إعلان

Collapse
No announcement yet.

التخلف عن التجنيد (لوجود عذر مستقبلي) ارجو رد المستشار جمال

Collapse
X
  • تصفية
  • الوقت
  • عرض
مسح الكل
مشاركات جديدة

    التخلف عن التجنيد (لوجود عذر مستقبلي) ارجو رد المستشار جمال

    السلام عليكم ورحمه الله وبركاته

    كل عام وانتم بالف خير

    كنت عايز استفسر عن حاجه لو سمحتوا ..

    انا قدمت ورقي للتجنيد وعملت كل الكشوفات اللازمه واخدت لائق وكنت مترشح ظابط ورحت كشف الهيئه والحمد لله نزلت عسكري .. مع العلم اني لسه ماستلمتش كارنيه ولا سمعت سلاح ولا اترحلت

    و مكنتش اعرف حالات التاجيل وفوجئت ان والدي هيتم الـ 60 سنه في شهر 2/2015 يعني بعد 4 شهور تقريبا وانا اكبر من اخويا ب 7 سنين يعني هو لما يتم ال 21 هكون انا تقريبا 29 سنه و 9 شهور

    طبعا لما عرفت ان انا كده كبير عيله وليا تاجيل سالت وقالولي المفروض مكنت اقدم ورقي واستنى شهر 2 واروح اجيب التاجيل

    في واحد في منطقه التجنيد برتبه مساعد اول كان ابن حلال قالي متجيش تسمع سلاحك ولا تيجي يوم الترحيل واتخلف لحد شهر 2 وتعالا قدم ورقك وخد الاعفاء

    طبعا انا خايف جدا يكون الراجل بيضللني مع اني وانا خارج سالت موظف الاستعلامات وقالي برضو انت المفروض مكنتش تقدم ورقك من الاول وعادي لو اتخلفت مفيهاش اي ضرر ... بس برضو انا قلقان من المحاكمات العسكريه وخلافه

    السؤال هنا هل لو اتخلفت عن موعد الترحيل ورحت قدمت اوراقي في شهر 2
    علشان اخد التاجيل هكون في حكم الهارب من التجنيد وهيقع عليا عقوبه؟
    ولا هكون في حكم اللي اتخلف عن دفعته ؟

    ارجو الافاده لان ميعاد ترحيلي بعد ايام معدوده

    وشكرا مقدما

    #2
    ايوة يا ريت رد و النبى لانى نفس الحالة بس والدى هيتم ال 60 ف شهر 2 2016

    هل لو كدة تخلف هيرفضوا الطلب و لا ايه بالظبط طمنونا ؟

    تعليق


      #3
      عليكم السلام

      من حقك التقديم من الان حتى ولو لم يكمل والدك
      سن الستين وستعتبر أنت العائل الوحيد لأخوك
      الطالب ... ما دام أن والدك تعدى 55 سنة ...
      واقترب من المعاش ...............

      تعليق


        #4
        المشاركة الأصلية بواسطة gamal gamal
        عليكم السلام

        من حقك التقديم من الان حتى ولو لم يكمل والدك
        سن الستين وستعتبر أنت العائل الوحيد لأخوك
        الطالب ... ما دام أن والدك تعدى 55 سنة ...
        واقترب من المعاش ...............

        سيدي الفاضل .. لقد ذهب اليوم الى منطقه التجنيد لتقديم اوراقي من قيد عائلي وشهادات ميلاد اخوتى وخلافه

        ولكن الموظف رفض اخذ الورق وطلب منى العوده في شهر 2 بعد ان يتم والدي الـ 60

        ميعاد سماع سلاحي يوم الثلاثاء المقبل .. والترحيل الاربعاء

        هل يمكنني التخلف حتى شهر 2 ثم الذهاب لتقديم اوراقي كما قال لي العديد من الناس ؟؟ ام اننى ساعد هاربا ؟

        ارجو افادتي لاني اعيش في قلق دائم خشيه من المحاكمات العسكريه

        وشكرا مقدما

        تعليق


          #5
          اذا تحلفت عن موعدك فسيسقط حقك في الاعفاء
          لذا يمكنك الدخول ثم طلب الاعفاء ساعتها ...

          تعليق


            #6
            المشاركة الأصلية بواسطة gamal gamal
            اذا تحلفت عن موعدك فسيسقط حقك في الاعفاء
            لذا يمكنك الدخول ثم طلب الاعفاء ساعتها ...

            شكرا على ردك سيادة المستشار ..
            ولكن هل انت متاكد بنسبه 100 % من سقوط وجه الاعفاء في حاله تخلفي ؟؟

            تعليق


              #7
              احد الاعضاء له تجربه سابقه في عدم سماع السلاح والترحيل ولم يذهب منه وجه الاعفاء

              https://www.damasgate.com/cloud/node/2040866

              ارجو الافاده

              تعليق


                #8
                المشاركة الأصلية بواسطة Ahmedmak111
                احد الاعضاء له تجربه سابقه في عدم سماع السلاح والترحيل ولم يذهب منه وجه الاعفاء

                https://www.damasgate.com/cloud/node/2040866

                ارجو الافاده
                كلام مظبوط .. انا نفس موقفك بس والدى هيوصل 60 ف شهر 2 2016 و سالت مدير تجنيد المنصورة و قالى نفس الكلام استنى و متسمعش سلاح و لا ترحيل و الكلام ده و روح قدم ورقك عاادى و مش هيحصل حاجة .. و تجربة احد الاعضاء دى بتأكد الكلام اللى بنقوله

                تعليق


                  #9
                  المشاركة الأصلية بواسطة h federer
                  كلام مظبوط .. انا نفس موقفك بس والدى هيوصل 60 ف شهر 2 2016 و سالت مدير تجنيد المنصورة و قالى نفس الكلام استنى و متسمعش سلاح و لا ترحيل و الكلام ده و روح قدم ورقك عاادى و مش هيحصل حاجة .. و تجربة احد الاعضاء دى بتأكد الكلام اللى بنقوله
                  انا برضو سالت عميد في منطقه الزقازيق وقالي الموضوع اختياري لو عايز تروح روح .. لو مش عايز براحتك
                  مفيش اي ضرر طالما هيبقى معاك وجه للاعفاء

                  تعليق


                    #10
                    المشاركة الأصلية بواسطة Ahmedmak111
                    انا برضو سالت عميد في منطقه الزقازيق وقالي الموضوع اختياري لو عايز تروح روح .. لو مش عايز براحتك
                    مفيش اي ضرر طالما هيبقى معاك وجه للاعفاء
                    الله ينور عليك بالظبط ده نفس الكلام اللى سمعته .. قالى انت هيبقى معاك الحق ف الاعفا .. اللى محيرنى بس موضوع ال 110 لما هياخدوها و هيلاقوها 2014 ف مش عارف هيسألونى مجتش ليه و اتخلفت ليه ولا هيطنشوا .. مش عارف .. بس اما سالت مدير التجنيد قالى عادى مفيهاش حاجة

                    تعليق


                      #11
                      نعم العبرة بحقك في الاعفاء وقت
                      استحقاقك للتجنيد ...
                      ولا عبرة بما يستجد بع ذلك من أسباب

                      هذه الخلاصة .......... وأنت حر فيما تقرره ...

                      تعليق

                      تنفيذ...
                      X