إعلان

Collapse
No announcement yet.

6 - ويندوز 2003 سيرفر

Collapse

Unconfigured Ad Widget

Collapse
X
  • تصفية
  • الوقت
  • عرض
مسح الكل
مشاركات جديدة

    6 - ويندوز 2003 سيرفر

    الحمد لله والصلاة والسلام على رسول الله

    اليوم ان شاء الله وبعد ما جهزنا جهاز ال Client ونزلنا عليه نسخة XP ح نجهز السيرفر اللي ح يكون Domain Controller وح ننزل عليه نسخة 2003 Server .
    قبل ما نشتغل نجهز النسخه وبغض النظر عن تقسيمات الويندوز سيرفر ح نبعد عن ال Web edition لانها ضعيفه وممكن نختار standard edition ومادمنا مش دافعين فلوس يبق الاحسن enterprise edition و بالنسبة للـ data center edition صعب جدا تلاقيها او تشتريها
    المهم النسخه اللي نشتغل بيها ماتكونش متعدله , يعني ماينفعش اجيب سي دي مكتوب عليه Motawa7ish server 2003 واشتغل عليها , لازم تكون النسخه اصليه او منسوخه من اسطوانه اصليه وما حصلش عليها اي افتكاسات ب N Lite او غيره اللهم الا اذا حبيت تعمل لها ملف SIF بنفسك و بالبرنامج الاصلي بتاع الويندوز لكن من غير نزع مكونات او ضغط او ان النسخه تكون 13 في 1
    طبعا نلاحظ تقسيم الهارد و التركيز الشديد وياريت الهارد كله يتفرمت علشان نكون متطمنين لان في اغلب الاحواب الجهاز اللي بيتعمل domain controller ما بيتغيرلوش ويندوز الا لما الـ IT Dept. كلهم يترفدوا مره واحده علشان كده لازم ننسى خالص حكاية ويندوز كل اسبوع
    وبالمناسبه ح نتعود يكون معانا كشكول او اجنده بنكتب عليها كل حاجه اتعملت على الجهاز من اول نسخة الويندوز و بعدين كل التعديلات اللي تمت والكشكول ده ح ينفعنا جدا جدا في حالة اي مشكله او لو حبينا نرجع الوضع لحاله معينه
    قبل ما نبتدي احب انصح بان الجهاز اللي يتعمل Domain Controller لازم يكون brand وياريت على الاقل يكون Server Family ( مش شرط يكون دبابه من ابو 10 الاف دولار) لكن على الاقل سيرفر فاميلي وده سعره فوق الالف دولار بشويه يعني قريب من سعر التجميع لكن مجرد المقارنه بين ال Fan بتاعته وبتاعة التجميع ح تعرف السبب

    فدي fan من اللي بنستخدمها ونجيبها من ال mall



    ودي fan جهاز brand



    ح تقول انا في ترتيبي اني ما اشغلش السيرفر على طول واني اقفله بالليل ح ارد عليك انك ماتعرفش ظروف شركتك بعدين ح تكون ايه جايز تضطر انك تخلي السيرفر online 24 ساعه وساعتها لو السيرفر بتاعك local Assembled ابقى قوللي ادور لك على شغل معايا .
    طيب مواصفة السيرفر ح تجيبها ازاي ؟ ماتتكسفش انك تسال اصحابك وفي المنتديات وشركات الكمبيوتر ( بس اكتر من شركه ) والمهم انك تركز على السعه علشان اكيد ح تستخدم اكتر من هارد , ولو الميزانيه محدوده ما تتخدعش بال Tape Backup لانه خلاص راحت عليه و كذلك الهاردات ال سكازي لانها غاليه جدا جدا , والمهم انك تتاكد ان السيرفر اللي ح تختاره موجود له Drivers متوافق مع windows 2003 server
    نبدأ بسم الله


    نضع السي دي البوتابل في السي دي روم ( او نعمل لها mount اذا كنا بنشتغل على برنامج Virtual PC ) وتظهر لنا اول شاشه نضغط اي زرار بسرعه



    ونكمل مع نفس خطوات اعداد الاكس بي











    واخيرا
    نبدا في تقسيم الهارد
    نختار البارتيشن المطلوب الغاؤه ونضغط D للالغاء




    طبعا ناخد بالنا من نقطه مهمه جدا اننا ما نعملش Dual system على السيرفر وبخاصة لو كان Domain controller لاغراض ال security يعني ما يكونش على الجهاز الا نسخة الويندوز سيرفر اللي شغالين عليها
    تاني حاجه اكرر اننا نكون حذرين جدا هنا ونتاكد ان مافيش data مهمه على الهارد او بارتيشن عايزين نحافظ عليه
    نختار البارتيشن
    ونضغط D
    رسالة تاكيد



    نحدد المساحه المطلوبه لانشاء البارتيشن ونضغط Enter



    تم انشاء البارتيشن , نضغط Enter لبدء اعداد الويندوز سيرفر على هذا البارتيشن



    اختيار ال File system وطريقة الفورمات ( اكيد NTFS ) ما ينفعش FAT لل DC



    جاري الفورمات



    بعد الفورمات نسخ الملفات



    بالمناسبه المرحله دي اسمها text mode



    مش ح نضايقه , سيبوه براحته



    ح يخلص ويعمل ريستارت



    خلص وبيعمل ريستارت



    واخيرا GUI وح نقدر نستخدم الماوس



    طبعا مالناش دعوه بالعداد



    ويندو عجيبه مالهاش اي لازمه بس مجرد التنبيه , نضغط next



    ونريح شويه



    اعدادات اللغه المهمه جدا ( اللي ذاكرناها في الاكس بي )



