أستغفر الله العظيم ,, اللهم لك الحمد



العودة   منتديات داماس > برامج الكمبيوتر والانترنت > إدارة الشبكات و حلول ومشاكل الشبكات


مواضيع مميزة  


آخر عشرة مواضيع المواضيع النشطة


19-09-2007, 10:19 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #1  

7 - افرش الارض رمل للدومين


الحمد لله والصلاة والسلام على رسول الله

بسم الله ح نبتدي النهارده اعداد جهاز السيرفر ( نفرش الارض رمل ) قبل ما ننزل عليه Active Directory علشان نخليه Domain Controller او اختصارا DC
تجهيزات ايه دا المفروض ان عندنا جهاز نازل عليه 2003 server ؟
فيه بعض الاعدادات لازم نعملها قبل ما ننزل ال Active Directory على الجهاز و نخليه DC ودي ح تخلي اعداد ال DC اسهل ما يمكن وباذن الله تنهي احتمالات الخطأ , وهذه الاعدادات هي :-

- الغاء شاشة Shutdown Event Tracker
- الغاء ال Automatic Update
- اضافة ال DNS و ال DHCP
- أدخال Static IP لكارت الشبكه
- اضافة حزمة ال Admin. Tools كامله
- تجهيز بارتيشن منفصل لملفات ال Active Directory وال Paging File
- نقل ال Paging File

والامر ما يخلاش اننا في النص ح ناخد كذا معلومه مفيده علشان كده مش ح نقرأ اللي بين السطور لأ احنا محتاجين نقرأ السطور بتركيز وبسم الله نبتدي


شاشة Shutdown event tracker
___________________
لما فكرت ميكروسوفت في الشاشه دي كانت تقصد ان السيرفر المفروض ما يتقفلش ولو اتقفل اكيد فيه سبب طاريء او صيانه مخططه وبالتالي فلازم في حالة ما يتعمل shutdown او restart للسيرفر لازم نكتب سبب حتى يتوافر لدينا قاعده بيانات عن اداء السيرفر وعلشان كده مهما حاولت مش ح ينفع تقفل السيرفر الا لو خلصت من شاشة ال Shutdown event tracker ودي علشان تختفي وتكمل اغلاق لازم تكتب فيها في خانة comment اي حاجه ولو كانت بللم .

الارض للدومين

طبعا الشاشه دي مشاكلها كتير ( من وجهة نظري ) ومنها انك لو عايز تظبط اي برنامج علشان يعمل shutdown او restart للسيرفر في وقت معين طبعا الافندي ده ح يعصلج الموضوع وكمان احيانا لما بتكون فيه مشكله على السيرفر ما بتكونش طالبه ان تتطلع لك شاشه مالهاش لازمه تقولك انت عايز تقفل ليه.
اغلاق الشاشه ممكن يتم من الجروب بوليسي لكن احنا ح نستعمل الطريقة الاسهل وهي برنامج مجاني اسمه Windows server 2003 optimize tool و الباتش ده موجود على النت على softpedia.com ونتعود من النهارده اننا نتعب شويه وندور و نبحث و نجوجل يعني ما الاقيش حد يقول انا عايز البرنامج ده او مش عارف الاقيه او تعبت , بص يابني انت المفروض بتتجهز علشان تكون IT يعني الناس في المكان اللي ح تشتغل فيه هما اللي ح يسألوك عن برامج او حلول فلو من الاول ح تقضيها زهق يبقى احسن لك تشوف لك شغلانه تانيه و بلاش تضيع وقتك مع الكمبيوتر وبخاصة انك لما تدخل مجال ال IT ح تلاقي المعلومه في المجال قليله وللاسف اللي عنده خبره ما بيطلعش المعلومه بالساهل ( مش زي المنتديات ) , ليه ؟ لان المعلومه اللي عنده ممكن يقعد يشتغل بيها 10 سنين على الاقل من غير ما حد يطلب منه انه يطور نفسه بمعنى انك لو تابعت معايا الدورة دي و فعلا ربنا وفقك واشتغلت في شركة وطبقت فيها اللي درسناه و قامت الدنيا عندك قدامك على الاقل 10 سنين لما حد يفكر انه يطلب منك تطور الدنيا في الشبكه , ما تستغربش لاني اعرف ناس لسه شغاله بويندوز ان تي فلو فضلت شغال سنين ما حدش ح يفكر يقولك طوُر ( الا اذا كنت انت زي حالاتي مغامر وغاوي اختراعات وكل يوم جديد ) فلما يكون الانسان طموحه محدود وبيبص للموضوع انه وظيفه مش متعه مافيش داعي يتعب نفسه ويذاكر ويدور ويطور كل اللي ح يعمله انه يقفل المعلومه على نفسه ( حتى على الفريق اللي معاه ) ولو فرض ان الادارة طلبت منه التطوير يرد بالاجابة بتاعة مراكز صيانه : لأ بلاش احسن الجديد بيعمل مشاكل
معلهش سرحت بيكم شويتين ونرجع للخلاصه انك لازم تجوجل ( تدور في جوجل ) على اي حاجه وكل حاجه واعتقد ان وجود جوجل ما خلاش فيه حجه عند حد
نرجع للبرنامج

