبي !!

                    تعليق


                      #25
                      إنسان أيا إنسان ما أجهلك
                      ما أتفهك في الكون و ما أضألك
                      شمس وقمر و سدوم و ملايين نجوم
                      و فاكرها يا موهوم مخلوقه لك
                      عجبي !!

                      تعليق


                        #26
                        نظرت فوق للنجوم و انا ساير
                        رجليا عترت في الحفر و الحجاير
                        بقيت أقول و انا ع التراب: يا سلام
                        مش بس عبره أخذت لكن عباير
                        عجبي !!!

                        تعليق


                          #27
                          يا نجم .. نورك ليه كده بيرتجف ؟
                          هو انت قنديل زيت ؟ أو تختلف
                          أنا نجم عالي .. بس عالي قوي
                          و كل ما انظر تحت اخاف انحدف
                          عجبي !!!!

                          تعليق


                            #28
                            في يوم صحيت شاعر براحة و صفا
                            الهم زال و الحزن راح و اختفي
                            خدني العجب و سألت روحي سؤال
                            أنا مت ؟ و لا وصلت للفلسفة
                            عجبي !!!

                            تعليق


                              #29
                              السم لو كان في الدوا منين يضر ؟
                              و الموت لو عدونا .. منين يسر؟
                              حط القلم في الحبر و اكتب كمان
                              .. و العبد للشهوات .. منين هو حر؟
                              عجبي !!!

                              تعليق


                                #30
                                وقفت بين شطين على قنطرة
                                الكدب فين و الصدق فيـــــــــــن يا تري
                                محتار ح اموت .. الحوت خرج لي وقالي
                                هو الكلام يتقاس بالمسطرة
                                عجبي !!!

                                تعليق

                                تنفيذ...
                                X