إعلان

Collapse
No announcement yet.

لماذا لا نكون ايجابيين

Collapse

Unconfigured Ad Widget

Collapse
X
  • تصفية
  • الوقت
  • عرض
مسح الكل
مشاركات جديدة

    لماذا لا نكون ايجابيين

    الذى سارويه لكم حقيقة حدثت معى
    انا عندى سيارة فولكس جيتا 2010 منذ ان اشتريتها وكل يوم تنسرق منها قطعة مرة العلامات ومرة غطاء الجنط الاسبور وعدد كثير من المرات غطاء السيارة 0

    بالامس فى حوالي الساعة السادسه صباحا بعد ان قمت بصلاة الفجر وجلست في البلكونه اقرا قران فجاة وجدت شخصين يتجهان صوب سيارتى ويحاولون فك غطاء الرشاشات اللي موجود فى الاكصدام الامامي وبالفعل فك القطعة الاولي امام عينى وعندما قام بمحاوله فك القطعة الثانية مرت سيارة فتوقف وعندها نزلت من منزلي لكى الحقة ولكنى ساكن فى الدور التاسع ----- المهم عندما وصلت كان انتهي من فك الجزء الثاني وجرى باتجاة الشارع الرئيسي ووجدت سيارة مرسيدس منتظراة موديل 80 تقريبا بدون لوحات المهم لم الحقة فرجعت لسيارتى لمطاردتة ولكنه كان قد فلت ولم اجد السيارة فتوجهت الي قسم الشرطة القريب واخبرتهم بما حدث فقالوا لى احنا هنعمل لك ايه العربية بدون نمر ولم تستطيع ان تمسك حد منهم والحرامي بشيلته .
    المهم خرجت من القسم محبط بعد ان رفضوا تحرير محضر بما حدث واخذت ادور فى الحي اللى ساكن فية عن السيارة المرسيدس وبالطبع لم اجدها فرجعت الي المنزل وفى طريق عودتى رايت الشخصين اللذين كانوا بيفكوا غطاء الرشاش من السيارةالمهم اتجهت لهم بسيارتي وعندما راوا السيارة هربوا كل واحد فى اتجاة علي فكرة انا سني كبير يتعدى الخمسين عاما المهم اخترت واحد منهم واخذت فى مطاردتة الي ان تمكنت من خبطة باكصدام السيارة فوقع على الرصيف ونزلت من السيارة على الفور لكى امسكة المهم بدا فى الصياح ولكنى بادرته بقلم على وجهه واوهمتة بانني ضابط امن دوله المهم الولد سنه حوالي 27 عاما فاخد يعيط ويستعطفني ان اتركه المهم تجمع الناس وتعاطفوا مع الولد مش عارف ليه المهم اقلت له ماشى هاسيبك بس اشوف بطاقتك فاخرج بطاقته فتمكنت ان ا حفظ اسمه وعنوانه المهم توجهت على الفور الي قسم الشرطة واخبرتهم بما حدث ومعايا الاسم والعنوان وكتبتهم علي ورقة وسلمتها لملازم فى القسم فقال لي ماشي لما ييجى ضابط المباحث نعمل محضر هو بييجى الساعة 11 صباحا --- المهم رحت القسم فى الساعة 11 وسالت عن الضابط فقالوا لى لسه ماجاش فطلبت مامور القسم فرفضوا دخولي له المهم هددتم بانني سوف اتجة الي مفتش الداخليه ومدير الامن فسمحوا لي بمقابله المامور وبصراحة طلع رجل محترم جدا وعاقب ضابط المناوب الملازم لانه لم يحرر لي المحضر عندما جئتة فى المرة الاولي بدون اسماء وطلب حضور ضابط المباحث علي الفور من منزله فحضر وتم ضبط التنظيم العصابي الخاص بسرقة السيارات --- المهم هناك عدد من السلبيات وهو تعاطف الناس مع الحرامي واحد بيقول يعنى علامه العربيه مش بتزيد عن 10 جنيه عايز تودى الواد القسم علشان 10 جنيهات (( علي فكرة انا اشتريت علامه الفولكس ب 95 جنيه )) وواحد بيقول حرام اصل الشباب مش لاقى شغل ولا علشان انتم معاكم عربيات غالية ومرتاحين مش حاسين بالناس وضابط القسم اللي رفض تحرير محضر علشان سرقة علامه عربية
    يعنى هو علشان الناس مش لاقيه شغل تسرق
    ولا علشان انا راكب عربيه غاليه اتسرق يعني هو انا مش تعبان فيه وفي ثمنها شغل 20 سنه خارج بلدي
    مش عارف والله اقول ايه ماهو اللى هيسرق الغني بكرة يسرق ويقتل الفقير واحنا بنشوف الناس اللي بتقتل اطفال علشان الطفلة لابسه حلق يمكن ثمنه مش يزيد عن 100 جنيه
    لابد وان نكون ايجابيين لما نلاقي حرامي نمسكة ونسلمه للشرطة ايا كانت سرقتة --- لانني مش معقول ان الشرطه تضع ورا كل فرد فى المجتمع عسكري -- كمان احد ضباط الشرطه قال لي انت زعلان ليه ما عربيتى وانا ضابط سرقت علاماتها
تنفيذ...
X