الارض للدومين

دابل كليك

الارض للدومين

ح نختار الخيار الاول فقط
طبعا البرنامج رهيب وامكانياته كتير لكن بلاش لعب كتير في النسخه دي لانها DC

الارض للدومين

وبعدين Quit
وكده نبقى خلصنا

الارض للدومين

و نجرب نعمل ريستارات وكده نكون خلصنا من الشاشه الفظيعه المريعه




اغلاق ال Automatic Update
___________________
طبعا ح نلاقي اللي قول ازاي نقفل الاوتوماتيك ابديت اذا كان نسخة سحلول اكس بي اللي ع النت بتفتخر بانها ابديت لغاية اخر نفس , باختصار اذا كنت بتشتغل بنسخه غير اصلية وعندك استعداد ان ال DC في يوم يهيس او يضرب او تطلع لك يافطه طويله عريضه انه مش اصلي ! يبقى انت غلطان لو قفلت الابديت .
ماعلينا اول ما بنفتح الويندوز بنلاقي على الشمال ظهرت رساله الاوتوماتيك ابديت ( مفعل تلقائيا )

الارض للدومين

نظغط على رسالة ال Update
تظهر لنا شاشة خصائص ال Automatic Update

الارض للدومين

نختار more options ثم نختار اغلاق ال Automatic update

الارض للدومين

للاسف لم تنتهي المهمه فلابد من اغلاقه نهائيا وذلك عن طريق اغلاق ال Service الخاصة به نهائيا فالبرامج في ال NT ( وال 2003 من عائلة NT ) لها خاصية ان تعمل ك Service مما يتيح لها العمل تلقائيا حتى بدون ان تقوم بالدخول على الويندوز فبمجرد وقوف الجهاز على شاشة ال Login فتاكد ان ال Service يعمل ولا حاجه لقيامك بادخال Username او Password , المهم انه لاكمال المهمه يجب ان نغلق السيرفس الخاصة بها وذلك كالتالي

الارض للدومين

موجوده ضمن ال Admin. Tools
نختار services
ومن Services نختار Automatic updates ودابل كليك عليها

الارض للدومين

نجدها Automatic اي ان السيرفس الخاصة بها ستعمل اوتوماتيكيا كلما تم تشغيل الويندوز

الارض للدومين

نغير الخاصية الى Disable
وطبعا بعدها OK
وهكذا تم القضاء على ال Automatic Update
وياريت نتسلى كده ونتفرج على ال service حتى على نسخة اكس بي ونتابع البرامج اللي بننزلها على الجهاز بتضيف services ايه , بصراحه جزئية شيقه وهامه جدا جدا



اضافة ال DNS و ال DHCP
___________________
ما ينفعش يكون عندك دومين من غير خدمة DNS وهي اللي بتقول ان ال IP رقم كذا المقصود بيه الجهاز اللي اسمه كذا
وطبعا كمان الامر ما يخلاش من DHCP اختصارا لكلمة
Dynamic Host Configuration Protocol
والمقصود بيها باختصار نفترض ان عندنا شبكه و طبعا علشان الاجهزة تشوف بعضها على الشبكة لازم ندي لها ال IP بطريقه تسمح انهم يشوفوا بعض طيب لو اجهزة الشبكة قليله ح نقعد على كل جهاز ونديله ال IP بتاعه , طيب لو عندنا 100 جهاز ح نعمل ايه ؟ ح نستخدم خاصية DHCP ودي معناها اننا نخلي جهاز معين في الشبكة مسئوليته انه يوزع اي بيهات على اي جهاز يدخل الشبكة و طبعا الاي بيهات بتكون من Range معين احنا بنظبطها فيه .
طيب احنا المفروض قبل ما نحول الجهاز ل DC لازم ننزل ال DNS و ال DHCP على الجهاز لانها ما بتكونش موجوده من نفسها مع النسخه وهي بتنزل
طيب علشان نضيف components للويندوز بنضيفه من Add or Remove program
اللي موجوده في ال control panel

