إعلان

Collapse
No announcement yet.

البيت الكبير

Collapse
X
  • تصفية
  • الوقت
  • عرض
مسح الكل
مشاركات جديدة

    البيت الكبير

    السلام عليكم
    أقدم اليكم كلمات بسيطه تعبر عن موضوع هام جدا بالنسبه لى وأتمنى أن تعجبكم
    كنا عايشين فى بيت كبير ------ وبيتنا كان فيه خير كتير
    أبونا كان مقامه عالى ------- وربانا على كل غالى
    كل حاجه حلمنا بيها ---------- كانت أوامر بيلبيها
    وكان كل هدفه يجمعنا -------- بنى بيت بجنينه له معنى
    عشنا معاه أجمل حياه --------وفى لحظه مات وملقناه
    راح وخد أحلامنا معاه ------ وضاع كل شىء بنأه
    مسكنا البيت وقسمناه ------- وورد الجنينه قطعناه
    الأخ بيأكل حق أخوه ------- ونسى ال كان عامله أبوه
    ولو قولنا فين حق البنات ---- قالوا حق ايه ما أبوها مات
    هبكى بدموع وهقول أهات----- لما أفتكر الأب ال مات
    والأم كان مصيرها ايه ------ قالوا الجراج تقعد فيه
    هنبكى ولأ هنعمل ايه ------- نسيب الزمان والحكم ليه
    وحقى أنا هحسبن عليه
    حنان فرج

    #2
    السلام عليكم

    قصيدة جيدة

    لكن لدى بعض الاقتراحات فى اعادة صياغة الكلمات ..... هيا نرى

    كل حاجه حلمنا بيها ---------- كانت أوامر بيلبيها
    كل حاجه حلمنا بيها ---------- كانت أوامر يلبيها

    انطقى الاولى ثم انطقى الثانية الثانية اخف على اللسان خذى برأى اصدقائك فى ذلك

    هيا نتابع

    عشنا معاه أجمل حياه --------وفى لحظه مات وملقناه
    عشنا معاه أجمل حياه --------وفى لحظه مات ملقناه

    ما رأيك بعد حذف الواو

    راح وخد أحلامنا معاه ------ وضاع كل شىء بنأه
    بدلها
    راح وساب أحلامنا تيهة ------ وضاع كل شىء بناه

    اراها جيدة كذلك, ان كان جانبنى الصواب فاعذرينى فأنا لا اجيد الشعر الارتجالى

    مسكنا البيت وقسمناه ------- وورد الجنينه قطعناه
    بدلها

    فككنا البيت قسمناه ------- وزهر الجنينه قطعناه

    نصيحة لا تضعى كلمة ورد او ورود او.... بعد واو العطف

    الأخ بيأكل حق أخوه ------- ونسى ال كان عامله أبوه
    ولو قولنا فين حق البنات ---- قالوا حق ايه ما أبوها مات
    جميلة عن جد
    تسلمى

    هبكى بدموع وهقول أهات----- لما أفتكر الأب ال مات
    هبكى بدموع وهقول أهات----- لما أفتكر الأب مات

    والأم كان مصيرها ايه ------ قالوا الجراج تقعد فيه


    شوفى حاجة غير الجراج دى بالله عليكى

    لى بعض النصائح اختى اذا اردتى العمل بها فاعملى وان ابيتى فتذكريها

    حاولى الا تضعى واو العطف كثيرا خاصة فى الشعر
    قللى من الحروف بين الكلمات
    استخدمى اكثر من مترادف للمعنى الواحد ثم اختارى الافضل
    حاولى ان تلعبى بالكلمات فلها مذاق خاص
    اخيرا عند كتابة الموضوع تأكدى من الحروف لان الموضوع به حروف ساقطة عند الكتابة (اعتقد انك تكتبين بسرعة)


    جزاك الله خيرا اختى الكريمة حنان

    القادم سيكون افضل بأذن الله

    تحياتى اليك

    تعليق


      #3
      السلام عليكم
      أخى الفاضل ibrahim elhossainy بشكرك جدا جدا لمرورك بهذه الكلمات وبشكرك أكثر لكافه الاضافات التى بالتاكيد هى أجمل وتعطى معنى أفضل وبالتأكيد معك حق وأحب أن أعرف سيادتكم أننى لم أدرس الشعر ولا أعرف قواعد الكتابه أنا فقط تمر بى أحداث فأعبر عنها دون الالتزام بأى قواعد وقوانين وبحاول فقط المحافظه على القافيه ولكن بعد كل هذا التعليق الرائع حضرتك بتقول انك لا تجيد الشعر الارتجالى فمن يجيده اذن شكرا لتواضعك
      بالنسبه لبيت الأم فهذا ما كان سيحدث بالفعل ولعلم سيادتكم كل كلمه كتبتها حدثت فى الحقيقه ولكن سأحاول أجد مكان أفضل من الجراج للسيده الوالده ان شاء الله وأعد سيادتكم بأننى سأحاول العمل بكل النصائح وأهمها عدم الكتابه بسرعه وعدم استخدام حرف العطف وفى النهايه بفضل كل من يعطينى شىء أتعلمه سأكون أفضل باذن الله
      السلام عليكم

      تعليق

      تنفيذ...
      X