    نختار Languages tap



    وبعدين نعلم على right to lift وبعدها ضروري apply وبعدين Details



    كده نقدر نضيف ال keyboard العربي





    وطبعا Ok



    نتاكد من ظهور ال keyboard وبعدها Ok



    مهم جدا الترميز والا ح نقابل مشاكل في قراءة العربي



    وبعدين Ok



    واخيرا next



    اسم المستخدم والشركة و بعدها Next



    طبعا ما ننساش ال CD Key ونيجي بعدها لحاجه مهمه جدا هي ال CAL



    ايه المقصود بال CAL ؟هي اختصار ل Client Access License لو فهمت حاجه ابقى قابلني
    الحكايه باختصار ان مايكروسوف بتبيع لك ترخيص الويندوز لاستخدامه على جهاز ال client اللي ممكن يستخدمه جوه الشبكه ( مثلا ترخيص Windows XP ) و كمان ح تبيع لك ترخيص الويندوز سيرفر الخاص بال Domain Controller اللي ح يدير الشبكه (مثلا ترخيص Windows Server Enterprise 2003 ) حلو كده ؟
    لكن علشان ال client يشوف ال domain controller ويدخل عليه ويستفاد منه كسيرفر للشبكه ما ينفعش من غير ترخيص ثالث اسمه CAL ( يعني زي كده وصلة السخان ) شفت ازاي , وطبعا ال CAL بتكون نوعين نوع على جهاز ال client او نوع مركزي على السيرفر ونركز في النوعين دول
    النوع الاول : Per server وفيها بيكون الترخيص مركزي بمعني اننا بنخطر السيرفر بعدد التراخيص ال CAL الممنوحه ( 10 على سبيل المثال ) ووقتها فان السيرفر بيسمح لعدد من الاجهزه مطابقه لعدد التراخيص بالتعامل معه بغض النظر عن عد الاجهزة على الشبكة و لكن العبرة بالمتصل فعلا ( concurrent connection) ودي الميزه في هذا النظام انك لن تلتزم بشراء تراخيص للعدد الكلي لاجهزة الشبكة ولكنك تشتري تراخيص بعدد الاتصالات اللحظيه , ح اوضحها لك نفترض ان عندك 20 client و نصف الاجهزه بيشتغل ورديه صباحيه و النصف الاخر بيشتعل ورديه مسائية ففي هذه الحالة لن تكون مطالبا بشراء 20 ترخيص ولكنك ستقوم بشراء 10 فقط وهو ما يعادل الحد الاقصى لعدد الاجهزة المتصله بالشبكة في اي لحظة , طيب لو افترضنا ان احد اجهزة الورديه المسائية قام المستخدم بتشغيله في الورديه الصباحيه وحاول الدخول على الشبكة هنا حالتان الاولى ان يكون عدد الاجهزة المتصله تقل من 10 و بالتالي ففي هذه الحاله يستطيع هذا الجهاز الدخول على الشبكة اما الحالة الثانيه فانه لو كانت الاجهزة الصباحية كلها متصله فساعتها سوف يكون رقم هذا الجهاز هو 11 وبالتالي فلن يستطيع الدخول على الشبكة الا بطريقة من اثنين الاولى ان ينتظر حتى يقوم احد الاجهزة العشرة بالخروج من الشبكة ويدخل الافندي مكانه والطريقة الثانية ان يتم اضافة ترخيص على السيرفر من ال Administrative tools ويصبح عدد التراخيص 11 وبالتالي يستطيع الجهاز الدخول على الشبكه
    النوع الثاني : ان يتم تحديد التراخيص على اجهزة ال client بحيث يصبح كل client حامل ترخيص دخوله على الشبكة وهذا النوع يعتبر مفيد في حالة وجود اكثر من سيرفر على الشبكة وبالتالي يستطيع الكلاينت الدخول على اي سيرفر دون شراء تراخيص اضافيه
    وباختصار اذا كنت شغال بطريقة ( حالف ولا أبطله ولا أشتريه ) فالجأ للطريقة الاولى وبحبح ايدك في عدد التراخيص



    اسم الجهاز وكلمة السر وطبعا تستطيع تغيير اسم الجهاز بعد انتهاء تنزيل الويندوز



    اعداد الوقت



    ياريت نشغل وقتنا بالتسبيح والاستغفار





    الموضوع طويل وممكن تسيبه وتنام







    طبعا ح يخلص ويعمل restart





    واخيرا



    نضغط alt+ctrl+del



    وندخل كلمة السر





    واخيرا



    طبعا ال wizard ده ممكن تستخدمه لو هربت منك الامور لكن دلوقتي ح نقفله



    ومبارك عليكم النسخه



    اللهم لا تجعلنا من الاخسرين اعمالا
    والله المستعان
    سبحانك اللهم وبحمدك , أشهد ألا اله الا أنت , أستغفرك وأتوب اليك

    #2
    السلام عليكم ورحمة الله وبركاته
    يسعدني ان اكون من اول من يرد علي هذه المشاركه
    و هحاول ادور علي النسخه دي وانزلها
    ورمضان كريم

    تعليق


      #3
      معلومات قيمة أخي الحبيب sharara بارك الله فيك .

      ورمضان مبارك علينا وعليك وكل عام وانت بخير .

      تعليق


        #4
        جزاك الله خيرا
        ورمضان مبارك علينا وعليك

        بصراحة شرح فوق الممتاز
        سؤال سريع

        لماذا تختار حذف البارتشين بدل من الفورمات في تنصيب الوندوز

        تعليق


          #5
          جزاك الله ألف خير على هذه الدروس الرائعة والمفيد
          تقبل الله منا ومنكم العمل الصالح

          تعليق

          تنفيذ...
          X