الارض للدومين

وبعدين

الارض للدومين

مش محتاجه شرح

الارض للدومين

الارض للدومين

نختار Details من Networking services ثم نختار DNS و DHCP

الارض للدومين

الارض للدومين

و OK وبعدها Next

الارض للدومين

الارض للدومين

الدنيا ضلمت ! بيسالك عن source الويندوز

الارض للدومين

طبعا كل الملفات اللي بيتسئل عليها بالطريقة دي موجوده على فولدر I386

الارض للدومين

نعمل Browse لغاية فولدر I386 داخل اسطوانة الوندوز

الارض للدومين

الارض للدومين

ونسيبه يكمل لغاية ما يخلص ونكون خلصنا

الارض للدومين

الارض للدومين



أدخال Static IP لكارت الشبكه
___________________
علشان ننزل الاكتيف دايركتوري على جهاز لازم يكون الجهاز ده متعرف له Static IP طبعا الوضع ال Default بعد ما بننزل الويندوز بيكون Dynamic IP وده بيكون مقبول بعد كده لما ال DC بيشتغل ويبتدي يوزع Dynamic IP من للاجهزه اللي بتطلب وده من خلال DHCP لكن بالنسبه لل DC فلازم يكون له Static IP لانه ( الماسوره الام ) وطبعا ح يكون IP مميز وح نعرف الدنيا بتمشي ازاي
المهم كليك يمين على ايقونة My Network Places

الارض للدومين

وطبعا لو الايقون مش موجوده بنظهرها من كليك يمين على اي مكان فاضي في الديسك توب ونختار Properties و منها نختار Desktop وبعدين Customize desktop ونحدد اللي عايزين نظهره على ال Desktop

وكمان بعدها كليك يمين و قبل ال Properties اقترح اننا نغير اسم ال Connection وبالذات لو عندنا اكثر من كارت في الجهاز

الارض للدومين

الارض للدومين

وبعد تغيير الاسم نختار المره دي Properties

الارض للدومين

نعلم على اختيار اظهار ال Icon الخاصة بال connection واعتقد انه ما ينفعش انك تشتغل على Network وانت مش شايف ايقونة الكونيكشن جنب الساعه

الارض للدومين

طبعا بالخبره ح تلاقي انك من اضاءة ايقونة الشبكه بتعرف الباكيت رايح ولا جاي وبتحس ان الامور شغاله و لا لأ و بتحس ان الاجهزة بتتكلم مع بعضها , ما تستغربش وبكره تصدقني .
ما علينا نختار TCP/IP ونضغط على Properties

الارض للدومين

طبعا هي على الوضوع الافتراضي DHCP ح نختار ال Manual

الارض للدومين

ونركز هنا شويه
احنا بيهمنا في الايبيهات اننا نعرف ازاي نختار الايبيهات وطبعا بعيد عن موضوع ال Subnetting وازاي نحسب ال subnet ح نعرف ان الاي بي وهو التعريف بتاع اي جهاز على الشبكة بيتكون من اربعه اجزاء octet وكل octet بيسمح لغاية 3 ارقام و بيكون بالشكل ده
xxx . xxx . xxx . xxx
طيب نقدر نحط اي ارقام
لأ لأن ارقام الي بي بتتقسم في العموم الى 3 فئات classes ( وحنطنش الرابعه D ) وبيكونوا متحددين كالتالي

الارض للدومين

يعني لو احنا قلنا ان الشبكة من ال class C يبقى اول 3 octet بتعبر عن الشبكة Network ID و دي بتكون موحده في كل اجهزة الشبكة ويكون ال 4th. Octet هو اللي بيميز كل جهاز عن التاني Host ID و خد عندك مثل
جهاز هشام 192.168.1.112
جهاز حسام 192.168.1.114
يبقى ال network بتاعنا بيمثله 192.168.1 وجهاز حسام رقمه 114 وجهاز هشام رقمه 112
طيب نقدر نستخدم اي ارقام ؟ لأ لان كل class ليه range ارقام ما ينفعش انك تتعامل غير معاه

الارض للدومين

وبالفكاكه كده نفهم اننا لو استخدمنا ال class C ح نقدر نضيف لغاية 254 جهاز ونشتغل في حوالي 2 مليون شبكه
وال class B نقدر نضيف 65000 جهاز ونشغل حوالي 16000 شبكه
اما ال class A فده ما بيتيحش اكثر من 126 شبكه و كل شبكه معاك لغاية 16 مليون هوست
وزي ما قلنا مش ح نتكلم عن ال class D
طبعا انا باشتغل بال class C وممكن اشتغل باي class لكن خد بالك انك لو اشتغلت بكلاس سي ح تكون محكوم بعدد اجهزة 254
وعلشان نسهل على نفسنا ح نشتغل بال default subnet الخاصة بكل class

الارض للدومين

اعتقد كفايه كده و ح نشتغل ب Class C وح ندي اي بيهات 192.168.1 و حتكون او رقم فيها ح نديه للماسوره الام ( DC ) و بالتالي ح يبقى 192.168.1.1 و الماسك ح يكون 255.255.255.0
وندخل DNS رقمه 192.168.1.1 ح تقوللي هو احنا عملنا dns ح اقولك خدني على قد عقلي

الارض للدومين

وبعدين OK وبعدها close

الارض للدومين

ح نلاقي الايقونة ظهرت وندخل على اللي بعده

الارض للدومين

هام : الموضوع ده متشعب وعلم كبير و لذيييييييذ و محتاج نجوجل ومذاكره بتركيز




اضافة حزمة ال Admin. Tools كامله
___________________
اهم وسيله لأدارة الشبكة في Microsoft هي حزمة ادوات الادارة Administrative tools ودي بتتيح لك كامل التحكم في الشبكة و الخدمات اللي موجوده عليها
يعني مثلا للتحكم في ال users وخصائصه و تعدل ال password بتاعته و كمان ال mail box لو مشغل exchange وما يمنعش انك تحدد ساعات دخوله ع الشبكه و يدخل على اي اجهزه , كل ده من Active Directory Users and Computers الموجوده في Administrative tools
وتتحكم في ال DHCP برضه من ال Admin. Tools
وال DNS
وال IIS
و تبوظ الدنيا مع ال Group policy
وال DFS
وكمان ال Services
كل ده من ال Admin. Tools
وال Admin. Tools بتقابلنا دايما على 3 احوال :-
الاولى : ودي اللي موجوده في نسخة الاكس بي ودي بتكون محدوده و بتتيح لك التحكم في الجهاز بصورة متقدمه و بخاصة في ال Services وال Polices
الثانيه : الموجوده Default مع نسخة 2003 سيرفر و بتكون اكثر تقدما وتعقيدا من ال XP زي ما احنا شايفين

الارض للدومين

الثالثه : ودي مربط الفرس اللي بتتيح لنا التحكم في الدومين و ادارته من اي جهاز على الشبكه !!! نوضح شويه
ال Admin. Tools بتاعة ال active directory بتدير الشبكه من على ال DC لكنها ممكن تشتغل من اي جهاز على الشبكه يعني مش لازم تكون على DC علشان تضيف User لا ده انت من جهازك تقدر لو عندك Admin. Tools منزلها على جهازك اللي مش شرط انه يكون 2003 server لأ ده ممكن يكون XP
وسواء كان الجهاز XP او 2003 Server
وسواء كان DC او member of domain
ففي كل الاحوال بتنزل ال Admin. Tools ( الحاله الثالثه ) بنفس الطريقه
بيتم ده من خلال ملف بسيط موجود على اسطوانة ال 2003 server داخل مجلد I386 واسم الملف ده Adminpak.msi ومجود انك تحط الاسطوانه ودابل كليك على الملف ح تلاقي ال
Administrative tools نزلت على الجهاز ايا كان ومنها تقدر تدير شبكتك 23 قيراط والقيراط الرابع و عشرين عباره عن برامج third party ح نتعرف عليها بعدين

الارض للدومين

الارض للدومين

وخلاص

الارض للدومين

والمجموعه كده كملت ونقدر نوصلها من start زي ما انتم شايفين

الارض للدومين





تجهيز بارتيشن منفصل لملفات ال Active Directory وال Paging File
___________________
في السريع ح نبتدي نتعامل مع برنامج Disk Management الموجود على الويندوز ( فيه درس خاص بالموضوع ده ) و نعمل بارتيشن جديد ننزل عليه ملفات ال active directory و كمان ننقل عليه ال paging file
برضه رايت كليك على my computer

الارض للدومين

ونختار manage
وبعدين نختار disk management ح يظهر قدامنا الهاردات و البارتيشنز اللي عليها كاننا بنتعامل مع برنامج partition manager بس طبعا ما فيهوش كل الامكانيات زي تغيير مساحة البارتيشن او نقل البارتيشن

الارض للدومين

نقف على المساحه الفارغه من الهارد و كليك يمين

الارض للدومين

ح يفتح لنا wizard بسيط

الارض للدومين

الارض للدومين

نحدد المساحه المطلوبه

الارض للدومين

ح نختار الاختيار الاول ( الاختيار الثاني لذييييذ ومشروح ان شاء الله في درس الهاردات )

الارض للدومين

وبعدين نختار طبعا NTFS

الارض للدومين

ونراجع الاختيارات في اخر شاشه و بعدها finish

الارض للدومين

وبكده البارتيشن جاهز وبالمناسبه فيه درس مختص باللعب مع الهاردات وتقسيمها




نقل ال Paging File
___________________
ال Paging file مهم جدا جدا و هو بيعمل زي ال Virtual memory وبيكون حجمه على الاقل 150 % من الرامات و ما يزيدش عن 300 %
وعلشان تاخد اداء عااالي لل paging file ( انا بادلعه واقول عليه Swap file ) يتم نقله من بارتيشن السيستم ( وده الوضع ال Default ) الى بارتيشن تاني بشرط يكون عليه مساحه كافيه والكلام ده بالنسبة للاكس بي كمان
وبسم الله نبتدي

الارض للدومين

الارض للدومين

الارض للدومين

الارض للدومين

و نبتدي ننقف بالماوس على البارتيشن اللي ح ننقله عليه
ونظبط المساحه اللي عايزينها وبعدين OK

الارض للدومين

الارض للدومين

الارض للدومين

خمسين الف OK

وكفايه كده النهارده وننام بدري علشان الصبح ح نعمل ال Domain controller

الارض للدومين

والله المستعان
سبحانك اللهم وبحمدك , أشهد ألا اله الا أنت , أستغفرك وأتوب اليك





المواضيع المشابهه
الموضوع كاتب الموضوع المنتدى مشاركات آخر مشاركة
انا ابن الارض مروان الغالي منتدى الشعر العربي والخواطر والنثر 0 12-12-2013 05:22 AM
اثاث - افرش بيتك بارقى الموديلات شماغ السمو أثاث جديد - بيع وشراء الأثاث والمفروشات والموبيليا 0 21-07-2011 05:57 PM
المنسيات في الارض abu_mada المنتدى العام 3 27-03-2011 05:52 PM
افرش بيتك بارقى اثاث من اكسبت فرنتشر lmandoo أثاث جديد - بيع وشراء الأثاث والمفروشات والموبيليا 0 23-02-2011 02:55 PM
لا استطيع اضافة جهاز كلاينت للدومين تظهر رسالة خطأ aboazoz إدارة الشبكات و حلول ومشاكل الشبكات 6 27-05-2006 09:28 PM

20-09-2007, 12:49 AM
الأسمري غير متصل
عضو ذهبي
رقم العضوية: 17050
تاريخ التسجيل: Jan 2005
المشاركات: 836
إعجاب: 277
تلقى 142 إعجاب على 21 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #2  
رحم الله والدتك وأسكنها فسيح جنانه . وأبدلها بدارٍ خير من دارها وغفر لها ذنوبها .

حقيقة إنه لجهد كبير تبذله لانجد رد له إلا الدعاء لك بدوام الصحة والعافية والعيش الرغيد بجوار بيت الحبيب محمد عليه الصلاة والسلام .


20-09-2007, 12:59 AM
alamosha غير متصل
عضو فعال
رقم العضوية: 56532
تاريخ التسجيل: Oct 2006
الإقامة: Somewhere There :)
المشاركات: 103
إعجاب: 42
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #3  


اخي قمت بتنفيذ ما قمت بشرحه اليوم وفهمته
وفي انتتظار الدرس القادم
ورحم الله والدتك واكرمك بالعيش في مدينة رسول الله
ورمضان كريم

من مواضيعي:
- حكاية جواب

20-09-2007, 01:19 AM
ابوشيماء غير متصل
عضو فعال
رقم العضوية: 32585
تاريخ التسجيل: Feb 2006
المشاركات: 70
إعجاب: 25
تلقى 15 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #4  
الف شكر ..... رحم الله امواتنا وامواتكم بواسع رحمتة


20-09-2007, 04:48 AM
mohamedzebak غير متصل
عضوية الشرف
رقم العضوية: 31703
تاريخ التسجيل: Jan 2006
الإقامة: Alexandria
المشاركات: 4,719
إعجاب: 1,259
تلقى 1,076 إعجاب على 201 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #5  
بجد تسلم ايدك أخي شرارة بس في تساؤل بسيط دلوقتي مثلا انا شغال علي اكس بي من غير dc باستعمل اي بي ديناميك و كل الموضوع بتاعك فهمته بس لمحة بسيطة معني اني اعمل رقم الدي سي 192.168.1.1 معناها انه واخد اي بي الرواتر بتاعي لان الترقيم بيبدأ عندي من بعده حاليا فهل لو انا نزلت الويندوز سيرفر و اعطيت جهازي الرقم هل الراوتر ياخد رقم تاني ولا دي حالة اني باشتغل علي اي بي استاتيك فقط يعني هينفع الراوتر و الجهاز يبقوا بنفس الرقم ولا اعدل اعدادات المودم بطريقة اخري تتناسب مع التعديل


¨¨¨™-¦-™¨¨¨عزيزة يا مصرما تهوني فداكي الولد و الوليد ¨¨¨™-¦-™¨¨¨
"ولنبْلُونكُمْ بشيْءٍ من الْخوف والْجُوع ونقْصٍ من الأموال والأنفُس والثمرات وبشر الصابرين (155)الذين إذا أصابتْهُم مُصيبة
قالُواْ إنا لله وإنـا إليْه راجعون (156)"
صدق الله العظيم
لكل غياب إياب هنا ديارنا وعائدون .......

20-09-2007, 05:11 AM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #6  
مش شرط انك تدي ال dc رقم 1
ممكن تخليه رقم 2

او اي رقم

وممكن تديله رقم 1 وتغير الراوتر لان رقم الاي بي ده اللي واخده الراوتر بتاع الفيرتوال لان يعني ممكن نغيره

ولو الكلام مش واضح انا في الانتظار

20-09-2007, 10:17 AM
ahmedsayed غير متصل
عضو جديد
رقم العضوية: 31926
تاريخ التسجيل: Jan 2006
المشاركات: 21
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #7  
اخي الحبيب درس رائع فعلا بارك الله فيك وجعله الله في ميزان حسناتك
وربنا يقويك وتلحقنا بالدرس التالي فانا في انتظار دروسك وبارك الله فيك


20-09-2007, 10:43 AM
tifa2003 غير متصل
عضو فعال
رقم العضوية: 30843
تاريخ التسجيل: Jan 2006
المشاركات: 118
إعجاب: 8
تلقى 19 إعجاب على 7 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #8  
وبركاته
اخى العزيز شرارة لقد مررت بشروحات كثيرة عن الشبكات وكيفية عملها وكلها كانت فلسفة ممكن تقول فارغة لكن ماشاء الله على شرحك العملى اللى احنا فعلا محتاجينة
جعله الله فى ميزان حسناتك ولا تنسى دائما ان رسولنا الكريم سيدنا محمد صلى الله عليه وسلم قال( خيركم من تعلم العلم وعلمه ) ونحن نأمل لك دائما ان تكون خير الناس اجمعين
وفى النهايه رحم الله والديك وكل اموات المسلمين وشفى مرضاهم ........ أمين أمين أمين
و









سبحان الله وبحمده ............ سبحان الله العظيم

20-09-2007, 04:55 PM
ahmed_asg غير متصل
عضو محترف
رقم العضوية: 79612
تاريخ التسجيل: May 2007
المشاركات: 604
إعجاب: 143
تلقى 19 إعجاب على 8 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #9  
اسال الله ان تكون هذه الدروس سبب في دخولك الجنة ان شاء الله
انت ووالديك وذريتك اجمعين
اللهم امين


أملي أن يرضى الله عني

20-09-2007, 08:16 PM
abas_elgen غير متصل
عضو محترف
رقم العضوية: 67720
تاريخ التسجيل: Mar 2007
الإقامة: ٍSaudi Arabia
المشاركات: 591
إعجاب: 347
تلقى 13 إعجاب على 13 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #10  
بارك الله فيك أخي الكريم
ونفعك بعلمه

20-09-2007, 10:22 PM
ahmdatef غير متصل
عضوية الشرف
رقم العضوية: 22769
تاريخ التسجيل: Jul 2005
الإقامة: مصر
المشاركات: 11,074
إعجاب: 1,894
تلقى 1,142 إعجاب على 237 مشاركة
تلقى دعوات الى: 8 موضوع
مواضيع لم تعجبه: 0
تلقى 0 عدم اعجاب على 0 مشاركة
    #11  
المشاركة الأصلية كتبت بواسطة الأسمري 
رحم الله والدتك وأسكنها فسيح جنانه . وأبدلها بدارٍ خير من دارها وغفر لها ذنوبها .

حقيقة إنه لجهد كبير تبذله لانجد رد له إلا الدعاء لك بدوام الصحة والعافية والعيش الرغيد بجوار بيت الحبيب محمد عليه الصلاة والسلام .
آمين يا رب العالمين



21-09-2007, 02:24 AM
ALABASIRY غير متصل
عضو جديد
رقم العضوية: 40020
تاريخ التسجيل: Apr 2006
المشاركات: 5
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #12  
الله أكبر
علي سلاسة أسلوبك و كرم عطاءك..
لك مني كل التقدير و رحم الله والدتك رحمة واسعة
أحمد الأباصيري
دارس بقسم الدراسات العليا-كلية الحاسبات والمعلومات-جامعة عين شمس

21-09-2007, 05:21 AM
mohamedzebak غير متصل
عضوية الشرف
رقم العضوية: 31703
تاريخ التسجيل: Jan 2006
الإقامة: Alexandria
المشاركات: 4,719
إعجاب: 1,259
تلقى 1,076 إعجاب على 201 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #13  
المشاركة الأصلية كتبت بواسطة sharara 
مش شرط انك تدي ال dc رقم 1
ممكن تخليه رقم 2

او اي رقم

وممكن تديله رقم 1 وتغير الراوتر لان رقم الاي بي ده اللي واخده الراوتر بتاع الفيرتوال لان يعني ممكن نغيره

ولو الكلام مش واضح انا في الانتظار
أخي الغالي شرارة انا كنت بانتظر توضيح انما طالما يمكن تغيير الرقم لانه تخيلي لاتصال اللان تصبح الامور واضحة بس السؤال هل معني هذا ان الجيت واي للاجهزة المتصلة عدا الdc هتكون برقم الراوتر ام برقم الdc يعني اعداد الشبكة هيبقي اتصال عبر جهاز اخر ولا اتصال مباشر ؟يعني هنعطي الدومين اي رقم و ليكن 2 و الراوتر 1 كده تبقي نوعية الاتصال للباقين تعتمد علي الرقم 1 ولا علي الرقم 2 ؟؟؟

21-09-2007, 03:58 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #14  
شكرا اخواتي على المرور

ح تديله جيت واي برقم اي بي الراوتر
مؤقتا لغاية ما نخل في جزئية البروكسيات وتوزيع الانترنت

21-09-2007, 07:38 PM
mohamedzebak غير متصل
عضوية الشرف
رقم العضوية: 31703
تاريخ التسجيل: Jan 2006
الإقامة: Alexandria
المشاركات: 4,719
إعجاب: 1,259
تلقى 1,076 إعجاب على 201 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #15  
المشاركة الأصلية كتبت بواسطة sharara 
شكرا اخواتي على المرور

ح تديله جيت واي برقم اي بي الراوتر
مؤقتا لغاية ما نخل في جزئية البروكسيات وتوزيع الانترنت
كده وضحت اخي الكريم شرارة مشكور اخي شرارة علي التوضيح

 


7 - افرش الارض رمل للدومين


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.